Read in తెలుగు / ಕನ್ನಡ / தமிழ் / देवनागरी / English (IAST)
sūrya uvāca |
svānandabhavanāntasthaharmyasthā gaṇapapriyā |
samyōgasvānandabrahmaśaktiḥ samyōgarūpiṇī || 1 ||
atisaundaryalāvaṇyā mahāsiddhirgaṇēśvarī |
vajramāṇikyamakuṭakaṭakādivibhūṣitā || 2 ||
kastūrītilakōdbhāsiniṭilā padmalōcanā |
śaraccāmpēyapuṣpābhanāsikā mr̥dubhāṣiṇī || 3 ||
lasatkāñcanatāṭaṅkayugalā yōgivanditā |
maṇidarpaṇasaṅkāśakapōlā kāṅkṣitārthadā || 4 ||
tāmbūlapūritasmēravadanā vighnanāśinī |
supakvadāḍimībījaradanā ratnadāyinī || 5 ||
kambuvr̥ttasamacchāyakandharā karuṇāyutā |
muktābhā divyavasanā ratnakalhāramālikā || 6 ||
gaṇēśabaddhamāṅgalyā maṅgalā maṅgalapradā |
varadābhayahastābjā bhavabandhavimōcinī || 7 ||
suvarṇakumbhayugmābhasukucā siddhisēvitā |
br̥hannitambā vilasajjaghanā jagadīśvarī || 8 ||
saubhāgyajātaśr̥ṅgāramadhyamā madhurasvanā |
divyabhūṣaṇasandōharañjitā r̥ṇamōcinī || 9 ||
pārijātaguṇādhikyapadābjā paramātmikā |
supadmarāgasaṅkāśacaraṇā cintitārthadā || 10 ||
brahmabhāvamahāsiddhipīṭhasthā paṅkajāsanā |
hērambanētrakumudacandrikā candrabhūṣaṇā || 11 ||
sacāmaraśivāvāṇīsavyadakṣiṇavījitā |
bhaktarakṣaṇadākṣiṇyakaṭākṣā kamalāsanā || 12 ||
gaṇēśāliṅganōdbhūtapulakāṅgī parātparā |
līlākalpitabrahmāṇḍakōṭikōṭisamanvitā || 13 ||
vāṇīkōṭisamāyuktakōṭibrahmaniṣēvitā |
lakṣmīkōṭisamāyuktaviṣṇukōṭiprapūjitā || 14 ||
gaurīkōṭisamāyuktaśambhukōṭisusēvitā |
prabhākōṭisamāyuktakōṭibhāskaravanditā || 15 ||
bhānukōṭipratīkāśā candrakōṭisuśītalā |
catuṣṣaṣṭikōṭisiddhiniṣēvitapadāmbujā || 16 ||
mūlādhārasamutpannā mūlabandhavimōcanī |
mūlādhāraikanilayā yōgakuṇḍalibhēdinī || 17 ||
mūlādhārā mūlabhūtā mūlaprakr̥tirūpiṇī |
mūlādhāragaṇēśānavāmabhāganivāsinī || 18 ||
mūlavidyā mūlarūpā mūlagranthivibhēdinī |
svādhiṣṭhānaikanilayā brahmagrandhivibhēdinī || 19 ||
maṇipūrāntaruditā viṣṇugrandhivibhēdinī |
anāhataikanilayā rudragrandhivibhēdinī || 20 ||
viśuddhisthānanilayā jīvabhāvapraṇāśinī |
ājñācakrāntarālasthā jñānasiddhipradāyinī || 21 ||
brahmarandhraikanilayā brahmabhāvapradāyinī |
ṣaṭkōṇāṣṭadalayutaśrīsiddhiyantramadhyagā || 22 ||
antarmukhajanānantaphaladā śōkanāśinī |
avyājakaruṇāpūrapūritā vasudhāriṇī || 23 ||
dāridryanāśinī lakṣmīḥ sarvapāpapraṇāśinī |
bhuktisiddhirmuktisiddhiḥ sudhāmaṇḍalamadhyagā || 24 ||
cintāmaṇiḥ sarvasiddhiḥ kamala vallabhā śivā |
siddhalakṣmīrmōkṣalakṣmīrjayalakṣmīrvarapradā || 25 ||
ramā nandā mahālakṣmīrvibhūtirbhaktivardhinī |
aṣṭōttaraśataṁ nāmnāṁ mahāsiddhēridaṁ varam || 26 ||
ājñayā gaṇanāthasya gaṇakēna prakīrtitam |
yaḥ paṭhēdgāṇapō bhaktyā pūjayēdvā sunāmabhiḥ |
dharmamarthaṁ ca kāmaṁ ca labdhvā mōkṣamavāpnuyāt || 27 ||
iti śrī siddhidēvī aṣṭōttaraśatanāma stōtraṁ sampūrṇam |
See more śrī gaṇēśa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
