Read in తెలుగు / ಕನ್ನಡ / தமிழ் / देवनागरी / English (IAST)
శ్రీ హయగ్రీవ అష్టోత్తరశతనామావళిః >>
ధ్యానమ్ |
జ్ఞానానందమయం దేవం నిర్మలం స్ఫటికాకృతిమ్ |
ఆధారం సర్వవిద్యానాం హయగ్రీవముపాస్మహే ||
స్తోత్రమ్ |
హయగ్రీవో మహావిష్ణుః కేశవో మధుసూదనః |
గోవిందః పుండరీకాక్షో విష్ణుర్విశ్వంభరో హరిః || ౧ ||
ఆదిత్యః సర్వవాగీశః సర్వాధారః సనాతనః | [ఆదీశః]
నిరాధారో నిరాకారో నిరీశో నిరుపద్రవః || ౨ ||
నిరంజనో నిష్కలంకో నిత్యతృప్తో నిరామయః |
చిదానందమయః సాక్షీ శరణ్యః సర్వదాయకః || ౩ ||
శ్రీమాన్ లోకత్రయాధీశః శివః సారస్వతప్రదః |
వేదోద్ధర్తా వేదనిధిర్వేదవేద్యః పురాతనః || ౪ ||
పూర్ణః పూరయితా పుణ్యః పుణ్యకీర్తిః పరాత్పరః |
పరమాత్మా పరంజ్యోతిః పరేశః పారగః పరః || ౫ ||
సర్వవేదాత్మకో విద్వాన్ వేదవేదాంగపారగః |
సకలోపనిషద్వేద్యో నిష్కలః సర్వశాస్త్రకృత్ || ౬ ||
అక్షమాలాజ్ఞానముద్రాయుక్తహస్తో వరప్రదః |
పురాణపురుషః శ్రేష్ఠః శరణ్యః పరమేశ్వరః || ౭ ||
శాంతో దాంతో జితక్రోధో జితామిత్రో జగన్మయః |
జన్మమృత్యుహరో జీవో జయదో జాడ్యనాశనః || ౮ ||
జపప్రియో జపస్తుత్యో జపకృత్ప్రియకృద్విభుః |
[* జయశ్రియోర్జితస్తుల్యో జాపకప్రియకృద్విభుః | *]
విమలో విశ్వరూపశ్చ విశ్వగోప్తా విధిస్తుతః || ౯ ||
విధివిష్ణుశివస్తుత్యః శాంతిదః క్షాంతికారకః |
శ్రేయఃప్రదః శ్రుతిమయః శ్రేయసాం పతిరీశ్వరః || ౧౦ ||
అచ్యుతోఽనంతరూపశ్చ ప్రాణదః పృథివీపతిః |
అవ్యక్తో వ్యక్తరూపశ్చ సర్వసాక్షీ తమోహరః || ౧౧ ||
అజ్ఞాననాశకో జ్ఞానీ పూర్ణచంద్రసమప్రభః |
జ్ఞానదో వాక్పతిర్యోగీ యోగీశః సర్వకామదః || ౧౨ ||
యోగారూఢో మహాపుణ్యః పుణ్యకీర్తిరమిత్రహా |
విశ్వసాక్షీ చిదాకారః పరమానందకారకః || ౧౩ ||
మహాయోగీ మహామౌనీ మౌనీశః శ్రేయసాం నిధిః |
హంసః పరమహంసశ్చ విశ్వగోప్తా విరాట్ స్వరాట్ || ౧౪ ||
శుద్ధస్ఫటికసంకాశో జటామండలసంయుతః |
ఆదిమధ్యాంతరహితః సర్వవాగీశ్వరేశ్వరః |
ప్రణవోద్గీథరూపశ్చ వేదాహరణకర్మకృత్ || ౧౫ ||
ఫలశ్రుతిః |
నామ్నామష్టోత్తరశతం హయగ్రీవస్య యః పఠేత్ |
స సర్వవేదవేదాంగశాస్త్రాణాం పారగః కవిః || ౧౬ ||
ఇదమష్టోత్తరశతం నిత్యం మూఢోఽపి యః పఠేత్ |
వాచస్పతిసమో బుద్ధ్యా సర్వవిద్యావిశారదః || ౧౭ ||
మహదైశ్వర్యమాప్నోతి కలత్రాణి చ పుత్రకాన్ |
నశ్యంతి సకలాః రోగాః అంతే హరిపురం ప్రజేత్ || ౧౮ ||
ఇతి శ్రీబ్రహ్మాండపురాణే శ్రీ హయగ్రీవాష్టోత్తరశతనామ స్తోత్రమ్ |
మరిన్ని శ్రీ విష్ణు స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
