Trailokya Mangala Lakshmi Stotram – śrī lakṣmī stōtram (trailōkya maṅgalam)


namaḥ kalyāṇadē dēvi namō:’stu harivallabhē |
namō bhaktipriyē dēvi lakṣmīdēvi namō:’stu tē || 1 ||

namō māyāgr̥hītāṅgi namō:’stu harivallabhē |
sarvēśvari namastubhyaṁ lakṣmīdēvi namō:’stu tē || 2 ||

mahāmāyē viṣṇudharmapatnīrūpē haripriyē |
vāñchādātri surēśāni lakṣmīdēvi namō:’stu tē || 3 ||

udyadbhānusahasrābhē nayanatrayabhūṣitē |
ratnādhārē surēśāni lakṣmīdēvi namō:’stu tē || 4 ||

vicitravasanē dēvi bhavaduḥkhavināśini |
kucabhāranatē dēvi lakṣmīdēvi namō:’stu tē || 5 ||

sādhakābhīṣṭadē dēvi annadānaratē:’naghē |
viṣṇvānandapradē mātarlakṣmīdēvi namō:’stu tē || 6 ||

ṣaṭkōṇapadmamadhyasthē ṣaḍaṅgayuvatīmayē |
brahmāṇyādisvarūpē ca lakṣmīdēvi namō:’stu tē || 7 ||

dēvi tvaṁ candravadanē sarvasāmrājyadāyini |
sarvānandakarē dēvi lakṣmīdēvi namō:’stu tē || 8 ||

pūjākālē paṭhēdyastu stōtramētatsamāhitaḥ |
tasya gēhē sthirā lakṣmīrjāyatē nātra saṁśayaḥ || 9 ||

iti trailōkyamaṅgalaṁ nāma śrī lakṣmī stōtram |


See more śrī lakṣmī stōtrāṇi for chanting.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed