Read in తెలుగు / ಕನ್ನಡ / தமிழ் / देवनागरी / English (IAST)
śrīdevyuvāca |
bhagavan sarvavettā tvaṃ devānāṃ prītidāyakam |
bhairavaṃ kavacaṃ brūhi yadi cāsti kṛpā mayi || 1 ||
prāṇatyāgaṃ kariṣyāmi yadi no kathayiṣyasi |
satyaṃ satyaṃ punaḥ satyaṃ satyameva na saṃśayaḥ || 2 ||
itthaṃ devyā vacaḥ śrutvā prahasyāti svayaṃ prabhuḥ |
uvāca vacanaṃ tatra devadevo maheśvaraḥ || 3 ||
īśvara uvāca |
baṭukakavacaṃ divyaṃ śṛṇu matprāṇavallabhe |
caṇḍikātantrasarvasvaṃ baṭukasya viśeṣataḥ || 4 ||
tatra mantrādyakṣaraṃ tu vāsudevasvarūpakam |
śaṅkhavarṇadvayo brahmā baṭukaṃ candraśekharaḥ || 5 ||
āpaduddhāraṇo devo bhairavaḥ parikīrtitaḥ |
pravakṣyāmi samāsena caturvargaprasiddhaye || 6 ||
praṇavaṃ kāmadaṃ vidyāllajjābījaṃ ca siddhidam |
baṭukāyeti vijñeyaṃ mahāpātakanāśanam || 7 ||
āpaduddhāraṇāyeti tvāpaduddhāraṇaṃ nṛṇām |
kuru dvayaṃ maheśāni mohane parikīrtitam || 8 ||
baṭukāya maheśāni stambhane parikīrtitam |
lajjābījaṃ tathā vidyānmuktidaṃ parikīrtitam |
dvāviṃśatyakṣaro mantraḥ krameṇa jagadīśvari || 9 ||
[* manuḥ – oṃ hrīṃ baṭukāya āpaduddhāraṇāya kuru kuru baṭukāya hrīm | *]
asya śrībaṭukabhairavabrahmakavacasya bhairava ṛṣiḥ anuṣṭup chandaḥ śrībaṭukabhairavo devatā mama śrībaṭukabhairavaprasādasiddhyarthe jape viniyogaḥ ||
atha kavacam |
oṃ pātu śirasi nityaṃ pātu hrīṃ kaṇṭhadeśake || 10 ||
baṭukāya pātu nābhau cāpaduddhāraṇāya ca |
kuru dvayaṃ liṅgamūle tvādhāre vaṭukāya ca || 11 ||
sarvadā pātu hrīṃ bījaṃ bāhvoryugalameva ca |
ṣaḍaṅgasahito devo nityaṃ rakṣatu bhairavaḥ || 12 ||
oṃ hrīṃ baṭukāya satataṃ sarvāṅgaṃ mama sarvadā |
oṃ hrīṃ pādau mahākālaḥ pātu vīrāsano hṛdi || 13 ||
oṃ hrīṃ kālaḥ śiraḥ pātu kaṇṭhadeśe tu bhairavaḥ |
gaṇarāṭ pātu jihvāyāmaṣṭabhiḥ śaktibhiḥ saha || 14 ||
daṇḍapāṇirguhyamūle bhairavīsahitastathā |
viśvanāthaḥ sadā pātu sarvāṅgaṃ mama sarvadā || 15 ||
annapūrṇā sadā pātu cāṃsau rakṣatu caṇḍikā |
asitāṅgaḥ śiraḥ pātu lalāṭaṃ rurubhairavaḥ || 16 ||
caṇḍabhairavaḥ pātu vaktraṃ kaṇṭhaṃ śrīkrodhabhairavaḥ |
unmattabhairavaḥ pātu hṛdayaṃ mama sarvadā || 17 ||
nābhideśe kapālī ca liṅge bhīṣaṇabhairavaḥ |
saṃhārabhairavaḥ pātu mūlādhāraṃ ca sarvadā || 18 ||
bāhuyugmaṃ sadā pātu bhairavo mama kevalam |
haṃsabījaṃ hṛdi pātu so’haṃ rakṣatu pādayoḥ || 19 ||
prāṇāpānau samānaṃ ca udānaṃ vyānameva ca |
rakṣantu hāramūle ca daśadikṣu samantataḥ || 20 ||
praṇavaḥ pātu sarvāṅgaṃ lajjābījaṃ mahābhaye |
iti śrībrahmakavacaṃ bhairavasya prakīrtitam || 21 ||
catuvargapradaṃ nityaṃ svayaṃ devaprakāśitam |
yaḥ paṭhecchṛṇuyānnityaṃ dhārayetkavacottamam || 22 ||
sadānandamayo bhūtvā labhate paramaṃ padam |
ya idaṃ kavacaṃ devī cintayenmanmukhoditam || 23 ||
koṭijanmārjitaṃ pāpaṃ vinaśyati ca tat kṣaṇāt |
jalamadhye’gnimadhye vā durgrahe śatrusaṅkaṭe || 24 ||
kavacasmaraṇāddevi sarvatra vijayī bhavet |
bhaktiyuktena manasā kavacaṃ pūjayedyadi || 25 ||
kāmatulyastu nārīṇāṃ ripūṇāṃ ca yamopamaḥ |
tasya pādāmbujadvandaṃ rājñāṃ mukuṭabhūṣaṇam || 26 ||
tasya bhūtiṃ vilokyaiva kubero’pi tiraskṛtaḥ |
asya vijñānamātreṇa mantrasiddhirna saṃśayaḥ || 27 ||
idaṃ kavacamajñātvā yo japedbaṭukaṃ naraḥ |
na cāpnoti phalaṃ tasya paraṃ narakamāpnuyāt || 28 ||
manvantaratrayaṃ sthitvā tiryagyoniṣu jāyate |
ihaloke mahārogī dāridryeṇātipīḍitaḥ || 29 ||
śatrūṇāṃ vaśago bhūtvā karapātrī bhavejjaḍaḥ |
deyaṃ putrāya śiṣyāya śāntāya priyavādine || 30 ||
kārpaṇyarahitāyālaṃ baṭubhaktiratāya ca |
yaḥ parasmai pradātā vai tasya tasyātisatvaram || 31 ||
āyurvidyā yaśo dharmaṃ balaṃ caiva na saṃśayaḥ |
iti te kathitaṃ devi gopanīyaṃ svayonivat || 32 ||
iti śrīrudrayāmale śrī baṭukabhairava brahma kavacam ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
