Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ విష్ణు స్తోత్రనిధి” పారాయణ గ్రంథములో కూడా ఉన్నది.]
దేవో నః శుభమాతనోతు దశధా నిర్వర్తయన్ భూమికాం
రంగే ధామని లబ్ధనిర్భరరసైరధ్యక్షితో భావుకైః |
యద్భావేషు పృథగ్విధేష్వనుగుణాన్ భావాన్ స్వయం బిభ్రతీ
యద్ధర్మైరిహ ధర్మిణీ విహరతే నానాకృతిర్నాయికా || ౧ ||
నిర్మగ్నశ్రుతిజాలమార్గణదశాదత్తక్షణైర్వీక్షణై-
-రంతస్తన్వదివారవిందమహనాన్యౌదన్వతీనామపామ్ |
నిష్ప్రత్యూహతరంగరింగణమిథః ప్రత్యూఢపాథశ్ఛటా-
-డోలారోహసదోహళం భగవతో మాత్స్యం వపుః పాతు నః || ౨ ||
అవ్యాసుర్భువనత్రయీమనిభృతం కండూయనైరద్రిణా
నిద్రాణస్య పరస్య కూర్మవపుషో నిఃశ్వాసవాతోర్మయః |
యద్విక్షేపణసంస్కృతోదధిపయః ప్రేంఖోళపర్యంకికా-
-నిత్యారోహణనిర్వృతో విహరతే దేవః సహైవ శ్రియా || ౩ ||
గోపాయేదనిశం జగంతి కుహనాపోత్రీ పవిత్రీకృత-
-బ్రహ్మాండః ప్రళయోర్మిఘోషగురుభిర్ఘోణారవైర్ఘుర్ఘురైః |
యద్దంష్ట్రాంకురకోటిగాఢఘటనానిష్కంపనిత్యస్థితి-
-ర్బ్రహ్మస్తంబమసౌదసౌ భగవతీ ముస్తేవ విశ్వంభరా || ౪ ||
ప్రత్యాదిష్టపురాతనప్రహరణగ్రామః క్షణం పాణిజై-
-రవ్యాత్ త్రీణి జగంత్యకుంఠమహిమా వైకుంఠకంఠీరవః |
యత్ప్రాదుర్భవనాదవంధ్యజఠరా యాదృచ్ఛికాద్వేధసాం
యా కాచిత్ సహసా మహాసురగృహస్థూణా పితామహ్యభూత్ || ౫ ||
వ్రీడావిద్ధవదాన్యదానవయశోనాసీరధాటీభటః
త్రైయక్షం ముకుటం పునన్నవతు నస్త్రైవిక్రమో విక్రమః |
యత్ప్రస్తావసముచ్ఛ్రితధ్వజపటీవృత్తాంతసిద్ధాంతిభిః
స్రోతోభిః సురసింధురష్టసు దిశాసౌధేషు దోధూయతే || ౬ ||
క్రోధాగ్నిం జమదగ్నిపీడనభవం సంతర్పయిష్యన్ క్రమా-
-దక్షత్రామిహ సంతతక్ష య ఇమాం త్రిఃసప్తకృత్వః క్షితిమ్ |
దత్త్వా కర్మణి దక్షిణాం క్వచన తామాస్కంద్య సింధుం వసన్
అబ్రహ్మణ్యమపాకరోతు భగవానాబ్రహ్మకీటం మునిః || ౭ ||
పారావారపయోవిశోషణకలాపారీణకాలానల-
-జ్వాలాజాలవిహారహారివిశిఖవ్యాపారఘోరక్రమః |
సర్వావస్థసకృత్ప్రపన్నజనతాసంరక్షణైకవ్రతీ
ధర్మో విగ్రహవానధర్మవిరతిం ధన్వీ స తన్వీత నః || ౮ ||
ఫక్కత్కౌరవపట్టణప్రభృతయః ప్రాస్తప్రలంబాదయ-
-స్తాలాంకస్య తథావిధా విహృతయస్తన్వంతు భద్రాణి నః |
క్షీరం శర్కరయేవ యాభిరపృథగ్భూతాః ప్రభూతైర్గుణై-
-రాకౌమారకమస్వదంత జగతే కృష్ణస్య తాః కేలయః || ౯ ||
నాథాయైవ నమః పదం భవతు నశ్చిత్రైశ్చరిత్రక్రమై-
-ర్భూయోభిర్భువనాన్యమూని కుహనాగోపాయ గోపాయతే |
కాళిందీరసికాయ కాళియఫణిస్ఫారస్ఫటావాటికా-
-రంగోత్సంగవిశంకచక్రమధురాపర్యాయచర్యాయ తే || ౧౦ ||
భావిన్యా దశయా భవన్నిహ భవధ్వంసాయ నః కల్పతాం
కల్కీ విష్ణుయశః సుతః కలికథాకాలుష్యకూలంకషః |
నిఃశేషక్షతకంటకే క్షితితలే ధారాజలౌఘైర్ధ్రువం
ధర్మం కార్తయుగం ప్రరోహయతి యన్నిస్త్రింశధారాధరః || ౧౧ ||
ఇచ్ఛామీన విహారకచ్ఛప మహాపోత్రిన్ యదృచ్ఛాహరే
రక్షావామన రోషరామ కరుణాకాకుత్స్థ హేలాహలిన్ |
క్రీడావల్లవ కల్కవాహన దశాకల్కిన్నితి ప్రత్యహం
జల్పంతః పురుషాః పునంతి భువనం పుణ్యౌఘపణ్యాపణాః || ౧౨ ||
విద్యోదన్వతి వేంకటేశ్వరకవౌ జాతం జగన్మంగళం
దేవేశస్య దశావతారవిషయం స్తోత్రం వివక్షేత యః |
వక్త్రం తస్య సరస్వతీ బహుముఖీ భక్తిః పరా మానసే
శుద్ధిః కాఽపి తనౌ దిశాసు దశసు ఖ్యాతిః శుభా జృంభతే || ౧౩ ||
ఇతి శ్రీమద్వేంకటనాథస్య వేదాంతాచార్యస్య కృతిషు దశావతార స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ విష్ణు స్తోత్రనిధి
(నిత్య పారాయణ గ్రంథము)
మరిన్ని శ్రీ విష్ణు స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
