Sri Bhoothanatha Manasa Ashtakam – śrī bhūtanātha mānasāṣṭakam


śrīviṣṇuputraṁ śivadivyabālaṁ
mōkṣapradaṁ divyajanābhivandyam |
kailāsanāthapraṇavasvarūpaṁ
śrībhūtanāthaṁ manasā smarāmi || 1 ||

ajñānaghōrāndhadharmapradīpaṁ
prajñānadānapraṇavaṁ kumāram |
lakṣmīvilāsaikanivāsaraṅgaṁ
śrībhūtanāthaṁ manasā smarāmi || 2 ||

lōkaikavīraṁ karuṇātaraṅgaṁ
sadbhaktadr̥śyaṁ smaravismayāṅgam |
bhaktaikalakṣyaṁ smarasaṅgabhaṅgaṁ
śrībhūtanāthaṁ manasā smarāmi || 3 ||

lakṣmī tava prauḍhamanōharaśrī-
-saundaryasarvasvavilāsaraṅgam |
ānandasampūrṇakaṭākṣalōlaṁ
śrībhūtanāthaṁ manasā smarāmi || 4 ||

pūrṇakaṭākṣaprabhayāvimiśraṁ
sampūrṇasusmēravicitravaktram |
māyāvimōhaprakarapraṇāśaṁ
śrībhūtanāthaṁ manasā smarāmi || 5 ||

viśvābhirāmaṁ guṇapūrṇavarṇaṁ
dēhaprabhānirjitakāmadēvam |
kupēṭyaduḥkharvaviṣādanāśaṁ
śrībhūtanāthaṁ manasā smarāmi || 6 ||

mālābhirāmaṁ paripūrṇarūpaṁ
kālānurūpaprakaṭāvatāram |
kālāntakānandakaraṁ mahēśaṁ
śrībhūtanāthaṁ manasā smarāmi || 7 ||

pāpāpahaṁ tāpavināśamīśaṁ
sarvādhipatyaparamātmanātham |
śrīsūryacandrāgnivicitranētraṁ
śrībhūtanāthaṁ manasā smarāmi || 8 ||

iti śrī bhūtanātha mānasāṣṭakam |


See more śrī ayyappā stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: