Read in తెలుగు / ಕನ್ನಡ / தமிழ் / देवनागरी / English (IAST)
దేవి త్వదావాస్యమిదం న కించి-
-ద్వస్తు త్వదన్యద్బహుధేవ భాసి |
దేవాసురాసృక్పనరాదిరూపా
విశ్వాత్మికే తే సతతం నమోఽస్తు || ౪౧-౧ ||
న జన్మ తే కర్మ చ దేవి లోక-
-క్షేమాయ జన్మాని దధాసి మాతః |
కరోషి కర్మాణి చ నిస్పృహా త్వం
జగద్విధాత్ర్యై సతతం నమస్తే || ౪౧-౨ ||
తత్త్వత్పదం యద్ధ్రువమారురుక్షుః
పుమాన్ వ్రతీ నిశ్చలదేహచిత్తః |
కరోతి తీవ్రాణి తపాంసి యోగీ
తస్యై నమస్తే జగదంబికాయై || ౪౧-౩ ||
త్వదాజ్ఞయా వాత్యనిలోఽనలశ్చ
జ్వలత్యుదేతి ద్యుమణిః శశీ చ |
నిజైర్నిజైః కర్మభిరేవ సర్వే
త్వాం పూజయంతే వరదే నమస్తే || ౪౧-౪ ||
భక్తిర్న వంధ్యా యత ఏవ దేవి
రాగాదిరోగాభిభవాద్విముక్తాః |
మర్త్యాదయస్త్వత్పదమాప్నువంతి
తస్యై నమస్తే భువనేశి మాతః || ౪౧-౫ ||
సర్వాత్మనా యో భజతే త్వదంఘ్రిం
మాయా తవాముష్య సుఖం దదాతి |
దుఃఖం చ సా త్వద్విముఖస్య దేవి
మాయాధినాథే సతతం నమస్తే || ౪౧-౬ ||
దుఃఖం న దుఃఖం న సుఖం సుఖం చ
త్వద్విస్మృతిర్దుఃఖమసహ్యభారమ్ |
సుఖం సదా త్వత్స్మరణం మహేశి
లోకాయ శం దేహి నమో నమస్తే || ౪౧-౭ ||
పతంతు తే దేవి కృపాకటాక్షాః
సర్వత్ర భద్రాణి భవంతు నిత్యమ్ |
సర్వోఽపి మృత్యోరమృతత్వమేతు
నశ్యంత్వభద్రాణి శివే నమస్తే || ౪౧-౮ ||
నమో నమస్తేఽఖిలశక్తియుక్తే
నమో నమస్తే జగతాం విధాత్రి |
నమో నమస్తే కరుణార్ద్రచిత్తే
నమో నమస్తే సకలార్తిహంత్రి || ౪౧-౯ ||
దుర్గే మహాలక్ష్మి నమో నమస్తే
భద్రే మహావాణి నమో నమస్తే |
కల్యాణి మాతంగి రమే భవాని
సర్వస్వరూపే సతతం నమస్తే || ౪౧-౧౦ ||
యత్కించిదజ్ఞాతవతేహ దేవీ-
-నారాయణీయం రచితం మయేదమ్ |
అభద్రనాశాయ సతాం హితాయ
తవ ప్రసాదాయ చ నిత్యమస్తు || ౪౧-౧౧ ||
సంపూర్ణ దేవీ నారాయణీయం (41 దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
