Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ముందుగా పూర్వాంగం, గణపతి పూజ చేయవలెను. తరువాత ఈ క్రింది పూజావిధానం ఆచరించవలెను.)
పూర్వాంగం చూ. ||
పసుపు గణపతి పూజ చూ. ||
పునః సంకల్పం –
పూర్వోక్త ఏవం గుణ విశేషణ విశిష్టాయాం శుభతిథౌ వైదికమార్గ ప్రతిష్ఠాపకానాం జగద్గురూణాం శ్రీశంకరభగవత్పాదపూజాం కరిష్యే |
ధ్యానమ్ –
శ్రుతిస్మృతిపురాణానామాలయం కరుణాలయమ్ |
నమామి భగవత్పాదశంకరం లోకశంకరమ్ ||
అస్మిన్ బింబే శ్రీశంకరభగవత్పాదం ధ్యాయామి |
ఆవాహనమ్ –
యమాశ్రితా గిరాం దేవీ నందయత్యాత్మసంశ్రితాన్ |
తమాశ్రయే శ్రియా జుష్టం శంకరం కరుణానిధిమ్ ||
శ్రీశంకరభగవత్పాదమావాహయామి |
ఆసనమ్ –
శ్రీగురుం భగవత్పాదం శరణ్యం భక్తవత్సలమ్ |
శివం శివకరం శుద్ధమప్రమేయం నమామ్యహమ్ ||
శ్రీశంకరభగవత్పాదాయ నమః ఆసనం సమర్పయామి |
పూర్ణకుంభప్రదానమ్ –
నిత్యం శుద్ధం నిరాకారం నిరాభాసం నిరంజనమ్ |
నిత్యబోధం చిదానందం గురుం బ్రహ్మ నమామ్యహమ్ ||
శ్రీశంకరభగవత్పాదాయ నమః పూర్ణకుంభం సమర్పయామి |
పాద్యమ్ –
సర్వతంత్రస్వతంత్రాయ సదాత్మాద్వైతరూపిణే |
శ్రీమతే శంకరార్యాయ వేదాంతగురవే నమః ||
శ్రీశంకరభగవత్పాదాయ నమః పాదయోః పాద్యం సమర్పయామి |
అర్ఘ్యమ్ –
వేదాంతార్థాభిధానేన సర్వానుగ్రహకారిణమ్ |
యతిరూపధరం వందే శంకరం లోకశంకరమ్ ||
శ్రీశంకరభగవత్పాదాయ నమః హస్తయోః అర్ఘ్యం సమర్పయామి |
ఆచమనీయమ్ –
సంసారాబ్ధినిషణ్ణాజ్ఞనికరప్రోద్దిధీర్షయా |
కృతసంహననం వందే భగవత్పాదశంకరమ్ ||
శ్రీశంకరభగవత్పాదాయ నమః ఆచమనీయం సమర్పయామి |
స్నానమ్ –
యత్పాదపంకజధ్యానాత్ తోటకాద్యా యతీశ్వరాః |
బభూవుస్తాదృశం వందే శంకరం షణ్మతేశ్వరమ్ ||
శ్రీశంకరభగవత్పాదాయ నమః స్నాపయామి |
స్నానానంతరం ఆచమనీయం సమర్పయామి |
వస్త్రమ్ –
నమః శ్రీశంకరాచార్యగురవే శంకరాత్మనే |
శరీరిణాం శంకరాయ శంకరజ్ఞానహేతవే ||
శ్రీశంకరభగవత్పాదాయ నమః వస్త్రం సమర్పయామి |
ఉపవీతమ్ –
హరలీలావతారాయ శంకరాయ వరౌజసే |
కైవల్యకలనాకల్పతరవే గురవే నమః ||
శ్రీశంకరభగవత్పాదాయ నమః ఉపవీతం సమర్పయామి |
రుద్రాక్షమాలా (ఆభరణమ్) –
విచార్యం సర్వవేదాంతైః సంచార్యం హృదయాంబుజే |
ప్రచార్యం సర్వలోకేషు ఆచార్యం శంకరం భజే ||
శ్రీశంకరభగవత్పాదాయ నమః రుద్రాక్షమాలాం సమర్పయామి |
గంధమ్ –
యాఽనుభూతిః స్వయంజ్యోతిరాదిత్యేశానవిగ్రహా |
శంకరాఖ్యా చ తన్నౌమి సురేశ్వరగురుం పరమ్ ||
శ్రీశంకరభగవత్పాదాయ నమః గంధ భస్మాదికం సమర్పయామి |
దండమ్ –
ఆనందఘనమద్వందం నిర్వికారం నిరంజనమ్ |
భజేఽహం భగవత్పాదం భజతామభయప్రదమ్ ||
శ్రీశంకరభగవత్పాదాయ నమః దండం సమర్పయామి |
అక్షతాన్ –
తం వందే శంకరాచార్యం లోకత్రితయశంకరమ్ |
సత్తర్కనఖరోద్గీర్ణ వావదూకమతంగజమ్ |
శ్రీశంకరభగవత్పాదాయ నమః అక్షతాన్ సమర్పయామి |
పుష్పమాలా –
నమామి శంకరాచార్యగురుపాదసరోరుహమ్ |
యస్య ప్రసాదాన్మూఢోఽపి సర్వజ్ఞో భవతి స్వయమ్ ||
శ్రీశంకరభగవత్పాదాయ నమః పుష్పమాలాం సమర్పయామి |
అష్టోత్తరశతనామ పూజా –
శ్రీ శంకరభగవత్పాద అష్టోత్తరశతనామావళీ పశ్యతు ||
ధూపమ్ –
సంసారసాగరం ఘోరం అనంతక్లేశభాజనమ్ |
త్వామేవ శరణం ప్రాప్య నిస్తరంతి మనీషిణః ||
శ్రీశంకరభగవత్పాదాయ నమః ధూపమాఘ్రాపయామి |
దీపమ్ –
నమస్తస్మై భగవతే శంకరాచార్యరూపిణే |
యేన వేదాంతవిద్యేయం ఉద్ధృతా వేదసాగరాత్ ||
శ్రీశంకరభగవత్పాదాయ నమః దీపం దర్శయామి |
నైవేద్యమ్ –
భగవత్పాదపాదాబ్జపాంసవః సంతు సంతతమ్ |
అపారాసార సంసారసాగరోత్తార సేతవః ||
శ్రీశంకరభగవత్పాదాయ నమః మహానైవేద్యం నివేదయామి |
నివేదనానంతరం ఆచమనీయం సమర్పయామి |
హస్తప్రక్షాళన పాదప్రక్షాళనాదికం సమర్పయామి |
తాంబూలం సమర్పయామి |
నీరాజనమ్ –
అజ్ఞానతిమిరాంధస్య జ్ఞానాంజనశలాకయా |
చక్షురున్మీలితం యేన తస్మై శ్రీగురవే నమః ||
శ్రీశంకరభగవత్పాదాయ నమః కర్పూరనీరాజనం దర్శయామి |
నీరాజనానంతరం ఆచమనీయం సమర్పయామి |
ప్రదక్షిణ –
ఆచార్యాన్ భగవత్పాదాన్ షణ్మతస్థాపకాన్ హితాన్ |
పరహంసాన్నుమోఽద్వైతస్థాపకాన్ జగతో గురూన్ ||
శ్రీశంకరభగవత్పాదాయ నమః ప్రదక్షిణ నమస్కారాన్ సమర్పయామి |
ప్రార్థనా –
గురుర్బ్రహ్మా గురుర్విష్ణుర్గురుర్దేవో మహేశ్వరః |
గురురేవ పరం బ్రహ్మ తస్మై శ్రీగురవే నమః ||
అఖండమండలాకారం వ్యాప్తం యేన చరాచరమ్ |
తత్పదం దర్శితం యేన తస్మై శ్రీగురవే నమః ||
అనేకజన్మ సంప్రాప్త కర్మబంధ విదాహినే |
ఆత్మజ్ఞాన ప్రదానేన తస్మై శ్రీగురవే నమః ||
విశుద్ధ విజ్ఞానఘనం శుచిహార్దం తమోనుదమ్ |
దయాసింధుం లోకబంధుం శంకరం నౌమి సద్గురుమ్ ||
దేహబుద్ధ్యా తు దాసోఽస్మి జీవబుద్ధ్యా త్వదంశకః |
ఆత్మబుద్ధ్యా త్వమేవాహమితి మే నిశ్చితా మతిః ||
ఏకః శాఖీ శంకరాఖ్యశ్చతుర్ధా
స్థానం భేజే తాపశాంత్యై జనానామ్ |
శిష్యస్కంధైః శిష్య శాఖైర్మహద్భిః
జ్ఞానం పుష్పం యత్ర మోక్షః ప్రసూతిః ||
గామాక్రమ్య పదేఽధికాంచి నిబిడం స్కంధైశ్చతుర్భిస్తథా
వ్యావృణ్వన్ భువనాంతరం పరిహరంస్తాపం సమోహజ్వరమ్ |
యః శాఖీ ద్విజసంస్తుతః ఫలతి తత్ స్వాద్యం రసాఖ్యం ఫలం
తస్మై శంకరపాదాయ మహతే తన్మః త్రిసంధ్యం నమః ||
గురుపాదోదకప్రాశనమ్ –
అవిద్యామూలనాశాయ జన్మకర్మనివృత్తయే |
జ్ఞానవైరాగ్యసిద్ధ్యర్థం గురుపాదోదకం శుభమ్ ||
గురుపాదోదకం ప్రాశయామి |
సమర్పణమ్ –
కాయేన వాచా మనసేంద్రియైర్వా
బుద్ధ్యాత్మనా వా ప్రకృతేః స్వభావాత్ |
కరోమి యద్యత్ సకలం పరస్మై
నారాయణాయేతి సమర్పయామి ||
అనయా పూజయా సర్వదేవాత్మకః భగవాన్ శ్రీజగద్గురుః ప్రీయతామ్ ||
ఓం తత్ సత్ ||
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
