Ayodhya Kanda Sarga 85 – அயோத்⁴யாகாண்ட³ பஞ்சாஶீதிதம꞉ ஸர்க³꞉ (85)


॥ கு³ஹஸமாக³ம꞉ ॥

ஏவமுக்தஸ்து ப⁴ரதர்நிஷாதா³தி⁴பதிம் கு³ஹம் ।
ப்ரத்யுவாச மஹாப்ராஜ்ஞோ வாக்யம் ஹேத்வர்த²ஸம்ஹிதம் ॥ 1 ॥

ஊர்ஜித꞉ க²லு தே காம꞉ க்ருத꞉ மம கு³ரோஸ்ஸகே² ।
யோ மே த்வமீத்³ருஶீம் ஸேநாமேகோ(அ)ப்⁴யர்சிதுமிச்ச²ஸி ॥ 2 ॥

இத்யுக்த்வா து மஹாதேஜா꞉ கு³ஹம் வசநமுத்தமம் ।
அப்³ரவீத்³ப⁴ரத꞉ ஶ்ரீமாந் நிஷாதா³தி⁴பதிம் புந꞉ ॥ 3 ॥

கதரேண க³மிஷ்யாமி ப⁴ரத்³வாஜாஶ்ரமம் கு³ஹ ।
க³ஹநோ(அ)யம் ப்⁴ருஶம் தே³ஶோ க³ங்கா³நூபோ து³ரத்யய꞉ ॥ 4 ॥

தஸ்ய தத்³வசநம் ஶ்ருத்வா ராஜபுத்ரஸ்ய தீ⁴மத꞉ ।
அப்³ரவீத் ப்ராஞ்ஜலிர்வாக்யம் கு³ஹோ க³ஹநகோ³சர꞉ ॥ 5 ॥

தா³ஶாஸ்த்வா(அ)நுக³மிஷ்யந்தி த⁴ந்விந꞉ ஸுஸமாஹிதா꞉ ।
அஹம் த்வா(அ)நுக³மிஷ்யாமி ராஜபுத்ர மஹாயஶ꞉ ॥ 6 ॥

கச்சி²ந்ந து³ஷ்ட꞉ வ்ரஜஸி ராமஸ்யாக்லிஷ்டகர்மண꞉ ।
இயம் தே மஹதீ ஸேநா ஶங்காம் ஜநயதீவ மே ॥ 7 ॥

தமேவமபி⁴பா⁴ஷந்தமாகாஶைவ நிர்மல꞉ ।
ப⁴ரத꞉ ஶ்லக்ஷ்ணயா வாசா கு³ஹம் வசநமப்³ரவீத் ॥ 8 ॥

மாபூ⁴த்ஸ காலோ யத்கஷ்டம் ந மாம் ஶங்கிதுமர்ஹஸி ।
ராக⁴வ꞉ ஸ ஹி மே ப்⁴ராதா ஜ்யேஷ்ட²꞉ பித்ருஸமோ மத꞉ ॥ 9 ॥

தம் நிவர்தயிதும் யாமி காகுத்ஸ்த²ம் வநவாஸிநம் ।
பு³த்³தி⁴ரந்யா ந தே கார்யா கு³ஹ ஸத்யம் ப்³ரவீமி தே ॥ 10 ॥

ஸ து ஸம்ஹ்ருஷ்டவத³ந꞉ ஶ்ருத்வா ப⁴ரதபா⁴ஷிதம் ।
புநரேவாப்³ரவீத்³வாக்யம் ப⁴ரதம் ப்ரதி ஹர்ஷித꞉ ॥ 11 ॥

த⁴ந்யஸ்த்வம் ந த்வயா துல்யம் பஶ்யாமி ஜக³தீதலே ।
அயத்நாதா³க³தம் ராஜ்யம் யஸ்த்வம் த்யக்துமிஹேச்ச²ஸி ॥ 12 ॥

ஶாஶ்வதீ க²லு தே கீர்தி꞉ லோகாநநுசரிஷ்யதி ।
யஸ்த்வம் க்ருச்ச்²ரக³தம் ராமம் ப்ரத்யாநயிதுமிச்ச²ஸி ॥ 13 ॥

ஏவம் ஸம்பா⁴ஷமாணஸ்ய கு³ஹஸ்ய ப⁴ரதம் ததா³ ।
ப³பௌ⁴ நஷ்டப்ரப⁴꞉ ஸூர்யோ ரஜநீ சாப்⁴யவர்தத ॥ 14 ॥

ஸந்நிவேஶ்ய ஸ தாம் ஸேநாம் கு³ஹேந பரிதோஷித꞉ ।
ஶத்ருக்⁴நேந ஸஹ ஶ்ரீமாந் ஶயநம் புநராக³மத் ॥ 15 ॥

ராம சிந்தாமய꞉ ஶோகோ ப⁴ரதஸ்ய மஹாத்மந꞉ ।
உபஸ்தி²த꞉ ஹ்யநர்ஹஸ்ய த⁴ர்மப்ரேக்ஷஸ்ய தாத்³ருஶ꞉ ॥ 16 ॥

அந்தர்தா³ஹேந த³ஹந꞉ ஸந்தாபயதி ராக⁴வம் ।
வந தா³ஹாபி⁴ஸந்தப்தம் கூ³டோ⁴(அ)க்³நிரிவ பாத³பம் ॥ 17 ॥

ப்ரஸ்ருத꞉ ஸர்வகா³த்ரேப்⁴ய꞉ ஸ்வேத³ம் ஶோகாக்³நிஸம்ப⁴வம் ।
யதா² ஸூர்யாம்ஶுஸந்தப்த꞉ ஹிமவாந் ப்ரஸ்ருத꞉ ஹிமம் ॥ 18 ॥

த்⁴யாநநிர்த³ரஶைலேந விநிஶ்ஶ்வஸிததா⁴துநா ।
தை³ந்யபாத³பஸங்கே⁴ந ஶோகாயாஸாதி⁴ஶ்ருங்கி³ணா ॥ 19 ॥

ப்ரமோஹாநந்த ஸத்த்வேந ஸந்தாபௌஷதி⁴வேணுநா ।
ஆக்ராந்தர்து³꞉க² ஶைலேந மஹதா கைகயீஸுத꞉ ॥ 20 ॥

விநிஶ்ஶ்வஸந்வை ப்⁴ருஶது³ர்மநாஸ்தத꞉
ப்ரமூட⁴ஸஞ்ஜ்ஞ꞉ பரமாபத³ம் க³த꞉ ।
ஶமம் ந லேபே⁴ ஹ்ருத³யஜ்வரார்தி³த꞉
நரர்ஷபோ⁴(அ)யூத²க³தோ யத²ர்ஷப⁴꞉ ॥ 21 ॥

கு³ஹேந ஸார்த⁴ம் ப⁴ரத꞉ ஸமாக³த꞉
மஹாநுபா⁴வ꞉ ஸஜந꞉ ஸமாஹித꞉ ।
ஸுது³ர்மநாஸ்தம் ப⁴ரதம் ததா³ புந꞉
கு³ஹ꞉ ஸமாஶ்வாஸயத³க்³ரஜம் ப்ரதி ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ பஞ்சாஶீதிதம꞉ ஸர்க³꞉ ॥ 85 ॥

அயோத்⁴யாகாண்ட³ ஷட³ஶீதிதம꞉ ஸர்க³꞉ (86) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: