Read in తెలుగు / ಕನ್ನಡ / தமிழ் / देवनागरी / English (IAST)
kārtikēya karuṇāmr̥tarāśē
kārtikē yatahr̥dā tava pūjā |
pūrtayē bhavati vāñchitapaṅktēḥ
kīrtayē ca racitā manujēna || 1 ||
atyantapāpakarmā
mattulyō nāsti bhūtalē guha bhō |
pūrayasi yadi madiṣṭaṁ
citraṁ lōkasya jāyatē bhūri || 2 ||
kārāgr̥hasthitaṁ ya-
-ścakrē lōkēśamapi vidhātāram |
tamanullaṅghitaśāsana-
-maniśaṁ praṇamāmi ṣaṇmukhaṁ mōdāt || 3 ||
nāhaṁ mantrajapaṁ tē
sēvāṁ saparyāṁ vā |
naisargikyā kr̥payā
madabhīṣṭaṁ pūrayāśu tadguha bhō || 4 ||
nikhilānapi mama mantū-
-nsahasē naivātra saṁśayaḥ kaścit |
yasmātsahamānasuta-
-stvamasi kr̥pāvāridhē ṣaḍāsya vibhō || 5 ||
yadi madvācchitadānē
śaktirnāstīti ṣaṇmukha brūṣē |
tadanr̥tamēva syāttē
vākyaṁ śaktiṁ dadhāsi yatpāṇau || 6 ||
mayūrasya patrē pralambaṁ padābjaṁ
dadhānaṁ kakudyēva tasyāparaṁ ca |
surēndrasya putryā ca vallyā ca pārśva-
-dvayaṁ bhāsayantaṁ ṣaḍāsyaṁ bhajē:’ham || 7 ||
vivēkaṁ viraktiṁ śamādēśca ṣaṭkaṁ
mumukṣāṁ ca dattvā ṣaḍāsyāśu mahyam |
vicārē ca buddhiṁ dr̥ḍhāṁ dēhi vallī-
-surēndrātmajāśliṣṭavarṣmannamastē || 8 ||
surēśānaputrīpulindēśakanyā-
-samāśliṣṭapārśvaṁ kr̥pāvārirāśim |
mayūrācalāgrē sadā vāsaśīlaṁ
sadānandadaṁ naumi ṣaḍvaktramīśam || 9 ||
svabhaktairmahābhaktitaḥ pakvadēhā-
-nsamānīya dūrātpurā sthāpitānyaḥ |
kṣaṇātkukkuṭādīnpunaḥ prāṇayuktā-
-nkarōti sma taṁ bhāvayē:’haṁ ṣaḍāsyam || 10 ||
ravajitaparapuṣṭarava
svaradhipaputrīmanō:’bjaśiśubhānō |
puratō bhava mama śīghraṁ
puraharamōdābdhipūrṇimācandra || 11 ||
śatamakhamukhasurapūjita
natamatidānapracaṇḍapadasēva |
śritajanaduḥkhavibhēda-
-vratadhr̥takaṅkaṇa namō:’stu guha tubhyam || 12 ||
vr̥ṣṭiṁ prayaccha ṣaṇmukha
mayyapi pāpē kr̥pāṁ vidhāyāśu |
sukr̥tiṣu karuṇākaraṇē
kā vā ślāghā bhavēttava bhō || 13 ||
mahījalādyaṣṭatanōḥ purāṇāṁ
harasya putra praṇatārtihārin |
prapannatāpasya nivāraṇāya
prayaccha vr̥ṣṭiṁ guha ṣaṇmukhāśu || 14 ||
pādābjanamrākhiladēvatālē
sudāmasambhūṣitakambukaṇṭha |
saudāmanīkōṭinibhāṅgakāntē
prayaccha vr̥ṣṭiṁ guha ṣaṇmukhāśu || 15 ||
śikhisthitābhyāṁ ramaṇīmaṇibhyāṁ
pārśvasthitābhyāṁ parisēvyamānam |
svayaṁ śikhisthaṁ karuṇāsamudraṁ
sadā ṣaḍāsyaṁ hr̥di bhāvayē:’ham || 16 ||
bhūyādbhūtyai mahatyai bhavatanujananaścūrṇitakrauñcaśailō
līlāsr̥ṣṭāṇḍakōṭiḥ kamalabhavamukhastūyamānātmakīrtiḥ |
vallīdēvēndraputrīhr̥dayasarasijaprātarādityapuñjaḥ
kāruṇyāpāravārāṁnidhiragatanayāmōdavārāśicandraḥ || 17 ||
iti śrīśr̥ṅgērijagadguru śrīsaccidānanda śivābhinavanr̥siṁhabhāratī svāmibhiḥ viracitaṁ śrī kārtikēya stōtram |
See more śrī subrahmaṇya stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
