Read in తెలుగు / ಕನ್ನಡ / தமிழ் / देवनागरी / English (IAST)
asya śrītulasīkavacastōtramantrasya śrīmahādēva r̥ṣiḥ, anuṣṭupchandaḥ śrītulasīdēvatā, mama īpsitakāmanā siddhyarthē japē viniyōgaḥ |
tulasī śrīmahādēvi namaḥ paṅkajadhāriṇi |
śirō mē tulasī pātu phālaṁ pātu yaśasvinī || 1 ||
dr̥śau mē padmanayanā śrīsakhī śravaṇē mama |
ghrāṇaṁ pātu sugandhā mē mukhaṁ ca sumukhī mama || 2 ||
jihvāṁ mē pātu śubhadā kaṇṭhaṁ vidyāmayī mama |
skandhau kalhāriṇī pātu hr̥dayaṁ viṣṇuvallabhā || 3 ||
puṇyadā mē pātu madhyaṁ nābhiṁ saubhāgyadāyinī |
kaṭiṁ kuṇḍalinī pātu ūrū nāradavanditā || 4 ||
jananī jānunī pātu jaṅghē sakalavanditā |
nārāyaṇapriyā pādau sarvāṅgaṁ sarvarakṣiṇī || 5 ||
saṅkaṭē viṣamē durgē bhayē vādē mahāhavē |
nityaṁ hi sandhyayōḥ pātu tulasī sarvataḥ sadā || 6 ||
itīdaṁ paramaṁ guhyaṁ tulasyāḥ kavacāmr̥tam |
martyānāmamr̥tārthāya bhītānāmabhayāya ca || 7 ||
mōkṣāya ca mumukṣūṇāṁ dhyāyināṁ dhyānayōgakr̥t |
vaśāya vaśyakāmānāṁ vidyāyai vēdavādinām || 8 ||
draviṇāya daridrāṇāṁ pāpināṁ pāpaśāntayē |
annāya kṣudhitānāṁ ca svargāya svargamicchatām || 9 ||
paśavyaṁ paśukāmānāṁ putradaṁ putrakāṅkṣiṇām |
rājyāya bhraṣṭarājyānāmaśāntānāṁ ca śāntayē || 10 ||
bhaktyarthaṁ viṣṇubhaktānāṁ viṣṇau sarvāntarātmani |
jāpyaṁ trivargasiddhyarthaṁ gr̥hasthēna viśēṣataḥ || 11 ||
udyantaṁ caṇḍakiraṇamupasthāya kr̥tāñjaliḥ |
tulasī kānanē tiṣṭhānnāsīnō vā japēdidam || 12 ||
sarvānkāmānavāpnōti tathaiva mama sannidhim |
mama priyakaraṁ nityaṁ haribhaktivivardhanam || 13 ||
yā syānmr̥taprajānārī tasyā aṅgaṁ pramārjayēt |
sā putraṁ labhatē dīrghajīvinaṁ cāpyarōgiṇam || 14 ||
vandhyāyā mārjayēdaṅgaṁ kuśairmantrēṇa sādhakaḥ |
sā:’pi saṁvatsarādēva garbhaṁ dhattē manōharam || 15 ||
aśvatthē rājavaśyārthī japēdagnēḥ surūpabhāk |
palāśamūlē vidyārthī tējō:’rthyabhimukhō ravēḥ || 16 ||
kanyārthī caṇḍikāgēhē śatruhatyai gr̥hē mama |
śrīkāmō viṣṇugēhē ca udyānē strīvaśā bhavēt || 17 ||
kimatra bahunōktēna śr̥ṇu sainyēśa tattvataḥ |
yaṁ yaṁ kāmamabhidhyāyēttaṁ taṁ prāpnōtyasaṁśayam || 18 ||
mama gēhagatastvaṁ tu tārakasya vadhēcchayā |
japan stōtram ca kavacaṁ tulasīgatamānasaḥ || 19 ||
maṇḍalāttārakaṁ hantā bhaviṣyasi na saṁśayaḥ || 20 ||
iti śrībrahmāṇḍapurāṇē tulasīmahātmyē tulasīkavacaṁ sampūrṇam |
See more vividha stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
