Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]
ఋషయ ఊచుః |
నమో దిగ్వాససే నిత్యం కృతాంతాయ త్రిశూలినే |
వికటాయ కరాలాయ కరాలవదనాయ చ || ౧ ||
అరూపాయ సురూపాయ విశ్వరూపాయ తే నమః |
కటంకటాయ రుద్రాయ స్వాహాకారాయ వై నమః || ౨ ||
సర్వప్రణతదేహాయ స్వయం చ ప్రణతాత్మనే |
నిత్యం నీలశిఖండాయ శ్రీకంఠాయ నమో నమః || ౩ ||
నీలకంఠాయ దేవాయ చితాభస్మాంగధారిణే |
త్వం బ్రహ్మా సర్వదేవానాం రుద్రాణాం నీలలోహితః || ౪ ||
ఆత్మా చ సర్వభూతానాం సాంఖ్యైః పురుష ఉచ్యతే |
పర్వతానాం మహామేరుర్నక్షత్రాణాం చ చంద్రమాః || ౫ ||
ఋషీణాం చ వసిష్ఠస్త్వం దేవానాం వాసవస్తథా |
ఓంకారః సర్వవేదానాం శ్రేష్ఠం సామ చ సామసు || ౬ ||
ఆరణ్యానాం పశూనాం చ సింహస్త్వం పరమేశ్వరః |
గ్రామ్యాణామృషభశ్చాసి భగవాన్ లోకపూజితః || ౭ ||
సర్వథా వర్తమానోఽపి యో యో భావో భవిష్యతి |
త్వామేవ తత్ర పశ్యామో బ్రహ్మణా కథితం యథా || ౮ ||
కామః క్రోధశ్చ లోభశ్చ విషాదో మద ఏవ చ |
ఏతదిచ్ఛామహే బోద్ధుం ప్రసీద పరమేశ్వర || ౯ ||
మహాసంహరణే ప్రాప్తే త్వయా దేవ కృతాత్మనా |
కరం లలాటే సంవిధ్య వహ్నిరుత్పాదితస్త్వయా || ౧౦ ||
తేనాగ్నినా తదా లోకా అర్చిర్భిః సర్వతో వృతాః |
తస్మాదగ్నిసమా హ్యేతే బహవో వికృతాగ్నయః || ౧౧ ||
కామః క్రోధశ్చ లోభశ్చ మోహో దంభ ఉపద్రవః |
యాని చాన్యాని భూతాని స్థావరాణి చరాణి చ || ౧౨ ||
దహ్యం తే ప్రాణినస్తే తు త్వత్సముత్థేన వహ్నినా |
అస్మాకం దహ్యమానానాం త్రాతా భవ సురేశ్వర || ౧౩ ||
త్వం చ లోకహితార్థాయ భూతాని పరిషించసి |
మహేశ్వర మహాభాగ ప్రభో శుభనిరీక్షక || ౧౪ ||
ఆజ్ఞాపయ వయం నాథ కర్తారో వచనం తవ |
భూతకోటిసహస్రేషు రూపకోటిశతేషు చ || ౧౫ ||
అంతం గంతుం న శక్తాః స్మ దేవదేవ నమోఽస్తు తే || ౧౬ ||
ఇతి శ్రీలింగమహాపురాణే పూర్వభాగే ద్వాత్రింశోఽధ్యాయే దేవదారువనస్థ మునికృత పరమేశ్వర స్తుతిః |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ శివ స్తోత్రనిధి
(నిత్య పారాయణ గ్రంథము)
మరిన్ని శ్రీ శివ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
