Ashtalakshmi stotram – śrī aṣṭalakṣmī stōtram


ādilakṣmī –
sumanasavandita sundari mādhavi candrasahōdari hēmamayē
munigaṇavandita mōkṣapradāyini mañjulabhāṣiṇi vēdanutē |
paṅkajavāsini dēvasupūjita sadguṇavarṣiṇi śāntiyutē
jaya jaya hē madhusūdanakāmini ādilakṣmi sadā pālaya mām || 1 ||

dhānyalakṣmī –
ayi kalikalmaṣanāśini kāmini vaidikarūpiṇi vēdamayē
kṣīrasamudbhava maṅgalarūpiṇi mantranivāsini mantranutē |
maṅgaladāyini ambujavāsini dēvagaṇāśrita pādayutē
jaya jaya hē madhusūdanakāmini dhānyalakṣmi sadā pālaya mām || 2 ||

dhairyalakṣmī –
jaya varavarṇini vaiṣṇavi bhārgavi mantrasvarūpiṇi mantramayē
suragaṇapūjita śīghraphalaprada jñānavikāsini śāstranutē |
bhavabhayahāriṇi pāpavimōcani sādhujanāśrita pādayutē
jaya jaya hē madhusūdanakāmini dhairyalakṣmi sadā pālaya mām || 3 ||

gajalakṣmī –
jaya jaya durgatināśini kāmini sarvaphalaprada śāstramayē
rathagaja turagapadādi samāvr̥ta parijanamaṇḍita lōkanutē |
harihara brahma supūjita sēvita tāpanivāraṇa pādayutē
jaya jaya hē madhusūdanakāmini gajalakṣmi rūpēṇa pālaya mām || 4 ||

santānalakṣmī –
ayi khagavāhini mōhini cakriṇi rāgavivardhini jñānamayē
guṇagaṇavāridhi lōkahitaiṣiṇi svarasaptabhūṣita gānanutē |
sakala surāsura dēvamunīśvara mānava vandita pādayutē
jaya jaya hē madhusūdanakāmini santānalakṣmi sadā pālaya mām || 5 ||

vijayalakṣmī –
jaya kamalāsani sadgatidāyini jñānavikāsini gānamayē
anudinamarcita kuṅkumadhūsarabhūṣita vāsita vādyanutē |
kanakadharāstuti vaibhava vandita śaṅkara dēśika mānyapadē
jaya jaya hē madhusūdanakāmini vijayalakṣmi sadā pālaya mām || 6 ||

vidyālakṣmī –
praṇata surēśvari bhārati bhārgavi śōkavināśini ratnamayē
maṇimayabhūṣita karṇavibhūṣaṇa śāntisamāvr̥ta hāsyamukhē |
navanidhidāyini kalimalahāriṇi kāmita phalaprada hastayutē
jaya jaya hē madhusūdanakāmini vidyālakṣmi sadā pālaya mām || 7 ||

dhanalakṣmī –
dhimidhimi dhindhimi dhindhimi dhindhimi dundubhināda supūrṇamayē
ghumaghuma ghuṅghuma ghuṅghuma ghuṅghuma śaṅkhanināda suvādyanutē |
vēdapurāṇētihāsa supūjita vaidikamārga pradarśayutē
jaya jaya hē madhusūdanakāmini dhanalakṣmi rūpēṇa pālaya mām || 8 ||

iti aṣṭalakṣmī stōtram |


See more śrī lakṣmī stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed