Read in తెలుగు / ಕನ್ನಡ / தமிழ் / देवनागरी / English (IAST)
భాగ్యోదయే త్రీణి భవంతి నూనం
మనుష్యతా సజ్జనసంగమశ్చ |
త్వదీయమాహాత్మ్యకథాశ్రుతిశ్చ
యతః పుమాంస్త్వత్పదభక్తిమేతి || ౩౫-౧ ||
తతః ప్రసీదస్యఖిలార్థకామాన్
భక్తస్య యచ్ఛస్యభయం చ మాతః |
క్షమాం కృతాగస్సు కరోషి చార్యో-
-రన్యోన్యవైరం శమయస్యనీహా || ౩౫-౨ ||
దుష్కీర్తిభీత్యా పృథయా కుమార్యా
త్యక్తం తటిన్యాం సుతమర్కలబ్ధమ్ |
సంప్రార్థితా త్వం పరిపాలయంతీ
ప్రాదర్శయః స్వం కరుణాప్రవాహమ్ || ౩౫-౩ ||
సుతాన్ కురుక్షేత్రరణే హతాన్ స్వాన్
దిదృక్షవే మాతృగణాయ కృష్ణః |
సంప్రార్థితస్త్వత్కరుణాభిషిక్తః
ప్రదర్శ్య సర్వాన్ సమతోషయచ్చ || ౩౫-౪ ||
వణిక్ సుశీలః ఖలు నష్టవిత్తో
వ్రతం చరన్ ప్రాఙ్నవరాత్రమార్యః |
త్వాం దేవి సంపూజ్య దరిద్రభావా-
-న్ముక్తః క్రమాద్విత్తసమృద్ధిమాప || ౩౫-౫ ||
దేవద్రుహో దేవి రణే త్వయైవ
దైత్యా హతా గర్హితధర్మశాస్త్రాః |
ప్రహ్లాదముఖ్యానసురాన్ స్వభక్తాన్
దేవాంశ్చ సంత్యక్తరణానకార్షీః || ౩౫-౬ ||
పురందరే పాపతిరోహితే త-
-త్స్థానాధిరూఢాన్నహుషాత్స్మరార్తాత్ |
భీతా శచీ త్వాం పరిపూజ్య దృష్ట్వా
పతిం క్రమాద్భీతివిముక్తిమాప || ౩౫-౭ ||
శప్తో వసిష్ఠేన నిమిర్విదేహో
భూత్వాఽపి దేవి త్వదనుగ్రహేణ |
జ్ఞానం పరం ప్రాప నిమేః ప్రయోగా-
-న్నిమేషిణో జీవగణా భవంతి || ౩౫-౮ ||
హా భార్గవా లోభవికోపచిత్తైః
ప్రపీడితా హైహయవంశజాతైః |
హిమాద్రిమాప్తా భవతీం ప్రపూజ్య
ప్రసాద్య భీతేః ఖలు ముక్తిమాపుః || ౩౫-౯ ||
దస్రౌ యువానాం చ్యవనం పతిం చ
సమానరూపానభిదృశ్య ముగ్ధా |
సతీ సుకన్యా తవ సంస్మృతాయా
భక్త్యా ప్రసాదాత్స్వపతిం వ్యాజానాత్ || ౩౫-౧౦ ||
సత్యవ్రతో విప్రవధూం ప్రసహ్య
హర్తా నిరస్తో జనకేన రాజ్యాత్ |
వసిష్ఠశప్తోఽపి తవ ప్రసాదా-
-ద్రాజ్యేఽభిషిక్తోఽథ దివం గతశ్చ || ౩౫-౧౧ ||
హా హా హరిశ్చంద్రనృపో విపత్సు
మగ్నః శతాక్షీం పరదేవతాం త్వామ్ |
సంస్మృత్య సద్యః స్వవిపన్నివృత్తః
కారుణ్యతస్తే సురలోకమాప || ౩౫-౧౨ ||
అగస్త్యపూజాం పరిగృహ్య దేవి
విభాసి వింధ్యాద్రినివాసినీ త్వమ్ |
ద్రక్ష్యే కదా త్వాం మమ దేహి భక్తిం
కారుణ్యమూర్తే సతతం నమస్తే || ౩౫-౧౩ ||
షట్త్రింశ దశకమ్ (౩౬) – మూలప్రకృతిమహిమా >>
సంపూర్ణ దేవీ నారాయణీయం (41 దశకాలు) చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
