Read in తెలుగు / ಕನ್ನಡ / தமிழ் / देवनागरी / English (IAST)
prātaḥ smarāmi paramēśvaravaktrapadmaṁ
phālākṣikīlapariśōṣitapañcabāṇam |
bhasmatripuṇḍraracitaṁ phaṇikuṇḍalāḍhyaṁ
kundēnducandanasudhārasamandahāsam || 1 ||
prātarbhajāmi paramēśvarabāhudaṇḍān
khaṭvāṅgaśūlahariṇāhipinākayuktān |
gaurīkapōlakucarañjitapatrarēkhān
sauvarṇakaṅkaṇamaṇidyutibhāsamānān || 2 ||
prātarnamāmi paramēśvarapādapadmaṁ
padmōdbhavāmaramunīndramanōnivāsam |
padmākṣanētrasarasīruha pūjanīyaṁ
padmāṅkuśadhvajasarōruhalāñchanāḍhyam || 3 ||
prātaḥ smarāmi paramēśvarapuṇyamūrtiṁ
karpūrakundadhavalaṁ gajacarmacēlam |
gaṅgādharaṁ ghanakapardivibhāsamānaṁ
kātyāyanītanuvibhūṣitavāmabhāgam || 4 ||
prātaḥ smarāmi paramēśvarapuṇyanāma
śrēyaḥ pradaṁ sakaladuḥkhavināśahētum |
saṁsāratāpaśamanaṁ kalikalmaṣaghnaṁ
gōkōṭidānaphaladaṁ smaraṇēna puṁsām || 5 ||
śrīpañcaratnāni mahēśvarasya
bhaktyā paṭhēdyaḥ prayataḥ prabhātē |
āyuṣyamārōgyamanēkabhōgān
prāpnōti kaivalyapadaṁ durāpam || 6 ||
iti śrīmacchaṅkarācārya kr̥taṁ mahēśvara pañcaratna stōtram |
See more śrī śiva stotras for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
