Read in తెలుగు / ಕನ್ನಡ / தமிழ் / देवनागरी / English (IAST)
నారద ఉవాచ |
స్వామిన్ సర్వజగన్నాథ సంశయోఽస్తి మమ ప్రభో |
చతుఃషష్టికలాభిజ్ఞ పాతకాద్యోగవిద్వర || ౧ ||
ముచ్యతే కేన పుణ్యేన బ్రహ్మరూపః కథం భవేత్ |
దేహశ్చ దేవతారూపో మంత్రరూపో విశేషతః || ౨ ||
కర్మ తచ్ఛ్రోతుమిచ్ఛామి న్యాసం చ విధిపూర్వకమ్ |
ఋషిశ్ఛందోఽధిదైవం చ ధ్యానం చ విధివద్విభో || ౩ ||
శ్రీనారాయణ ఉవాచ |
అస్త్యేకం పరమం గుహ్యం గాయత్రీకవచం తథా |
పఠనాద్ధారణాన్మర్త్యః సర్వపాపైః ప్రముచ్యతే || ౪ ||
సర్వాన్కామానవాప్నోతి దేవీరూపశ్చ జాయతే |
గాయత్రీకవచస్యాస్య బ్రహ్మవిష్ణుమహేశ్వరాః || ౫ ||
ఋషయో ఋగ్యజుఃసామాథర్వశ్ఛందాంసి నారద |
బ్రహ్మరూపా దేవతోక్తా గాయత్రీ పరమా కలా || ౬ ||
తద్బీజం భర్గ ఇత్యేషా శక్తిరుక్తా మనీషిభిః |
కీలకం చ ధియః ప్రోక్తం మోక్షార్థే వినియోజనమ్ || ౭ ||
చతుర్భిర్హృదయం ప్రోక్తం త్రిభిర్వర్ణైః శిరః స్మృతమ్ |
చతుర్భిః స్యాచ్ఛిఖా పశ్చాత్ త్రిభిస్తు కవచం స్మృతమ్ || ౮ ||
చతుర్భిర్నేత్రముద్దిష్టం చతుర్భిః స్యాత్తదస్త్రకమ్ |
అథ ధ్యానం ప్రవక్ష్యామి సాధకాభీష్టదాయకమ్ || ౯ ||
ముక్తావిద్రుమహేమనీలధవలచ్ఛాయైర్ముఖైస్త్రీక్షణై-
-ర్యుక్తామిందునిబద్ధరత్నముకుటాం తత్త్వార్థవర్ణాత్మికామ్ |
గాయత్రీం వరదాఽభయాంకుశకశాః శుభ్రం కపాలం గుణం
శంఖం చక్రమథారవిందయుగళం హస్తైర్వహంతీం భజే || ౧౦ ||
గాయత్రీ పూర్వతః పాతు సావిత్రీ పాతు దక్షిణే |
బ్రహ్మసంధ్యా తు మే పశ్చాదుత్తరాయాం సరస్వతీ || ౧౧ ||
పార్వతీ మే దిశం రక్షేత్పావకీం జలశాయినీ |
యాతుధానీ దిశం రక్షేద్యాతుధానభయంకరీ || ౧౨ ||
పావమానీ దిశం రక్షేత్పవమానవిలాసినీ |
దిశం రౌద్రీం చ మే పాతు రుద్రాణీ రుద్రరూపిణీ || ౧౩ ||
ఊర్ధ్వం బ్రహ్మాణి మే రక్షేదధస్తాద్వైష్ణవీ తథా |
ఏవం దశ దిశో రక్షేత్సర్వాంగం భువనేశ్వరీ || ౧౪ ||
తత్పదం పాతు మే పాదౌ జంఘే మే సవితుః పదమ్ |
వరేణ్యం కటిదేశే తు నాభిం భర్గస్తథైవ చ || ౧౫ ||
దేవస్య మే తద్ధృదయం ధీమహీతి చ గల్లయోః |
ధియః పదం చ మే నేత్రే యః పదం మే లలాటకమ్ || ౧౬ ||
నః పాతు మే పదం మూర్ధ్ని శిఖాయాం మే ప్రచోదయాత్ |
తత్పదం పాతు మూర్ధానం సకారః పాతు భాలకమ్ || ౧౭ ||
చక్షుషీ తు వికారార్ణస్తుకారస్తు కపోలయోః |
నాసాపుటం వకారార్ణో రేకారస్తు ముఖే తథా || ౧౮ ||
ణికార ఊర్ధ్వమోష్ఠం తు యకారస్త్వధరోష్ఠకమ్ |
ఆస్యమధ్యే భకారార్ణో ర్గోకారశ్చుబుకే తథా || ౧౯ ||
దేకారః కంఠదేశే తు వకారః స్కంధదేశకమ్ |
స్యకారో దక్షిణం హస్తం ధీకారో వామహస్తకమ్ || ౨౦ ||
మకారో హృదయం రక్షేద్ధికార ఉదరే తథా |
ధికారో నాభిదేశే తు యోకారస్తు కటిం తథా || ౨౧ ||
గుహ్యం రక్షతు యోకార ఊరూ ద్వౌ నః పదాక్షరమ్ |
ప్రకారో జానునీ రక్షేచ్చోకారో జంఘదేశకమ్ || ౨౨ ||
దకారం గుల్ఫదేశే తు యకారః పదయుగ్మకమ్ |
తకారవ్యంజనం చైవ సర్వాంగం మే సదాఽవతు || ౨౩ ||
ఇదం తు కవచం దివ్యం బాధాశతవినాశనమ్ |
చతుఃషష్టికళావిద్యాదాయకం మోక్షకారకమ్ || ౨౪ ||
ముచ్యతే సర్వపాపేభ్యః పరం బ్రహ్మాధిగచ్ఛతి |
పఠనాచ్ఛ్రవణాద్వాపి గోసహస్రఫలం లభేత్ || ౨౫ ||
ఇతి శ్రీదేవీభాగవతే మహాపురాణే ద్వాదశస్కంధే శ్రీ గాయత్రీ మంత్రకవచం నామ తృతీయోఽధ్యాయః ||
మరిన్ని శ్రీ గాయత్రీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
