Read in తెలుగు / ಕನ್ನಡ / தமிழ் / देवनागरी / English (IAST)
|| laṅkāpurīpravēśaḥ ||
sa nirjitya purīṁ śrēṣṭhāṁ laṅkāṁ tāṁ kāmarūpiṇīm |
vikramēṇa mahātējā hanūmānkapisattamaḥ || 1 ||
advārēṇa mahābāhuḥ prākāramabhipupluvē |
niśi laṅkāṁ mahāsatvō vivēśa kapikuñjaraḥ || 2 ||
praviśya nagarīṁ laṅkāṁ kapirājahitaṅkaraḥ |
cakrē:’tha pādaṁ savyaṁ ca śatrūṇāṁ sa tu mūrdhani || 3 ||
praviṣṭaḥ sattvasampannō niśāyāṁ mārutātmajaḥ |
sa mahāpathamāsthāya muktāpuṣpavirājitam || 4 ||
[* sēvitāṁ rākṣasairbhīmairbalibhiḥ śastrapāṇibhiḥ | *]
tatastu tāṁ purīṁ laṅkāṁ ramyāmabhiyayau kapiḥ || 5
hasitōtkr̥ṣṭaninadaistūryaghōṣapuraḥsaraiḥ | ||
vajrāṅkuśanikāśaiśca vajrajālavibhūṣitaiḥ |
gr̥hamukhyaiḥ purī ramyā babhāsē dyaurivāmbudaiḥ || 6 || [mēdhaiḥ]
prajajvāla tadā laṅkā rakṣōgaṇagr̥haiḥ śubhaiḥ |
sitābhrasadr̥śaiścitraiḥ padmasvastikasaṁsthitaiḥ || 7 ||
vardhamānagr̥haiścāpi sarvataḥ suvibhūṣitā |
tāṁ citramālyābharaṇāṁ kapirājahitaṅkaraḥ || 8 ||
rāghavārthaṁ caran śrīmān dadarśa ca nananda ca |
bhavanādbhavanaṁ gacchan dadarśa pavanātmajaḥ || 9 ||
vividhākr̥tirūpāṇi bhavanāni tatastataḥ |
śuśrāva madhuraṁ gītaṁ tristhānasvarabhūṣitam || 10 ||
strīṇāṁ madasamr̥ddhānāṁ divi cāpsarasāmiva |
śuśrāva kāñcīninadaṁ nūpurāṇāṁ ca niḥsvanam || 11 ||
sōpānaninadāṁścaiva bhavanēṣu mahātmanām |
āsphōṭitaninādāṁśca kṣvēlitāṁśca tatastataḥ || 12 ||
śuśrāva japatāṁ tatra mantrānrakṣōgr̥hēṣu vai |
svādhyāyaniratāṁścaiva yātudhānāndadarśa saḥ || 13 ||
rāvaṇastava samyuktāngarjatō rākṣasānapi |
rājamārgaṁ samāvr̥tya sthitaṁ rakṣōbalaṁ mahat || 14 ||
dadarśa madhyamē gulmē rāvaṇasya carān bahūn |
dīkṣitān jaṭilānmuṇḍān gō:’jināmbaravāsasaḥ || 15 ||
darbhamuṣṭipraharaṇānagnikuṇḍāyudhāṁstathā |
kūṭamudgarapāṇīṁśca daṇḍāyudhadharānapi || 16 ||
ēkākṣānēkakarṇāṁśca lambōdarapayōdharān |
karālānbhugnavaktrāṁśca vikaṭānvāmanāṁstathā || 17 ||
dhanvinaḥ khaḍginaścaiva śataghnīmusalāyudhān |
parighōttamahastāṁśca vicitrakavacōjjvalān || 18 ||
nātisthūlānnātikr̥śānnātidīrghātihrasvakān |
nātigaurānnātikr̥ṣṇānnātikubjānna vāmanān || 19 ||
virūpānbahurūpāṁśca surūpāṁśca suvarcasaḥ |
dhvajīnpatākinaścaiva dadarśa vividhāyudhān || 20 ||
śaktivr̥kṣāyudhāṁścaiva paṭ-ṭiśāśanidhāriṇaḥ |
kṣēpaṇīpāśahastāṁśca dadarśa sa mahākapiḥ || 21 ||
sragviṇastvanuliptāṁśca varābharaṇabhūṣitān |
nānāvēṣasamāyuktānyathāsvairagatānbahūn || 22 ||
tīkṣṇaśūladharāṁścaiva vajriṇaśca mahābalān |
śatasāhasramavyagramārakṣaṁ madhyamaṁ kapiḥ || 23 ||
rakṣōdhipatinirdiṣṭaṁ dadarśāntaḥpurāgrataḥ |
sa tadā tadgr̥haṁ dr̥ṣṭvā mahāhāṭakatōraṇam || 24 ||
rākṣasēndrasya vikhyātamadrimūrdhni pratiṣṭhitam |
puṇḍarīkāvataṁsābhiḥ parikhābhiḥ samāvr̥tam || 25 || [alaṅkr̥tam]
prākārāvr̥tamatyantaṁ dadarśa sa mahākapiḥ |
triviṣṭapanibhaṁ divyaṁ divyanādavināditam || 26 ||
vājihēṣitasaṅghuṣṭaṁ nāditaṁ bhūṣaṇaistathā |
rathairyānairvimānaiśca tathā hayagajaiḥ śubhaiḥ || 27 ||
vāraṇaiśca caturdantaiḥ śvētābhranicayōpamaiḥ |
bhūṣitaṁ ruciradvāraṁ mattaiśca mr̥gapakṣibhiḥ || 28 ||
rakṣitaṁ sumahāvīryairyātudhānaiḥ sahasraśaḥ |
rākṣasādhipatērguptamāvivēśa mahākapiḥ || 29 ||
sahēmajāmbūnadacakravālaṁ
mahārhamuktāmaṇibhūṣitāntam |
parārthyakālāgarucandanāktaṁ
sa rāvaṇāntaḥ puramāvivēśa || 30 ||
ityārṣē śrīmadrāmāyaṇē vālmīkīyē ādikāvyē sundarakāṇḍē caturthaḥ sargaḥ || 4 ||
sundarakāṇḍa pañcama sargaḥ(5)>>
See Complete vālmīki sundarakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
