Read in తెలుగు / ಕನ್ನಡ / தமிழ் / देवनागरी / English (IAST)
|| guhasamāgamaḥ ||
ēvamuktastu bharatarniṣādādhipatiṁ guham |
pratyuvāca mahāprājñō vākyaṁ hētvarthasaṁhitam || 1 ||
ūrjitaḥ khalu tē kāmaḥ kr̥taḥ mama gurōssakhē |
yō mē tvamīdr̥śīṁ sēnāmēkō:’bhyarcitumicchasi || 2 ||
ityuktvā tu mahātējāḥ guhaṁ vacanamuttamam |
abravīdbharataḥ śrīmān niṣādādhipatiṁ punaḥ || 3 ||
katarēṇa gamiṣyāmi bharadvājāśramaṁ guha |
gahanō:’yaṁ bhr̥śaṁ dēśō gaṅgānūpō duratyayaḥ || 4 ||
tasya tadvacanaṁ śrutvā rājaputrasya dhīmataḥ |
abravīt prāñjalirvākyaṁ guhō gahanagōcaraḥ || 5 ||
dāśāstvā:’nugamiṣyanti dhanvinaḥ susamāhitāḥ |
ahaṁ tvā:’nugamiṣyāmi rājaputra mahāyaśaḥ || 6 ||
kacchinna duṣṭaḥ vrajasi rāmasyākliṣṭakarmaṇaḥ |
iyaṁ tē mahatī sēnā śaṅkāṁ janayatīva mē || 7 ||
tamēvamabhibhāṣantamākāśaiva nirmalaḥ |
bharataḥ ślakṣṇayā vācā guhaṁ vacanamabravīt || 8 ||
mābhūtsa kālō yatkaṣṭaṁ na māṁ śaṅkitumarhasi |
rāghavaḥ sa hi mē bhrātā jyēṣṭhaḥ pitr̥samō mataḥ || 9 ||
taṁ nivartayituṁ yāmi kākutsthaṁ vanavāsinam |
buddhiranyā na tē kāryā guha satyaṁ bravīmi tē || 10 ||
sa tu saṁhr̥ṣṭavadanaḥ śrutvā bharatabhāṣitam |
punarēvābravīdvākyaṁ bharataṁ prati harṣitaḥ || 11 ||
dhanyastvaṁ na tvayā tulyaṁ paśyāmi jagatītalē |
ayatnādāgataṁ rājyaṁ yastvaṁ tyaktumihēcchasi || 12 ||
śāśvatī khalu tē kīrtiḥ lōkānanucariṣyati |
yastvaṁ kr̥cchragataṁ rāmaṁ pratyānayitumicchasi || 13 ||
ēvaṁ sambhāṣamāṇasya guhasya bharataṁ tadā |
babhau naṣṭaprabhaḥ sūryō rajanī cābhyavartata || 14 ||
sannivēśya sa tāṁ sēnāṁ guhēna paritōṣitaḥ |
śatrughnēna saha śrīmān śayanaṁ punarāgamat || 15 ||
rāma cintāmayaḥ śōkō bharatasya mahātmanaḥ |
upasthitaḥ hyanarhasya dharmaprēkṣasya tādr̥śaḥ || 16 ||
antardāhēna dahanaḥ santāpayati rāghavam |
vana dāhābhisantaptaṁ gūḍhō:’gniriva pādapam || 17 ||
prasr̥taḥ sarvagātrēbhyaḥ svēdaṁ śōkāgnisambhavam |
yathā sūryāṁśusantaptaḥ himavān prasr̥taḥ himam || 18 ||
dhyānanirdaraśailēna viniśśvasitadhātunā |
dainyapādapasaṅghēna śōkāyāsādhiśr̥ṅgiṇā || 19 ||
pramōhānanta sattvēna santāpauṣadhivēṇunā |
ākrāntarduḥkha śailēna mahatā kaikayīsutaḥ || 20 ||
viniśśvasanvai bhr̥śadurmanāstataḥ
pramūḍhasañjñaḥ paramāpadaṁ gataḥ |
śamaṁ na lēbhē hr̥dayajvarārditaḥ
nararṣabhō:’yūthagatō yatharṣabhaḥ || 21 ||
guhēna sārdhaṁ bharataḥ samāgataḥ
mahānubhāvaḥ sajanaḥ samāhitaḥ |
sudurmanāstaṁ bharataṁ tadā punaḥ
guhaḥ samāśvāsayadagrajaṁ prati || 22 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē pañcāśītitamaḥ sargaḥ || 85 ||
ayōdhyākāṇḍa ṣaḍaśītitamaḥ sargaḥ (86) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
