Read in తెలుగు / ಕನ್ನಡ / தமிழ் / देवनागरी / English (IAST)
asya śrī subrahmaṇya kavacastōtra mahāmantrasya agastyō bhagavān r̥ṣiḥ, anuṣṭupchandaḥ śrī subrahmaṇyō dēvatā, saṁ bījaṁ, svāhā śaktiḥ, saḥ kīlakaṁ, śrī subrahmaṇyaprasādasiddhyarthē japē viniyōgaḥ |
nyāsaḥ –
hiraṇyaśarīrāya aṅguṣṭhābhyāṁ namaḥ |
ikṣudhanurdharāya tarjanībhyāṁ namaḥ |
śaravaṇabhavāya madhyamābhyāṁ namaḥ |
śikhivāhanāya anāmikābhyāṁ namaḥ |
śaktihastāya kaniṣṭhikābhyāṁ namaḥ |
sakaladuritamōcanāya karatalakarapr̥ṣṭhābhyāṁ namaḥ |
ēvaṁ hr̥dayādi nyāsaḥ ||
dhyānam |
kanakakuṇḍalamaṇḍitaṣaṇmukhaṁ
vanajarāji virājita lōcanam |
niśita śastraśarāsanadhāriṇaṁ
śaravaṇōdbhavamīśasutaṁ bhajē ||
lamityādi pañcapūjā kuryāt |
agastya uvāca |
skandasya kavacaṁ divyaṁ nānā rakṣākaraṁ param |
purā pinākinā prōktaṁ brahmaṇō:’nantaśaktayē || 1 ||
tadahaṁ sampravakṣyāmi bhadraṁ tē śr̥ṇu nārada |
asti guhyaṁ mahāpuṇyaṁ sarvaprāṇi priyaṅkaram || 2 ||
japamātrēṇa pāpaghnaṁ sarvakāmaphalapradam |
mantraprāṇamidaṁ jñēyaṁ sarvavidyādikārakam || 3 ||
skandasya kavacaṁ divyaṁ paṭhanādvyādhināśanam |
piśāca ghōrabhūtānāṁ smaraṇādēva śāntidam || 4 ||
paṭhitaṁ skandakavacaṁ śraddhayānanyacētasā |
tēṣāṁ dāridryaduritaṁ na kadācidbhaviṣyati || 5 ||
bhūyaḥ sāmrājyasaṁsiddhirantē kaivalyamakṣayam |
dīrghāyuṣyaṁ bhavēttasya skandē bhaktiśca jāyatē || 6 ||
atha kavacam |
śikhāṁ rakṣētkumārastu kārtikēyaḥ śirō:’vatu |
lalāṭaṁ pārvatīsūnuḥ viśākhō bhrūyugaṁ mama || 7 ||
lōcanē krauñcabhēdī ca nāsikāṁ śikhivāhanaḥ |
karṇadvayaṁ śaktidharaḥ karṇamūlaṁ ṣaḍānanaḥ || 8 ||
gaṇḍayugmaṁ mahāsēnaḥ kapōlau tārakāntakaḥ |
ōṣṭhadvayaṁ ca sēnānīḥ rasanāṁ śikhivāhanaḥ || 9 ||
tālū kalānidhiḥ pātu dantāṁ dēvaśikhāmaṇiḥ |
gāṅgēyaścubukaṁ pātu mukhaṁ pātu śarōdbhavaḥ || 10 ||
hanū harasutaḥ pātu kaṇṭhaṁ kāruṇyavāridhiḥ |
skandhāvumāsutaḥ pātu bāhulēyō bhujadvayam || 11 ||
bāhū bhavēdbhavaḥ pātu stanau pātu mahōragaḥ |
madhyaṁ jagadvibhuḥ pātu nābhiṁ dvādaśalōcanaḥ || 12 ||
kaṭiṁ dviṣaḍbhujaḥ pātu guhyaṁ gaṅgāsutō:’vatu |
jaghanaṁ jāhnavīsūnuḥ pr̥ṣṭhabhāgaṁ parantapaḥ || 13 ||
ūrū rakṣēdumāputraḥ jānuyugmaṁ jagaddharaḥ |
jaṅghē pātu jagatpūjyaḥ gulphau pātu mahābalaḥ || 14 ||
pādau pātu parañjyōtiḥ sarvāṅgaṁ kukkuṭadhvajaḥ |
ūrdhvaṁ pātu mahōdāraḥ adhastātpātu śāṅkariḥ || 15 ||
pārśvayōḥ pātu śatrughnaḥ sarvadā pātu śāśvataḥ |
prātaḥ pātu paraṁ brahma madhyāhnē yuddhakauśalaḥ || 16 ||
aparāhnē guhaḥ pātu rātrau daityāntakō:’vatu |
trisandhyaṁ tu trikālajñaḥ antasthaṁ pātvarindamaḥ || 17 ||
bahisthitaṁ pātu khaḍhgī niṣaṇṇaṁ kr̥ttikāsutaḥ |
vrajantaṁ prathamādhīśaḥ tiṣṭhantaṁ pātu pāśabhr̥t || 18 ||
śayanē pātu māṁ śūraḥ mārgē māṁ pātu śūrajit |
ugrāraṇyē vajradharaḥ sadā rakṣatu māṁ vaṭuḥ || 19 ||
phalaśr̥tiḥ |
subrahmaṇyasya kavacaṁ dharmakāmārthamōkṣadam |
mantrāṇāṁ paramaṁ mantraṁ rahasyaṁ sarvadēhinām || 20 ||
sarvarōgapraśamanaṁ sarvavyādhivināśanam |
sarvapuṇyapradaṁ divyaṁ subhagaiśvaryavardhanam || 21 ||
sarvatra śubhadaṁ nityaṁ yaḥ paṭhēdvajrapañjaram |
subrahmaṇyaḥ susamprītō vāñchitārthān prayacchati |
dēhāntē muktimāpnōti skandavarmānubhāvataḥ || 22 ||
iti skāndē agastyanāradasaṁvādē subrahmaṇya kavacam |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
