Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దత్తాత్రేయ స్తోత్రనిధి” పారాయణ గ్రంథములో కూడా ఉన్నది. Click here to buy.]
బాలార్కప్రభమింద్రనీలజటిలం భస్మాంగరాగోజ్జ్వలం
శాంతం నాదవిలీనచిత్తపవనం శార్దూలచర్మాంబరమ్ |
బ్రహ్మజ్ఞైః సనకాదిభిః పరివృతం సిద్ధైః సమారాధితం
ఆత్రేయం సముపాస్మహే హృది ముదా ధ్యేయం సదా యోగిభిః || ౧ ||
దిగంబరం భస్మవిలేపితాంగం
చక్రం త్రిశూలం డమరుం గదాం చ |
పద్మాసనస్థం శశిసూర్యనేత్రం
దత్తాత్రేయం ధ్యేయమభీష్టసిద్ధ్యై || ౨ ||
ఓం నమః శ్రీగురుం దత్తం దత్తదేవం జగద్గురుమ్ |
నిష్కలం నిర్గుణం వందే దత్తాత్రేయం నమామ్యహమ్ || ౩ ||
బ్రహ్మ లోకేశ భూతేశ శంఖచక్రగదాధరమ్ |
పాణిపాత్రధరం దేవం దత్తాత్రేయం నమామ్యహమ్ || ౪ ||
సురేశవందితం దేవం త్రైలోక్య లోకవందితమ్ |
హరిహరాత్మకం దేవం దత్తాత్రేయం నమామ్యహమ్ || ౫ ||
నిర్మలం నీలవర్ణం చ సుందరం శ్యామశోభితమ్ |
సులోచనం విశాలాక్షం దత్తాత్రేయం నమామ్యహమ్ || ౬ ||
త్రిశూలం డమరుం మాలాం జటాముకుటమండితమ్ |
మండితం కుండలం కర్ణే దత్తాత్రేయం నమామ్యహమ్ || ౭ ||
విభూతిభూషితదేహం హారకేయూరశోభితమ్ |
అనంతప్రణవాకారం దత్తాత్రేయం నమామ్యహమ్ || ౮ ||
ప్రసన్నవదనం దేవం భుక్తిముక్తిప్రదాయకమ్ |
జనార్దనం జగత్త్రాణం దత్తాత్రేయం నమామ్యహమ్ || ౯ ||
రాజరాజం మితాచారం కార్తవీర్యవరప్రదమ్ |
సుభద్రం భద్రకల్యాణం దత్తాత్రేయం నమామ్యహమ్ || ౧౦ ||
అనసూయాప్రియకరం అత్రిపుత్రం సురేశ్వరమ్ |
విఖ్యాతయోగినాం మోక్షం దత్తాత్రేయం నమామ్యహమ్ || ౧౧ ||
దిగంబరతనుం శ్రేష్ఠం బ్రహ్మచర్యవ్రతే స్థితమ్ |
హంసం హంసాత్మకం నిత్యం దత్తాత్రేయం నమామ్యహమ్ || ౧౨ ||
కదా యోగీ కదా భోగీ బాలలీలావినోదకః |
దశనైః రత్నసంకాశైః దత్తాత్రేయం నమామ్యహమ్ || ౧౩ ||
భూతబాధా భవత్రాసః గ్రహపీడా తథైవ చ |
దరిద్రవ్యసనధ్వంసీ దత్తాత్రేయం నమామ్యహమ్ || ౧౪ ||
చతుర్దశ్యాం బుధే వారే జన్మమార్గశిరే శుభే |
తారకం విపులం వందే దత్తాత్రేయం నమామ్యహమ్ || ౧౫ ||
రక్తోత్పలదళపాదం సర్వతీర్థసముద్భవమ్ |
వందితం యోగిభిః సర్వైః దత్తాత్రేయం నమామ్యహమ్ || ౧౬ ||
జ్ఞానదాతా ప్రభుః సాక్షాద్గతిర్మోక్షప్రదాయకః |
ఆత్మభూరీశ్వరః కృష్ణః దత్తాత్రేయం నమామ్యహమ్ || ౧౭ ||
భృగువిరచితమిదం దత్తపారాయణాన్వితమ్ |
సాక్షాద్దద్యాత్స్వయం బ్రహ్మా దత్తాత్రేయం నమామ్యహమ్ || ౧౮ ||
ప్రాణినాం సర్వజంతూనాం కర్మపాశప్రభంజనమ్ |
దత్తాత్రేయగురుస్తోత్రం సర్వాన్ కామానవాప్నుయాత్ || ౧౯ ||
అపుత్రో లభతే పుత్రం ధనధాన్యసమన్వితః |
రాజమాన్యో భవేల్లక్ష్మీమప్రాప్యం ప్రాప్నుయాన్నరః || ౨౦ ||
త్రిసంధ్యం జపమానస్తు దత్తాత్రేయస్తుతిం సదా |
తస్య రోగభయం నాస్తి దీర్ఘాయుర్విజయీ భవేత్ || ౨౧ ||
కూష్మాండడాకినీపక్షపిశాచబ్రహ్మరాక్షసాః |
స్తోత్రస్య శ్రుతమాత్రేణ గచ్ఛంత్యత్ర న సంశయః || ౨౨ ||
ఏతద్వింశతిశ్లోకానామావృత్తిం కురు వింశతిమ్ |
తస్యావృత్తిసహస్రేణ దర్శనం నాత్ర సంశయః || ౨౩ ||
ఇతి శ్రీభృగువిరచితం శ్రీ దత్తాత్రేయ స్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ దత్తాత్రేయ స్తోత్రనిధి
(నిత్య పారాయణ గ్రంథము)
మరిన్ని శ్రీ దత్తాత్రేయ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
