Read in తెలుగు / ಕನ್ನಡ / தமிழ் / देवनागरी / English (IAST)
kuṇḍōdara uvāca |
śailādhīśasutāsahāya sakalāmnāyāntavēdya prabhō
śūlōgrāgravidāritāndhakasurārātīndravakṣasthala |
kālātīta kalāvilāsa kuśala trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 1 ||
kōlācchacchadarūpamādhava surajyaiṣṭhyātidūrāṅghrika
nīlārdhāṅga nivēśanirjaradhunībhāsvajjaṭāmaṇḍala |
kailāsācalavāsa kārmukahara trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 2 ||
phālākṣaprabhavaprabhañjanasakha prōdyatsphuliṅgacchaṭā-
-tūlānaṅgakacārusaṁhanana sanmīnēkṣaṇāvallabha |
śailādipramukhairgaṇaiḥ stutagaṇa trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 3 ||
mālākalpitamāludhānaphaṇasanmāṇikyabhāsvattanō
mūlādhāra jagattrayasya murajinnētrāravindārcita |
sārākārabhujāsahasra giriśa trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 4 ||
bālādityasahasrakōṭisadr̥śōdyadvēgavatyāpagā-
-vēlābhūmivihāraniṣṭha vibudhasrōtasvinīśēkhara |
bālāvarṇyakavitvabhūmisukhada trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 5 ||
kīlālāvanipāvakānilanabhaścandrārkayajvākr̥tē
kīlānēkasahasrasaṅkulaśikhastambhasvarūpāmita |
cōlādīṣṭagr̥hāṅganāvibhavada trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 6 ||
līlārthāñjalimēkamēva caratāṁ sāmrājyalakṣmīprada
sthūlāśēṣacarācarātmaka jagat sthūṇāṣṭamūrtē gurō |
tālāṅkānuja phalgunapriyakara trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 7 ||
hālāsyāgatadēvadaityamunisaṅgītāpadānakvaṇa-
-ttūlākōṭimanōharāṅghrikamalānandāpavargaprada |
śrīlīlākara padmanābhavarada trāyēta tē santataṁ
hālāsyēśa kr̥pākaṭākṣalaharī māmāpadāmāspadam || 8 ||
līlānādaramōhataḥ kapaṭatō yadvā kadambāṭavī-
-hālāsyādhipatīṣṭamaṣṭakamidaṁ sarvēṣṭasandōhanam |
hālāpānaphalānvihāya santataṁ saṅkīrtayantīha yē
tē lākṣārdrapadābalābhirakhilān bhōgān labhantē sadā || 9 ||
iti śrīhālāsyamahātmyē kuṇḍōdarakr̥taṁ śrīhālāsyēśāṣṭakam |
See more śrī śiva stotras for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
