Sri Subrahmanya Vajra Panjara Kavacham – ஶ்ரீ ஸுப்³ரஹ்மண்ய வஜ்ரபஞ்ஜர கவசம்


அஸ்ய ஶ்ரீ ஸுப்³ரஹ்மண்ய கவசஸ்தோத்ர மஹாமந்த்ரஸ்ய அக³ஸ்த்யோ ப⁴க³வான் ருஷி꞉, அநுஷ்டுப்ச²ந்த³꞉ ஶ்ரீ ஸுப்³ரஹ்மண்யோ தே³வதா, ஸம் பீ³ஜம், ஸ்வாஹா ஶக்தி꞉, ஸ꞉ கீலகம், ஶ்ரீ ஸுப்³ரஹ்மண்யப்ரஸாத³ஸித்³த்⁴யர்தே² ஜபே விநியோக³꞉ ।

ந்யாஸ꞉ –
ஹிரண்யஶரீராய அங்கு³ஷ்டா²ப்⁴யாம் நம꞉ ।
இக்ஷுத⁴நுர்த⁴ராய தர்ஜநீப்⁴யாம் நம꞉ ।
ஶரவணப⁴வாய மத்⁴யமாப்⁴யாம் நம꞉ ।
ஶிகி²வாஹநாய அநாமிகாப்⁴யாம் நம꞉ ।
ஶக்திஹஸ்தாய கநிஷ்டி²காப்⁴யாம் நம꞉ ।
ஸகலது³ரிதமோசநாய கரதலகரப்ருஷ்டா²ப்⁴யாம் நம꞉ ।
ஏவம் ஹ்ருத³யாதி³ ந்யாஸ꞉ ॥

த்⁴யாநம் ।
கநககுண்ட³லமண்டி³தஷண்முக²ம்
வநஜராஜி விராஜித லோசநம் ।
நிஶித ஶஸ்த்ரஶராஸநதா⁴ரிணம்
ஶரவணோத்³ப⁴வமீஶஸுதம் ப⁴ஜே ॥

லமித்யாதி³ பஞ்சபூஜா குர்யாத் ।

அக³ஸ்த்ய உவாச ।
ஸ்கந்த³ஸ்ய கவசம் தி³வ்யம் நாநா ரக்ஷாகரம் பரம் ।
புரா பிநாகிநா ப்ரோக்தம் ப்³ரஹ்மணோ(அ)நந்தஶக்தயே ॥ 1 ॥

தத³ஹம் ஸம்ப்ரவக்ஷ்யாமி ப⁴த்³ரம் தே ஶ்ருணு நாரத³ ।
அஸ்தி கு³ஹ்யம் மஹாபுண்யம் ஸர்வப்ராணி ப்ரியங்கரம் ॥ 2 ॥

ஜபமாத்ரேண பாபக்⁴நம் ஸர்வகாமப²லப்ரத³ம் ।
மந்த்ரப்ராணமித³ம் ஜ்ஞேயம் ஸர்வவித்³யாதி³காரகம் ॥ 3 ॥

ஸ்கந்த³ஸ்ய கவசம் தி³வ்யம் பட²நாத்³வ்யாதி⁴நாஶநம் ।
பிஶாச கோ⁴ரபூ⁴தாநாம் ஸ்மரணாதே³வ ஶாந்தித³ம் ॥ 4 ॥

படி²தம் ஸ்கந்த³கவசம் ஶ்ரத்³த⁴யாநந்யசேதஸா ।
தேஷாம் தா³ரித்³ர்யது³ரிதம் ந கதா³சித்³ப⁴விஷ்யதி ॥ 5 ॥

பூ⁴ய꞉ ஸாம்ராஜ்யஸம்ஸித்³தி⁴ரந்தே கைவல்யமக்ஷயம் ।
தீ³ர்கா⁴யுஷ்யம் ப⁴வேத்தஸ்ய ஸ்கந்தே³ ப⁴க்திஶ்ச ஜாயதே ॥ 6 ॥

அத² கவசம் ।
ஶிகா²ம் ரக்ஷேத்குமாரஸ்து கார்திகேய꞉ ஶிரோ(அ)வது ।
லலாடம் பார்வதீஸூநு꞉ விஶாகோ² ப்⁴ரூயுக³ம் மம ॥ 7 ॥

லோசநே க்ரௌஞ்சபே⁴தீ³ ச நாஸிகாம் ஶிகி²வாஹந꞉ ।
கர்ணத்³வயம் ஶக்தித⁴ர꞉ கர்ணமூலம் ஷடா³நந꞉ ॥ 8 ॥

க³ண்ட³யுக்³மம் மஹாஸேந꞉ கபோலௌ தாரகாந்தக꞉ ।
ஓஷ்ட²த்³வயம் ச ஸேநாநீ꞉ ரஸநாம் ஶிகி²வாஹந꞉ ॥ 9 ॥

தாலூ கலாநிதி⁴꞉ பாது த³ந்தாம் தே³வஶிகா²மணி꞉ ।
கா³ங்கே³யஶ்சுபு³கம் பாது முக²ம் பாது ஶரோத்³ப⁴வ꞉ ॥ 10 ॥

ஹநூ ஹரஸுத꞉ பாது கண்ட²ம் காருண்யவாரிதி⁴꞉ ।
ஸ்கந்தா⁴வுமாஸுத꞉ பாது பா³ஹுலேயோ பு⁴ஜத்³வயம் ॥ 11 ॥

பா³ஹூ ப⁴வேத்³ப⁴வ꞉ பாது ஸ்தநௌ பாது மஹோரக³꞉ ।
மத்⁴யம் ஜக³த்³விபு⁴꞉ பாது நாபி⁴ம் த்³வாத³ஶலோசந꞉ ॥ 12 ॥

கடிம் த்³விஷட்³பு⁴ஜ꞉ பாது கு³ஹ்யம் க³ங்கா³ஸுதோ(அ)வது ।
ஜக⁴நம் ஜாஹ்நவீஸூநு꞉ ப்ருஷ்ட²பா⁴க³ம் பரந்தப꞉ ॥ 13 ॥

ஊரூ ரக்ஷேது³மாபுத்ர꞉ ஜாநுயுக்³மம் ஜக³த்³த⁴ர꞉ ।
ஜங்கே⁴ பாது ஜக³த்பூஜ்ய꞉ கு³ள்பௌ² பாது மஹாப³ல꞉ ॥ 14 ॥

பாதௌ³ பாது பரஞ்ஜ்யோதி꞉ ஸர்வாங்க³ம் குக்குடத்⁴வஜ꞉ ।
ஊர்த்⁴வம் பாது மஹோதா³ர꞉ அத⁴ஸ்தாத்பாது ஶாங்கரி꞉ ॥ 15 ॥

பார்ஶ்வயோ꞉ பாது ஶத்ருக்⁴ந꞉ ஸர்வதா³ பாது ஶாஶ்வத꞉ ।
ப்ராத꞉ பாது பரம் ப்³ரஹ்ம மத்⁴யாஹ்நே யுத்³த⁴கௌஶல꞉ ॥ 16 ॥

அபராஹ்நே கு³ஹ꞉ பாது ராத்ரௌ தை³த்யாந்தகோ(அ)வது ।
த்ரிஸந்த்⁴யம் து த்ரிகாலஜ்ஞ꞉ அந்தஸ்த²ம் பாத்வரிந்த³ம꞉ ॥ 17 ॥

ப³ஹிஸ்தி²தம் பாது க²ட்⁴கீ³ நிஷண்ணம் க்ருத்திகாஸுத꞉ ।
வ்ரஜந்தம் ப்ரத²மாதீ⁴ஶ꞉ திஷ்ட²ந்தம் பாது பாஶப்⁴ருத் ॥ 18 ॥

ஶயநே பாது மாம் ஶூர꞉ மார்கே³ மாம் பாது ஶூரஜித் ।
உக்³ராரண்யே வஜ்ரத⁴ர꞉ ஸதா³ ரக்ஷது மாம் வடு꞉ ॥ 19 ॥

ப²லஶ்ருதி꞉ ।
ஸுப்³ரஹ்மண்யஸ்ய கவசம் த⁴ர்மகாமார்த²மோக்ஷத³ம் ।
மந்த்ராணாம் பரமம் மந்த்ரம் ரஹஸ்யம் ஸர்வதே³ஹிநாம் ॥ 20 ॥

ஸர்வரோக³ப்ரஶமநம் ஸர்வவ்யாதி⁴விநாஶநம் ।
ஸர்வபுண்யப்ரத³ம் தி³வ்யம் ஸுப⁴கை³ஶ்வர்யவர்த⁴நம் ॥ 21 ॥

ஸர்வத்ர ஶுப⁴த³ம் நித்யம் ய꞉ படே²த்³வஜ்ரபஞ்ஜரம் ।
ஸுப்³ரஹ்மண்ய꞉ ஸுஸம்ப்ரீதோ வாஞ்சி²தார்தா²ன் ப்ரயச்ச²தி ।
தே³ஹாந்தே முக்திமாப்நோதி ஸ்கந்த³வர்மாநுபா⁴வத꞉ ॥ 22 ॥

இதி ஸ்காந்தே³ அக³ஸ்த்யநாரத³ஸம்வாதே³ ஸுப்³ரஹ்மண்ய கவசம் ।


மேலும் ஶ்ரீ ஸுப்ரஹ்மண்ய ஸ்தோத்திரங்கள் காண்க.


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: