Read in తెలుగు / ಕನ್ನಡ / தமிழ் / देवनागरी / English (IAST)
|| dadhimukhakhilīkāraḥ ||
tānuvāca hariśrēṣṭhō hanumānvānararṣabhaḥ |
avyagramanasō yūyaṁ madhu sēvata vānarāḥ || 1 ||
ahamāvārayiṣyāmi yuṣmākaṁ paripanthinaḥ |
śrutvā hanumatō vākyaṁ harīṇāṁ pravarōṅgadaḥ || 2 ||
pratyuvāca prasannātmā pibantu harayō madhu |
avaśyaṁ kr̥takāryasya vākyaṁ hanumatō mayā || 3 ||
akāryamapi kartavyaṁ kimaṅga punarīdr̥śam |
aṅgadasya mukhācchrutvā vacanaṁ vānararṣabhāḥ || 4 ||
sādhu sādhviti saṁhr̥ṣṭā vānarāḥ pratyapūjayan |
pūjayitvāṅgadaṁ sarvē vānarā vānararṣabham || 5 ||
jagmurmadhuvanaṁ yatra nadīvēgā iva drutam |
tē praviṣṭā madhuvanaṁ pālānākramya vīryataḥ || 6 ||
atisargācca paṭavō dr̥ṣṭvā śrutvā ca maithilīm |
papuḥ sarvē madhu tadā rasavatphalamādaduḥ || 7 ||
utpatya ca tataḥ sarvē vanapālānsamāgatān |
tāḍayanti sma śataśaḥ saktānmadhuvanē tadā || 8 ||
madhūni drōṇamātrāṇi bāhubhiḥ parigr̥hya tē |
pibanti sahitāḥ sarvē nighnanti sma tathāparē || 9 ||
kēcitpītvāpavidhyanti madhūni madhupiṅgalāḥ |
madhūcchiṣṭēna kēcicca jaghnuranyōnyamutkaṭāḥ || 10 ||
aparē vr̥kṣamūlē tu śākhāṁ gr̥hya vyavasthitāḥ |
atyarthaṁ ca madaglānāḥ parṇānyāstīrya śēratē || 11 ||
unmattabhūtāḥ plavagā madhumattāśca hr̥ṣṭavat |
kṣipanti ca tadānyōnyaṁ skhalanti ca tathāparē || 12 ||
kēcit kṣvēlāṁ prakurvanti kēcitkūjanti hr̥ṣṭavat |
harayō madhunā mattāḥ kēcitsuptā mahītalē || 13 ||
kr̥tvā kēciddhasantyanyē kēcitkurvanti cētarat |
kr̥tvā kēcidvadantyanyē kēcidbudhyanti cētarat || 14 ||
yē:’pyatra madhupālāḥ syuḥ prēṣyā dadhimukhasya tu |
tē:’pi tairvānarairbhīmaiḥ pratiṣiddhā diśō gatāḥ || 15 ||
jānubhistu prakr̥ṣṭāśca dēvamārgaṁ ca darśitāḥ |
abruvanparamōdvignā gatvā dadhimukhaṁ vacaḥ || 16 ||
hanūmatā dattavarairhataṁ madhuvanaṁ balāt |
vayaṁ ca jānubhiḥ kr̥ṣṭā dēvamārgaṁ ca darśitāḥ || 17 ||
tatō dadhimukhaḥ kruddhō vanapastatra vānaraḥ |
hataṁ madhuvanaṁ śrutvā sāntvayāmāsa tānharīn || 18 ||
ihāgacchata gacchāmō vānarānbaladarpitān |
balēna vārayiṣyāmō madhu bhakṣayatō vayam || 19 ||
śrutvā dadhimukhasyēdaṁ vacanaṁ vānararṣabhāḥ |
punarvīrā madhuvanaṁ tēnaiva sahasā yayuḥ || 20 ||
madhyē caiṣāṁ dadhimukhaḥ pragr̥hya tarasā tarum |
samabhyadhāvadvēgēna tē ca sarvē plavaṅgamāḥ || 21 ||
tē śilāḥ pādapāṁścāpi parvatāṁścāpi vānarāḥ |
gr̥hītvā:’bhyagamankruddhā yatra tē kapikuñjarāḥ || 22 ||
tē svāmivacanaṁ vīrā hr̥dayēṣvavasajya tat |
tvarayā hyabhyadhāvanta sālatālaśilāyudhāḥ || 23 ||
vr̥kṣasthāṁśca talasthāṁśca vānarānbaladarpitān |
abhyakrāmaṁstatō vīrāḥ pālāstatra sahasraśaḥ || 24 ||
atha dr̥ṣṭvā dadhimukhaṁ kruddhaṁ vānarapuṅgavāḥ |
abhyadhāvanta vēgēna hanumatpramukhāstadā || 25 ||
taṁ savr̥kṣaṁ mahābāhumāpatantaṁ mahābalam |
āryakaṁ prāharattatra bāhubhyāṁ kupitōṅgadaḥ || 26 ||
madāndhaśca na vēdainamāryakō:’yaṁ mamēti saḥ |
athainaṁ niṣpipēṣāśu vēgavadvasudhātalē || 27 ||
sa bhagnabāhūrubhujō vihvalaḥ śōṇitōkṣitaḥ |
mumōha sahasā vīrō muhūrtaṁ kapikuñjaraḥ || 28 ||
sa samāśvasya sahasā saṅkruddhō rājamātulaḥ |
vānarānvārayāmāsa daṇḍēna madhumōhitān || 29 ||
sa kathañcidvimuktastairvānarairvānararṣabhaḥ |
uvācaikāntamāśritya bhr̥tyānsvānsamupāgatān || 30 ||
ētē tiṣṭhantu gacchāmō bhartā nō yatra vānaraḥ |
sugrīvō vipulagrīvaḥ saha rāmēṇa tiṣṭhati || 31 ||
sarvaṁ caivāṅgadē dōṣaṁ śrāvayiṣyāmi pārthivē |
amarṣī vacanaṁ śrutvā ghātayiṣyati vānarān || 32 ||
iṣṭaṁ madhuvanaṁ hyētatsugrīvasya mahātmanaḥ |
pitr̥paitāmahaṁ divyaṁ dēvairapi durāsadam || 33 ||
sa vānarānimānsarvānmadhulubdhāngatāyuṣaḥ |
ghātayiṣyati daṇḍēna sugrīvaḥ sasuhr̥jjanān || 34 ||
vadhyā hyētē durātmānō nr̥pājñāparibhāvinaḥ |
amarṣaprabhavō rōṣaḥ saphalō nō bhaviṣyati || 35 ||
ēvamuktvā dadhimukhō vanapālānmahābalaḥ |
jagāma sahasōtpatya vanapālaiḥ samanvitaḥ || 36 ||
nimēṣāntaramātrēṇa sa hi prāptō vanālayaḥ |
sahasrāṁśusutō dhīmānsugrīvō yatra vānaraḥ || 37 ||
rāmaṁ ca lakṣmaṇaṁ caiva dr̥ṣṭvā sugrīvamēva ca |
samapratiṣṭhāṁ jagatīmākāśānnipapāta ha || 38 ||
sannipatya mahāvīryaḥ sarvaistaiḥ parivāritaḥ |
harirdadhimukhaḥ pālaiḥ pālānāṁ paramēśvaraḥ || 39 ||
sa dīnavadanō bhūtvā kr̥tvā śirasi cāñjalim |
sugrīvasya śubhau mūrdhnā caraṇau pratyapīḍayat || 40 ||
ityārṣē śrīmadrāmāyaṇē vālmīkīyē ādikāvyē sundarakāṇḍē dviṣaṣṭitamaḥ sargaḥ || 62 ||
sundarakāṇḍa triṣaṣṭitamaḥ sargaḥ (63)>>
See Complete vālmīki sundarakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
