Read in తెలుగు / ಕನ್ನಡ / தமிழ் / देवनागरी / English (IAST)
arjuna uvāca |
kṣētrēṣu yēṣu yēṣu tvaṁ cintanīyō mayācyuta |
cētasaḥ praṇidhānārthaṁ tanmamākhyātumarhasi || 1 ||
yatra yatra ca yannāma prītayē bhavataḥ stutau |
prasādasumukhō nātha tanmamāśēṣatō vada || 2 ||
bhagavānuvāca |
sarvagaḥ sarvabhūtō:’haṁ na hi kiñcinmayā vinā |
carācarē jagatyasmin vidyatē kurusattama || 3 ||
tathāpi yēṣu sthānēṣu cintanīyō:’hamarjuna |
stōtavyō nāmabhiryaiśca śrūyatāṁ tadvadāmi tē || 4 ||
puṣkarē puṇḍarīkākṣaṁ gayāyāṁ ca gadādharam |
lōhadaṇḍē tathā viṣṇuṁ stuvaṁstarati duṣkr̥tam || 5 ||
rāghavaṁ citrakūṭē tu prabhāsē daityasūdanam |
br̥ndāvanē ca gōvindaṁ māṁ stuvan puṇyabhāgbhavēt || 6 ||
jayaṁ jayantyāṁ tadvacca jayantaṁ hastināpurē |
varāhaṁ kardamālē tu kāśmīrē cakrapāṇinam || 7 ||
janārdanaṁ ca kubjāmrē mathurāyāṁ ca kēśavam |
kubjakē śrīdharaṁ tadvadgaṅgādvārē surōttamam || 8 ||
sālagrāmē mahāyōgiṁ hariṁ gōvardhanācalē |
piṇḍārakē caturbāhuṁ śaṅkhōddhārē ca śaṅkhinam || 9 ||
vāmanaṁ tu kurukṣētrē yamunāyāṁ trivikramam |
viśvēśvaraṁ tathā śōṇē kapilaṁ pūrvasāgarē || 10 ||
śvētadvīpapatiṁ cāpi gaṅgāsāgarasaṅgamē |
bhūdharaṁ dēvikānadyāṁ prayāgē caiva mādhavam || 11 ||
naranārāyaṇākhyaṁ ca tathā badarikāśramē |
samudrē dakṣiṇē stavyaṁ padmanābhēti phālguna || 12 ||
dvārakāyāṁ tathā kr̥ṣṇaṁ stuvaṁstarati durgatim |
rāmaṁ nāma mahēndrādrau hr̥ṣīkēśaṁ tathārbudē || 13 ||
aśvatīrthē hayagrīvaṁ viśvarūpaṁ himācalē |
nr̥siṁhaṁ kr̥tasaucē ca vipāśāyāṁ dvijapriyam || 14 ||
naimiṣē yajñapuruṣaṁ jambūmārgē tathācyutam |
anantaṁ saindhavāraṇyē daṇḍakē śārṅgadhāriṇam || 15 ||
utpalāvartakē śauriṁ narmadāyāṁ śriyaḥ patim |
dāmōdaraṁ raivatakē nandāyāṁ jalaśāyinam || 16 ||
sarvayōgēśvaraṁ caiva sindhusāgarasaṅgamē |
sahyādrau dēvadēvēśaṁ vaikuṇṭhaṁ māgadhē vanē || 17 ||
sarvapāpaharaṁ vindhyē cōḍrēṣu puruṣōttamam |
hr̥dayē cāpi kauntēya paramātmānamātmanaḥ || 18 ||
vaṭē vaṭē vaiśravaṇaṁ catvarē catvarē śivam |
parvatē parvatē rāmaṁ sarvatra madhusūdanam || 19 ||
naraṁ bhūmau tathā vyōmni kauntēya garuḍadhvajam |
vāsudēvaṁ ca sarvatra saṁsmarējjyōtiṣāṁ patim || 20 ||
arcayan praṇaman stunvan saṁsmarēśca dhanañjaya |
ētēṣvētāni nāmāni naraḥ pāpāt pramucyatē || 21 ||
sthānēṣvētēṣu mannāmnāmētēṣāṁ prīṇanaṁ naraḥ |
dvijānāṁ prīṇanaṁ kr̥tvā svargalōkē:’bhijāyatē || 22 ||
nāmānyētāni kauntēya sthānānyētāni cātmavān |
japan vai pañcapañcāśat trisandhyaṁ matparāyaṇaḥ || 23 ||
trīṇi janmāni yatpāpamavasthātritayē kr̥tam |
tatkṣālayatyasandigdhaṁ jāyatē ca satāṁ kulē || 24 ||
dvikālaṁ vā japanvaitaddivārātrau ca yatkr̥tam |
tasmādvimucyatē pāpāt saṁstuvanparamō naraḥ || 25 ||
japtānyētāni kauntēya sakr̥cchraddhāsamanvitam |
mōcayanti naraṁ pāpādyattatraiva dinē kr̥tam || 26 ||
dhanyaṁ yaśasyamāyuṣyaṁ jayaṁ kuru kulōdvaha |
grahānukūlatāṁ caiva karōtyāśu na saṁśayaḥ || 27 ||
upōṣitō matparamaḥ sthānēṣvētēṣu mānavaḥ |
kr̥tāyatanavāsaśca prāpnōtyabhimataṁ phalam || 28 ||
utkrāntirapyaśēṣēṣu sthānēṣvētēṣu śasyatē |
anyasthānācchataguṇamētēṣvanaśanādikam || 29 ||
yastu matparamaḥ kālaṁ karōtyētēṣu mānavaḥ |
dēvānāmapi pūjyō:’sau mama lōkē mahīyatē || 30 ||
sthānēṣvathaitēṣu ca yē vasanti
sampūjayantē mama sarvakālam |
tadēha cāntē tridivaṁ prayānti
nākaṁ ca lōkaṁ samavāpnuvanti || 34 ||
iti śrīviṣṇudharmōttarē tr̥tīyakhaṇḍē mārkaṇḍēyavajrasaṁvādē arjunaṁ prati kr̥ṣṇōpadēśē sthānaviśēṣakīrtanamāhātmyavarṇanō nāma pañcaviṁśatyuttaraśatatamō:’dhyāyaḥ |
See more śrī viṣṇu stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
