Read in తెలుగు / ಕನ್ನಡ / தமிழ் / देवनागरी / English (IAST)
paraśurāma uvāca |
namaḥ śaṅkarakāntāyai sārāyai tē namō namaḥ |
namō durgatināśinyai māyāyai tē namō namaḥ || 1 ||
namō namō jagaddhātryai jagatkartryai namō namaḥ |
namō:’stu tē jaganmātrē kāraṇāyai namō namaḥ || 2 ||
prasīda jagatāṁ mātaḥ sr̥ṣṭisaṁhārakāriṇi |
tvatpādau śaraṇaṁ yāmi pratijñāṁ sārthikāṁ kuru || 3 ||
tvayi mē vimukhāyāṁ ca kō māṁ rakṣitumīśvaraḥ |
tvaṁ prasannā bhava śubhē māṁ bhaktaṁ bhaktavatsalē || 4 ||
yuṣmābhiḥ śivalōkē ca mahyaṁ dattō varaḥ purā |
taṁ varaṁ saphalaṁ kartuṁ tvamarhasi varānanē || 5 ||
rēṇukēyastavaṁ śrutvā prasannā:’bhavadambikā |
mā bhairityēvamuktvā tu tatraivāntaradhīyata || 6 ||
ētad bhr̥gukr̥taṁ stōtraṁ bhaktiyuktaśca yaḥ paṭhēt |
mahābhayātsamuttīrṇaḥ sa bhavēdēva līlayā || 7 ||
sa pūjitaśca trailōkyē tatraiva vijayī bhavēt |
jñāniśrēṣṭhō bhavēccaiva vairipakṣavimardakaḥ || 8 ||
iti śrībrahmavaivartapurāṇē gaṇēśakhaṇḍē ṣaṭtriṁśō:’dhyāyē śrīparaśurāmakr̥ta mahāmāyā stōtram |
See more śrī kālikā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.