Sri Batuka Bhairava Brahma Kavacham – ஶ்ரீ ப³டுகபை⁴ரவ ப்³ரஹ்ம கவசம்

ஶ்ரீதே³வ்யுவாச ।
ப⁴க³வந் ஸர்வவேத்தா த்வம் தே³வாநாம் ப்ரீதிதா³யகம் ।
பை⁴ரவம் கவசம் ப்³ரூஹி யதி³ சாஸ்தி க்ருபா மயி ॥ 1 ॥

ப்ராணத்யாக³ம் கரிஷ்யாமி யதி³ நோ கத²யிஷ்யஸி ।
ஸத்யம் ஸத்யம் புந꞉ ஸத்யம் ஸத்யமேவ ந ஸம்ஶய꞉ ॥ 2 ॥

இத்த²ம் தே³வ்யா வச꞉ ஶ்ருத்வா ப்ரஹஸ்யாதி ஸ்வயம் ப்ரபு⁴꞉ ।
உவாச வசநம் தத்ர தே³வதே³வோ மஹேஶ்வர꞉ ॥ 3 ॥

ஈஶ்வர உவாச ।
ப³டுககவசம் தி³வ்யம் ஶ்ருணு மத்ப்ராணவல்லபே⁴ ।
சண்டி³காதந்த்ரஸர்வஸ்வம் ப³டுகஸ்ய விஶேஷத꞉ ॥ 4 ॥

தத்ர மந்த்ராத்³யக்ஷரம் து வாஸுதே³வஸ்வரூபகம் ।
ஶங்க²வர்ணத்³வயோ ப்³ரஹ்மா ப³டுகம் சந்த்³ரஶேக²ர꞉ ॥ 5 ॥

ஆபது³த்³தா⁴ரணோ தே³வோ பை⁴ரவ꞉ பரிகீர்தித꞉ ।
ப்ரவக்ஷ்யாமி ஸமாஸேந சதுர்வர்க³ப்ரஸித்³த⁴யே ॥ 6 ॥

ப்ரணவம் காமத³ம் வித்³யாள்லஜ்ஜாபீ³ஜம் ச ஸித்³தி⁴த³ம் ।
ப³டுகாயேதி விஜ்ஞேயம் மஹாபாதகநாஶநம் ॥ 7 ॥

ஆபது³த்³தா⁴ரணாயேதி த்வாபது³த்³தா⁴ரணம் ந்ருணாம் ।
குரு த்³வயம் மஹேஶாநி மோஹநே பரிகீர்திதம் ॥ 8 ॥

ப³டுகாய மஹேஶாநி ஸ்தம்ப⁴நே பரிகீர்திதம் ।
லஜ்ஜாபீ³ஜம் ததா² வித்³யாந்முக்தித³ம் பரிகீர்திதம் ।
த்³வாவிம்ஶத்யக்ஷரோ மந்த்ர꞉ க்ரமேண ஜக³தீ³ஶ்வரி ॥ 9 ॥

[* மநு꞉ – ஓம் ஹ்ரீம் ப³டுகாய ஆபது³த்³தா⁴ரணாய குரு குரு ப³டுகாய ஹ்ரீம் । *]

அஸ்ய ஶ்ரீப³டுகபை⁴ரவப்³ரஹ்மகவசஸ்ய பை⁴ரவ ருஷி꞉ அநுஷ்டுப் ச²ந்த³꞉ ஶ்ரீப³டுகபை⁴ரவோ தே³வதா மம ஶ்ரீப³டுகபை⁴ரவப்ரஸாத³ஸித்³த்⁴யர்தே² ஜபே விநியோக³꞉ ॥

அத² கவசம் ।
ஓம் பாது ஶிரஸி நித்யம் பாது ஹ்ரீம் கண்ட²தே³ஶகே ॥ 10 ॥

ப³டுகாய பாது நாபௌ⁴ சாபது³த்³தா⁴ரணாய ச ।
குரு த்³வயம் லிங்க³மூலே த்வாதா⁴ரே வடுகாய ச ॥ 11 ॥

ஸர்வதா³ பாது ஹ்ரீம் பீ³ஜம் பா³ஹ்வோர்யுக³ளமேவ ச ।
ஷட³ங்க³ஸஹிதோ தே³வோ நித்யம் ரக்ஷது பை⁴ரவ꞉ ॥ 12 ॥

ஓம் ஹ்ரீம் ப³டுகாய ஸததம் ஸர்வாங்க³ம் மம ஸர்வதா³ ।
ஓம் ஹ்ரீம் பாதௌ³ மஹாகால꞉ பாது வீராஸநோ ஹ்ருதி³ ॥ 13 ॥

ஓம் ஹ்ரீம் கால꞉ ஶிர꞉ பாது கண்ட²தே³ஶே து பை⁴ரவ꞉ ।
க³ணராட் பாது ஜிஹ்வாயாமஷ்டபி⁴꞉ ஶக்திபி⁴꞉ ஸஹ ॥ 14 ॥

த³ண்ட³பாணிர்கு³ஹ்யமூலே பை⁴ரவீஸஹிதஸ்ததா² ।
விஶ்வநாத²꞉ ஸதா³ பாது ஸர்வாங்க³ம் மம ஸர்வதா³ ॥ 15 ॥

அந்நபூர்ணா ஸதா³ பாது சாம்ஸௌ ரக்ஷது சண்டி³கா ।
அஸிதாங்க³꞉ ஶிர꞉ பாது லலாடம் ருருபை⁴ரவ꞉ ॥ 16 ॥

சண்ட³பை⁴ரவ꞉ பாது வக்த்ரம் கண்ட²ம் ஶ்ரீக்ரோத⁴பை⁴ரவ꞉ ।
உந்மத்தபை⁴ரவ꞉ பாது ஹ்ருத³யம் மம ஸர்வதா³ ॥ 17 ॥

நாபி⁴தே³ஶே கபாலீ ச லிங்கே³ பீ⁴ஷணபை⁴ரவ꞉ ।
ஸம்ஹாரபை⁴ரவ꞉ பாது மூலாதா⁴ரம் ச ஸர்வதா³ ॥ 18 ॥

பா³ஹுயுக்³மம் ஸதா³ பாது பை⁴ரவோ மம கேவலம் ।
ஹம்ஸபீ³ஜம் ஹ்ருதி³ பாது ஸோ(அ)ஹம் ரக்ஷது பாத³யோ꞉ ॥ 19 ॥

ப்ராணாபாநௌ ஸமாநம் ச உதா³நம் வ்யாநமேவ ச ।
ரக்ஷந்து ஹாரமூலே ச த³ஶதி³க்ஷு ஸமந்தத꞉ ॥ 20 ॥

ப்ரணவ꞉ பாது ஸர்வாங்க³ம் லஜ்ஜாபீ³ஜம் மஹாப⁴யே ।
இதி ஶ்ரீப்³ரஹ்மகவசம் பை⁴ரவஸ்ய ப்ரகீர்திதம் ॥ 21 ॥

சதுவர்க³ப்ரத³ம் நித்யம் ஸ்வயம் தே³வப்ரகாஶிதம் ।
ய꞉ படே²ச்ச்²ருணுயாந்நித்யம் தா⁴ரயேத்கவசோத்தமம் ॥ 22 ॥

ஸதா³நந்த³மயோ பூ⁴த்வா லப⁴தே பரமம் பத³ம் ।
ய இத³ம் கவசம் தே³வீ சிந்தயேந்மந்முகோ²தி³தம் ॥ 23 ॥

கோடிஜந்மார்ஜிதம் பாபம் விநஶ்யதி ச தத் க்ஷணாத் ।
ஜலமத்⁴யே(அ)க்³நிமத்⁴யே வா து³ர்க்³ரஹே ஶத்ருஸங்கடே ॥ 24 ॥

கவசஸ்மரணாத்³தே³வி ஸர்வத்ர விஜயீ ப⁴வேத் ।
ப⁴க்தியுக்தேந மநஸா கவசம் பூஜயேத்³யதி³ ॥ 25 ॥

காமதுல்யஸ்து நாரீணாம் ரிபூணாம் ச யமோபம꞉ ।
தஸ்ய பாதா³ம்பு³ஜத்³வந்த³ம் ராஜ்ஞாம் முகுடபூ⁴ஷணம் ॥ 26 ॥

தஸ்ய பூ⁴திம் விளோக்யைவ குபே³ரோ(அ)பி திரஸ்க்ருத꞉ ।
அஸ்ய விஜ்ஞாநமாத்ரேண மந்த்ரஸித்³தி⁴ர்ந ஸம்ஶய꞉ ॥ 27 ॥

இத³ம் கவசமஜ்ஞாத்வா யோ ஜபேத்³ப³டுகம் நர꞉ ।
ந சாப்நோதி ப²லம் தஸ்ய பரம் நரகமாப்நுயாத் ॥ 28 ॥

மந்வந்தரத்ரயம் ஸ்தி²த்வா திர்யக்³யோநிஷு ஜாயதே ।
இஹலோகே மஹாரோகீ³ தா³ரித்³ர்யேணாதிபீடி³த꞉ ॥ 29 ॥

ஶத்ரூணாம் வஶகோ³ பூ⁴த்வா கரபாத்ரீ ப⁴வேஜ்ஜட³꞉ ।
தே³யம் புத்ராய ஶிஷ்யாய ஶாந்தாய ப்ரியவாதி³நே ॥ 30 ॥

கார்பண்யரஹிதாயாளம் ப³டுப⁴க்திரதாய ச ।
ய꞉ பரஸ்மை ப்ரதா³தா வை தஸ்ய தஸ்யாதிஸத்வரம் ॥ 31 ॥

ஆயுர்வித்³யா யஶோ த⁴ர்மம் ப³லம் சைவ ந ஸம்ஶய꞉ ।
இதி தே கதி²தம் தே³வி கோ³பநீயம் ஸ்வயோநிவத் ॥ 32 ॥

இதி ஶ்ரீருத்³ரயாமளே ஶ்ரீ ப³டுகபை⁴ரவ ப்³ரஹ்ம கவசம் ॥

---