Read in తెలుగు / ಕನ್ನಡ / தமிழ் / देवनागरी / English (IAST)
śrīdēvyuvāca |
vinā tapō vinā dhyānam vinā hōmaṁ vinā japam |
anāyāsēna vighnēśaprīṇanaṁ vada mē prabhō || 1 ||
mahēśvara uvāca |
mantrākṣarāvalistōtraṁ mahāsaubhāgyavardhanam |
durlabhaṁ duṣṭamanasāṁ sulabhaṁ śuddhacētasām || 2 ||
mahāgaṇapatiprītipratipādakamañjasā |
kathayāmi ghanaśrōṇi karṇābhyāmavataṁsaya || 3 ||
ōṅkāravalayākāraṁ acchakallōlamālikam |
aikṣavaṁ cētasā vandē sindhuṁ sandhukṣitasvanam || 4 ||
śrīmantamikṣujaladhēḥ antarabhyuditaṁ numaḥ |
maṇidvīpaṁ mahākāraṁ mahākalpaṁ mahōdayam || 5 ||
hrīpradēna mahādhāmnā dhāmnāmīśē vibhārakē |
kalpōdyānasthitaṁ vandē bhāsvantaṁ maṇimaṇḍapam || 6 ||
klībasyāpi smarōnmādakāriśr̥ṅgāraśālini |
tanmadhyē gaṇanāthasya maṇisiṁhāsanaṁ bhajē || 7 ||
glaukalābhirivācchābhistīvrādinavaśaktibhiḥ |
juṣṭaṁ lipimayaṁ padmaṁ dharmādyāśrayamāśrayē || 8 ||
gambhīramiva tatrābdhiṁ vasantaṁ tryaśramaṇḍalē |
utsaṅgagatalakṣmīkaṁ udyattigmāṁśupāṭalam || 9 ||
gadēkṣukārmukarujācakrāmbujaguṇōtpalaiḥ |
vrīhyagranijadantāgrakalaśīmātuluṅgakaiḥ || 10 ||
ṇaṣaṣṭhavarṇavācyasya dāridryasya vibhañjakaiḥ |
ētairēkādaśakarān alaṅkurvāṇamunmadam || 11 ||
parānandamayaṁ bhaktapratyūhavyūhanāśanam |
paramārthaprabōdhābdhiṁ paśyāmi gaṇanāyakam || 12 ||
tatpuraḥ prasphuradbilvamūlapīṭhasamāśrayau |
ramāramēśau vimr̥śāmyaśēṣaśubhadāyakau || 13 ||
yēna dakṣiṇabhāgasthanyagrōdhatalamāśritam |
sākalpaṁ sāyudhaṁ vandē taṁ sāmbaṁ paramēśvaram || 14 ||
varasambhōgarucirau paścimē pippalāśrayau |
ramaṇīyatarau vandē ratipuṣpaśilīmukhau | 15 ||
ramamāṇau gaṇēśānōttaradikphalinītalē |
bhūbhūdharāvudārābhau bhajē bhuvanapālakau || 16 ||
valamānavapurjyōtiḥ kaḍāritakakuptaṭīḥ |
hr̥dayādyaṅgaṣaḍdēvīraṅgarakṣākr̥tē bhajē || 17 ||
radakāṇḍarucijyōtsnākāśagaṇḍasravanmadam |
r̥ddhyāślēṣakr̥tāmōdamāmōdaṁ dēvamāśrayē || 18 ||
dalatkapōlavigalanmadadhārāvalāhakam |
samr̥ddhitaṭidāśliṣṭaṁ pramōdaṁ hr̥di bhāvayē || 19 ||
sakāntiṁ kāntilatikāparirabdhatanuṁ bhajē |
bhujaprakāṇḍasacchāyaṁ sumukhaṁ kalpapādapam || 20 ||
vandē tundilamindhānaṁ candrakandalaśītalam |
durmukhaṁ madanāvatyā nirmitāliṅganāmr̥tam || 21 ||
jambhavairikr̥tābhyarcyau jagadabhyudayapradau |
ahaṁ madadravāvighnau hatayē tvēnasāṁ śrayē || 22 ||
navaśr̥ṅgārarucirau namatsarvasurāsurau |
drāviṇīvighnakartārau drāvayētāṁ daridratām || 23 ||
mēduraṁ mauktikāsāraṁ varṣantau bhaktiśālinām |
vasudhārāśaṅkhanidhī vākpuṣpāñjalibhiḥ stumaḥ || 24 ||
varṣantau ratnavarṣēṇa valadbālātapatviṣau |
varadau namatāṁ vandē vasudhāpadmaśēvadhī || 25 ||
śamitādhimahāvyādhīḥ sāndrānandakarambitāḥ |
brāhmyādīḥ kalayē śaktīḥ śaktīnāmabhivr̥ddhayē || 26 ||
māmavantu mahēndrādyā dikpālā darpaśālinaḥ |
saṁnatāḥ śrīgaṇādhīśaṁ savāhāyudhaśaktayaḥ || 27 ||
navīnapallavacchāyādāyādavapurujjvalam |
mēdasvi madaniṣyandasrōtasvi kaṭakōṭaram || 28 ||
yajamānatanuṁ yāgarūpiṇaṁ yajñapūruṣam |
yamaṁ yamavatāmarcyaṁ yatnabhājāmadurlabham || 29 ||
svārasyaparamānandasvarūpaṁ svayamudgatam |
svayaṁ vēdyaṁ svayaṁ śaktaṁ svayaṁ kr̥tyatrayākaram || 30 ||
hārakēyūra mukuṭakanakāṅgada kuṇḍalaiḥ |
alaṅkr̥taṁ ca vighnānāṁ hartāraṁ dēvamāśrayē || 31 ||
mantrākṣarāvalistōtraṁ kathitaṁ tava sundari |
samastamīpsitaṁ tēna sampādaya śivē śivam || 32 ||
iti śrī gaṇapati mantrākṣarāvali stōtram |
See more śrī gaṇēśa stōtrāṇi for chanting.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
