Parashurama Kruta Kali Stotram – ஶ்ரீ மஹாகாளீ ஸ்தோத்ரம் (பரஶுராம க்ருதம்)


பரஶுராம உவாச ।
நம꞉ ஶங்கரகாந்தாயை ஸாராயை தே நமோ நம꞉ ।
நமோ து³ர்க³திநாஶிந்யை மாயாயை தே நமோ நம꞉ ॥ 1 ॥

நமோ நமோ ஜக³த்³தா⁴த்ர்யை ஜக³த்கர்த்ர்யை நமோ நம꞉ ।
நமோ(அ)ஸ்து தே ஜக³ந்மாத்ரே காரணாயை நமோ நம꞉ ॥ 2 ॥

ப்ரஸீத³ ஜக³தாம் மாத꞉ ஸ்ருஷ்டிஸம்ஹாரகாரிணி ।
த்வத்பாதௌ³ ஶரணம் யாமி ப்ரதிஜ்ஞாம் ஸார்தி²காம் குரு ॥ 3 ॥

த்வயி மே விமுகா²யாம் ச கோ மாம் ரக்ஷிதுமீஶ்வர꞉ ।
த்வம் ப்ரஸந்நா ப⁴வ ஶுபே⁴ மாம் ப⁴க்தம் ப⁴க்தவத்ஸலே ॥ 4 ॥

யுஷ்மாபி⁴꞉ ஶிவலோகே ச மஹ்யம் த³த்தோ வர꞉ புரா ।
தம் வரம் ஸப²லம் கர்தும் த்வமர்ஹஸி வராநநே ॥ 5 ॥

ரேணுகேயஸ்தவம் ஶ்ருத்வா ப்ரஸந்நா(அ)ப⁴வத³ம்பி³கா ।
மா பை⁴ரித்யேவமுக்த்வா து தத்ரைவாந்தரதீ⁴யத ॥ 6 ॥

ஏதத்³ ப்⁴ருகு³க்ருதம் ஸ்தோத்ரம் ப⁴க்தியுக்தஶ்ச ய꞉ படே²த் ।
மஹாப⁴யாத்ஸமுத்தீர்ண꞉ ஸ ப⁴வேதே³வ லீலயா ॥ 7 ॥

ஸ பூஜிதஶ்ச த்ரைலோக்யே தத்ரைவ விஜயீ ப⁴வேத் ।
ஜ்ஞாநிஶ்ரேஷ்டோ² ப⁴வேச்சைவ வைரிபக்ஷவிமர்த³க꞉ ॥ 8 ॥

இதி ஶ்ரீப்³ரஹ்மவைவர்தபுராணே க³ணேஶக²ண்டே³ ஷட்த்ரிம்ஶோ(அ)த்⁴யாயே ஶ்ரீபரஶுராமக்ருத மஹாமாயா ஸ்தோத்ரம் ।


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed