Read in తెలుగు / ಕನ್ನಡ / தமிழ் / देवनागरी / English (IAST)
|| paurōtsēkaḥ ||
gatē purōhitē rāmaḥ snātō niyatamānasaḥ |
saha patnyā viśālākṣyā nārāyaṇamupāgamat || 1 ||
pragr̥hya śirasā pātrīṁ haviṣō vidhivattadā |
mahatē daivatāyājyaṁ juhāva jvalitē:’nalē || 2 ||
śēṣaṁ ca haviṣastasya prāśyāśāsyātmanaḥ priyam |
dhyāyannārāyaṇaṁ dēvaṁ svāstīrṇē kuśasaṁstarē || 3 ||
vāgyataḥ saha vaidēhyā bhūtvā niyatamānasaḥ |
śrīmatyāyatanē viṣṇōḥ śiśyē naravarātmajaḥ || 4 ||
ēkayāmāvaśiṣṭāyāṁ rātryāṁ prativibudhya saḥ |
alaṅkāravidhiṁ kr̥tsnaṁ kārayāmāsa vēśmanaḥ || 5 ||
tatra śr̥ṇvansukhā vācaḥ sūtamāgadhavandinām |
pūrvāṁ sandhyāmupāsīnō jajāpa yatamānasaḥ || 6 ||
tuṣṭāva praṇataścaiva śirasā madhusūdanam |
vimalakṣaumasaṁvītō vācayāmāsa ca dvijān || 7 ||
tēṣāṁ puṇyāhaghōṣō:’tha gambhīramadhurastadā |
ayōdhyāṁ pūrayāmāsa tūryaghōṣānunāditaḥ || 8 ||
kr̥tōpavāsaṁ tu tadā vaidēhyā saha rāghavam |
ayōdhyānilayaḥ śrutvā sarvaḥ pramuditō janaḥ || 9 ||
tataḥ paurajanaḥ sarvaḥ śrutvā rāmābhiṣēcanam |
prabhātāṁ rajanīṁ dr̥ṣṭvā cakrē śōbhayituṁ purīm || 10 ||
sitābhraśikharābhēṣu dēvatāyatanēṣu ca |
catuṣpathēṣu rathyāsu caityēṣvaṭ-ṭālakēṣu ca || 11 ||
nānāpaṇyasamr̥ddhēṣu vaṇijāmāpaṇēṣu ca |
kuṭumbināṁ samr̥ddhēṣu śrīmatsu bhavanēṣu ca || 12 ||
sabhāsu caiva sarvāsu vr̥kṣēṣvālakṣitēṣu ca |
dhvajāḥ samucchritāścitrāḥ patākāścābhavaṁstadā || 13 ||
naṭanartakasaṅghānāṁ gāyakānāṁ ca gāyatām |
manaḥkarṇasukhā vācaḥ śuśruvuśca tatastataḥ || 14 ||
rāmābhiṣēkayuktāśca kathāścakrurmithō janāḥ |
rāmābhiṣēkē samprāptē catvarēṣu gr̥hēṣu ca || 15 ||
bālā api krīḍamānāḥ gr̥hadvārēṣu saṅghaśaḥ |
rāmābhiṣēkasamyuktāścakrurēva mithaḥ kathāḥ || 16 ||
kr̥tapuṣpōpahāraśca dhūpagandhādhivāsitaḥ |
rājamārgaḥ kr̥taḥ śrīmānpaurai rāmābhiṣēcanē || 17 ||
prakāśīkaraṇārthaṁ ca niśāgamanaśaṅkayā |
dīpavr̥kṣāṁstathā cakruranurathyāsu sarvaśaḥ || 18 ||
alaṅkāraṁ purasyaivaṁ kr̥tvā tatpuravāsinaḥ |
ākāṅkṣamāṇā rāmasya yauvarājyābhiṣēcanam || 19 ||
samētya saṅghaśaḥ sarvē catvarēṣu sabhāsu ca |
kathayantō mithastatra praśaśaṁsurjanādhipam || 20 ||
ahō mahātmā rājāyamikṣvākukulanandanaḥ |
jñātvā yō vr̥ddhamātmānaṁ rāmaṁ rājyē:’bhiṣēkṣyati || 21 ||
sarvē hyanugr̥hītāḥ sma yannō rāmō mahīpatiḥ | [sarvēpya]
cirāya bhavitā gōptā dr̥ṣṭalōkaparāvaraḥ || 22 ||
anuddhatamanā vidvāndharmātmā bhrātr̥vatsalaḥ |
yathā ca bhrātr̥ṣu snigdhastathāsmāsvapi rāghavaḥ || 23 ||
ciraṁ jīvatu dharmātmā rājā daśarathō:’naghaḥ |
yatprasādēnābhiṣiktaṁ rāmaṁ drakṣyāmahē vayam || 24 ||
ēvaṁ-vidhaṁ kathayatāṁ paurāṇāṁ śuśruvustadā |
digbhyō viśrutavr̥ttāntāḥ prāptā jānapadā janāḥ || 25 || [digbhyō:’pi]
tē tu digbhyaḥ purīṁ prāptāḥ draṣṭuṁ rāmābhiṣēcanam |
rāmasya pūrayāmāsuḥ purīṁ jānapadā janāḥ || 26 ||
janaughaistairvisarpadbhiḥ śuśruvē tatra nisvanaḥ |
parvasūdīrṇavēgasya sāgarasyēva nisvanaḥ || 27 ||
tatastadindrakṣayasannibhaṁ puraṁ
didr̥kṣubhirjānapadairupāgataiḥ |
samantataḥ sasvanamākulaṁ babhau
samudrayādōbhirivārṇavōdakam || 28 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē ṣaṣṭhaḥ sargaḥ || 6 ||
ayōdhyākāṇḍa saptamaḥ sargaḥ (7) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
