Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ గాయత్రీ స్తోత్రనిధి” పుస్తకములో కూడా ఉన్నది. Click here to buy.]
అస్య శ్రీగాయత్రీ కవచస్య బ్రహ్మా ఋషిః అనుష్టుప్ ఛందః గాయత్రీ దేవతా భూః బీజం భువః శక్తిః స్వః కీలకం శ్రీగాయత్రీ ప్రీత్యర్థే జపే వినియోగః |
ధ్యానం –
పంచవక్త్రాం దశభుజాం సూర్యకోటిసమప్రభామ్ |
సావిత్రీ బ్రహ్మవరదాం చంద్రకోటిసుశీతలామ్ || ౧ ||
త్రినేత్రాం సితవక్త్రాం చ ముక్తాహారవిరాజితామ్ |
వరాఽభయాంకుశకశాం హేమపాత్రాక్షమాలికామ్ || ౨ ||
శంఖచక్రాబ్జయుగళం కరాభ్యాం దధతీ పరామ్ |
సితపంకజసంస్థా చ హంసారూఢాం సుఖస్మితామ్ || ౩ ||
ధ్యాత్వైవం మానసాంభోజే గాయత్రీకవచం జపేత్ || ౪ ||
బ్రహ్మోవాచ |
విశ్వామిత్ర మహాప్రాజ్ఞ గాయత్రీకవచం శృణు |
యస్య విజ్ఞానమాత్రేణ త్రైలోక్యం వశయేత్ క్షణాత్ || ౫ ||
సావిత్రీ మే శిరః పాతు శిఖాయామమృతేశ్వరీ |
లలాటం బ్రహ్మదైవత్యా భ్రువౌ మే పాతు వైష్ణవీ || ౬ ||
కర్ణౌ మే పాతు రుద్రాణీ సూర్యా సావిత్రికాఽంబికే |
గాయత్రీ వదనం పాతు శారదా దశనచ్ఛదౌ || ౭ ||
ద్విజాన్ యజ్ఞప్రియా పాతు రసనాయాం సరస్వతీ |
సాంఖ్యాయనీ నాసికా మే కపోలం చంద్రహాసినీ || ౮ ||
చిబుకం వేదగర్భా చ కంఠం పాత్వఘనాశినీ |
స్తనౌ మే పాతు ఇంద్రాణీ హృదయం బ్రహ్మవాదినీ || ౯ ||
ఉదరం విశ్వభోక్త్రీ చ నాభిం పాతు సురప్రియా |
జఘనం నారసింహీ చ పృష్ఠం బ్రహ్మాండధారిణీ || ౧౦ ||
పార్శ్వౌ మే పాతు పద్మాక్షీ గుహ్యం మే గోత్రికాఽవతు |
ఊర్వోరోంకారరూపా చ జాన్వోః సంధ్యాత్మికాఽవతు || ౧౧ ||
జంఘయోః పాతు చాఽక్షోభ్యా గుల్ఫయోర్బ్రహ్మశీర్షకా |
సూర్యా పదద్వయం పాతు చంద్రా పాదాంగుళీషు చ || ౧౨ ||
సర్వాంగం వేదమాతా చ పాతు మే సర్వదాఽనఘా |
ఇత్యేతత్ కవచం బ్రహ్మన్ గాయత్ర్యాః సర్వపావనమ్ || ౧౩ ||
పుణ్యం పవిత్రం పాపఘ్నం సర్వరోగనివారణమ్ |
త్రిసంధ్యం యః పఠేద్విద్వాన్ సర్వాన్ కామానవాప్నుయాత్ || ౧౪ ||
సర్వశాస్త్రార్థతత్త్వజ్ఞః స భవేద్వేదవిత్తమః |
సర్వయజ్ఞఫలం పుణ్యం బ్రహ్మాంతే సమవాప్నుయాత్ || ౧౫ ||
ఇతి శ్రీవిశ్వామిత్రసంహితోక్తం శ్రీ గాయత్రీ కవచమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గాయత్రీ స్తోత్రనిధి
(నిత్య పారాయణ గ్రంథము)
మరిన్ని శ్రీ గాయత్రీ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
