Read in తెలుగు / ಕನ್ನಡ / தமிழ் / देवनागरी / English (IAST)
nārāyaṇīyaṁ ekonatriṁśadaśakam (29) – mohinyavatāraṁ ādi
udgacchatastava karādamṛtaṁ haratsu
daityeṣu tānaśaraṇānanunīya devān |
sadyastirodadhitha deva bhavatprabhāvā-
-dudyatsvayūthyakalahā ditijā babhūvuḥ || 29-1 ||
śyāmāṁ rucā’pi vayasā’pi tanuṁ tadānīṁ
prāpto’si tuṅgakucamaṇḍalabhaṅgurāṁ tvam |
pīyūṣakumbhakalahaṁ parimucya sarve
tṛṣṇākulāḥ pratiyayustvadurojakumbhe || 29-2 ||
kā tvaṁ mṛgākṣi vibhajasva sudhāmimāmi-
-tyārūḍharāgavivaśānabhiyācato’mūn |
viśvasyate mayi kathaṁ kulaṭāsmi daityā
ityālapannapi suviśvasitānatānīḥ || 29-3 ||
modātsudhākalaśameṣu dadatsu sā tvaṁ
duśceṣṭitaṁ mama sahadhvamiti bruvāṇā |
paṅktiprabhedaviniveśitadevadaityā
līlāvilāsagatibhiḥ samadāḥ sudhāṁ tām || 29-4 ||
asmāsviyaṁ praṇayinītyasureṣu teṣu
joṣaṁ sthiteṣvatha samāpya sudhāṁ sureṣu |
tvaṁ bhaktalokavaśago nijarūpametya
svarbhānumardhaparipītasudhaṁ vyalāvīḥ || 29-5 ||
tvattaḥ sudhāharaṇayogyaphalaṁ pareṣu
dattvā gate tvayi suraiḥ khalu te vyagṛhṇan |
ghore’tha mūrchati raṇe balidaityamāyā-
-vyāmohite suragaṇe tvamihāvirāsīḥ || 29-6 ||
tvaṁ kālanemimatha mālimukhān jaghantha
śakro jaghāna balijambhavalān sapākān |
śuṣkārdraduṣkaravadhe namucau ca lūne
phenena nāradagirā nyaruṇo raṇaṁ tvam || 29-7 ||
yoṣāvapurdanujamohanamāhitaṁ te
śrutvā vilokanakutūhalavān maheśaḥ |
bhūtaiḥ samaṁ girijayā ca gataḥ padaṁ te
stutvā’bravīdabhimataṁ tvamatho tirodhāḥ || 29-8 ||
ārāmasīmani ca kandukaghātalīlā-
-lolāyamānanayanāṁ kamanīṁ manojñām |
tvāmeṣa vīkṣya vigaladvasanāṁ manobhū-
-vegādanaṅgaripuraṅga samāliliṅga || 29-9 ||
bhūyo’pi vidrutavatīmupadhāvya devo
vīryapramokṣavikasatparamārthabodhaḥ |
tvanmānitastava mahattvamuvāca devyai
tattādṛśastvamava vātaniketanātha || 29-10 ||
iti ekonatriṁśadaśakaṁ samāptam ||
See complete nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
