Read in తెలుగు / ಕನ್ನಡ / தமிழ் / देवनागरी / English (IAST)
kadācitkālindī taṭavipinasaṅgītakavarō
mudā gōpīnārīvadanakamalāsvādamadhupaḥ
ramāśambhubrahmā:’marapatigaṇēśā:’rcitapadō
jagannāthasvāmī nayanapathagāmī bhavatu mē || 1 ||
bhujē savyē vēṇuṁ śirasi śikhipiñchaṁ kaṭitaṭē
dukūlaṁ nētrāntē sahacarakaṭākṣaṁ vidadhatē
sadā śrīmadbr̥ndāvanavasatilīlāparicayō
jagannāthasvāmī nayanapathagāmī bhavatu mē || 2 ||
mahāmbhōdhēstīrē kanakarucirē nīlaśikharē
vasanprāsādāntaḥ sahajabalabhadrēṇa balinā
subhadrāmadhyasthaḥ sakalasurasēvāvasaradō
jagannāthasvāmī nayanapathagāmī bhavatu mē || 3 ||
kr̥pāpārāvāraḥ sajalajaladaśrēṇirucirō
ramāvāṇīsōmasphuradamalapadmōdbhavamukhaiḥ
surēndrairārādhyaḥ śrutigaṇaśikhāgītacaritō
jagannāthasvāmī nayanapathagāmī bhavatu mē || 4 ||
rathārūḍhō gacchanpathi militabhūdēvapaṭalaiḥ
stutiprādurbhāvaṁ pratipadamupākarṇya sadayaḥ
dayāsindhurbandhuḥ sakalajagatāṁ sindhusutayā
jagannāthasvāmī nayanapathagāmī bhavatu mē || 5 ||
parabrahmāpīḍaḥ kuvalayadalōtphullanayanō
nivāsī nīlādrau nihitacaraṇō:’nantaśirasi
rasānandō rādhāsarasavapurāliṅganasukhō
jagannāthasvāmī nayanapathagāmī bhavatu mē || 6 ||
na vai prārthyaṁ rājyaṁ na ca kanakatāṁ bhōgavibhavaṁ
na yācē:’haṁ ramyāṁ nikhilajanakāmyāṁ varavadhūm
sadā kālē kālē pramathapatinā gītacaritō
jagannāthasvāmī nayanapathagāmī bhavatu mē || 7 ||
hara tvaṁ saṁsāraṁ drutataramasāraṁ surapatē
hara tvaṁ pāpānāṁ vitatimaparāṁ yādavapatē
ahō dīnānāthaṁ nihitamacalaṁ niścitapadaṁ
jagannāthasvāmī nayanapathagāmī bhavatu mē || 8 ||
iti śrī jagannāthāṣṭakam ||
See more śrī viṣṇu stōtrāṇi for chanting.
గమనిక : "శ్రీ నరసింహ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
