Ghora Kashtodharana Stotram – śrī datta stōtram (ghōra kaṣṭōddhāraṇa stōtram)


śrīpāda śrīvallabha tvaṁ sadaiva
śrīdattāsmānpāhi dēvādhidēva |
bhāvagrāhya klēśahārinsukīrtē
ghōrātkaṣṭāduddharāsmānnamastē || 1 ||

tvaṁ nō mātā tvaṁ pitā:’ptō:’dhipastvaṁ
trātā yōgakṣēmakr̥tsadgurustvam |
tvaṁ sarvasvaṁ nō prabhō viśvamūrtē
ghōrātkaṣṭāduddharāsmānnamastē || 2 ||

pāpaṁ tāpaṁ vyādhimādhiṁ ca dainyaṁ
bhītiṁ klēśaṁ tvaṁ harāśu tvadanyam |
trātāraṁ nō vīkṣya īśāstajūrtē
ghōrātkaṣṭāduddharāsmānnamastē || 3 ||

nānyastrātā nā:’pi dātā na bhartā
tvattō dēva tvaṁ śaraṇyō:’kahartā |
kurvātrēyānugrahaṁ pūrṇarātē
ghōrātkaṣṭāduddharāsmānnamastē || 4 ||

dharmē prītiṁ sanmatiṁ dēvabhaktiṁ
satsaṅgāptiṁ dēhi bhuktiṁ ca muktim |
bhāvāsaktiṁ cākhilānandamūrtē |
ghōrātkaṣṭāduddharāsmānnamastē || 5 ||

ślōkapañcakamētadyō lōkamaṅgalavardhanam |
prapaṭhēnniyatō bhaktyā sa śrīdattapriyō bhavēt || 6 ||

iti śrīmatparamahaṁsa parivrājakācārya śrīmadvāsudēvānandasarasvatī svāmī viracitaṁ ghōrakaṣṭōddhāraṇa stōtram sampūrṇam ||

Report mistakes and corrections in Stotranidhi content.

Facebook Comments

Leave a Reply

Your email address will not be published.

error: Not allowed
%d bloggers like this: