Read in తెలుగు / ಕನ್ನಡ / தமிழ் / देवनागरी / English (IAST)
mērau girivarēgaurī śivadhyānaparāyaṇā |
pārvatī paripapraccha parānugrahavāñchayā || 1 ||
śrīpārvatyuvāca-
bhagavaṁstvanmukhāmbhōjācchrutā dharmā anēkaśaḥ |
punaśśrōtuṁ samicchāmi bhairavīstōtramuttamam || 2 ||
śrīśaṅkara uvāca-
śr̥ṇu dēvi pravakṣyāmi bhairavī hr̥dayāhvayaṁ |
stōtraṁ tu paramaṁ puṇyaṁ sarvakalẏāṇakārakam || 3 ||
yasya śravaṇamātrēṇa sarvābhīṣṭaṁ bhavēddhruvaṁ |
vinā dhyānādinā vā:’pi bhairavī parituṣyati || 4 ||
ōṁ asya śrībhairavīhr̥dayamantrasya dakṣiṇāmūrtiḥ r̥ṣiḥ paṁṅktiśchandaḥ – bhayavidhvaṁsinī bhairavīdēvatā – hakārō bījaṁ – rīṁ śaktiḥ – raiḥ kīlakaṁ sarvabhayavidhvaṁsanārthē japē viniyōgaḥ ||
atha karanyāsaḥ |
ōṁ hrīṁ aṅguṣṭhābhyāṁ namaḥ |
ōṁ śrīṁ tarjanībhyāṁ namaḥ |
ōṁ aiṁ madhyamābhyāṁ namaḥ |
ōṁ hrīṁ anāmikābhyāṁ namaḥ |
ōṁ śrīṁ kaniṣṭhikābhyāṁ namaḥ |
ōṁ aiṁ karatalakarapr̥ṣṭhābhyāṁ namaḥ ||
athāṅganyāsaḥ |
ōṁ hrīṁ hr̥dayāya namaḥ |
ōṁ śrīṁ śirasē svāhā |
ōṁ aiṁ śikhāyai vaṣaṭ |
ōṁ hrīṁ kavacāya huṁ |
ōṁ śrīṁ nētratrayāya vauṣaṭ |
ōṁ aiṁ astrāya phaṭ |
dhyānam |
dēvairdhyēyāṁ trinētrāmasurabhaṭaghanāraṇyaghōrāgni rūpāṁ
raudrīṁ raktāmbarāḍhyāṁ rati ghaṭaghaṭitō rōjayugmōgrarūpām |
candrārdhabhrāji bhavyābharaṇa karalasadbālabimbāṁ bhavānīṁ
sindūrāpūritāṅgīṁ tribhuvanajananīṁ bhairavīṁ bhāvayāmi || 1 ||
pañcacāmaravr̥ttam –
bhavabhramatsamastabhūta vēdamārgadāyinīṁ
durantaduḥkhadāriṇīṁ suradruhām
bhavapradāṁ bhavāndhakārabhēdana prabhākarāṁ
mitaprabhāṁ bhavacchidāṁ bhajāmi bhairavīṁ sadā || 2 ||
uraḥ pralambitāhimālyacandrabālabhūṣaṇāṁ
navāmbudaprabhāṁ sarōjacārulōcanatrayāṁ
suparvabr̥ndavanditāṁ surāpadantakārakāṁ
bhavānubhāvabhāvinīṁ bhajāmi bhairavīṁ sadā || 3 ||
akhaṇḍabhūmi maṇḍalaika bhāradhīradhāriṇīṁ
subhaktibhāvitātmanāṁ vibhūtibhavyadāyinīṁ
bhavaprapañcakāriṇīṁ vihāriṇīṁ bhavāmbudhau
bhavasyahr̥dayabhāvinīṁ bhajāmi bairavīṁ sadā || 4 ||
śaraccamatkr̥tārdha candracandrikāvirōdhika
prabhāvatī mukhābja mañjumādhurī miladgirāṁ
bhujaṅgamālayā nr̥muṇḍamālayā ca maṇḍitāṁ
subhaktimuktibhūtidāṁ bhajāmi bhairavīṁ sadā || 5 ||
sudhāmśusūryavahni lōcanatrayānvitānanāṁ
narāntakāntaka prabhūti sarvadattadakṣiṇāṁ
samuṇḍacaṇḍakhaṇḍana pracaṇḍacandrahāsinīṁ
tamōmatiprakāśinīṁ bhajāmi bhairavīṁ sadā || 6 ||
triśūlinīṁ tripuṇḍrinīṁ trikhaṇḍinīṁ tridaṇḍinīṁ
guṇatrayātiriktamapyacintyacitsvarūpiṇīṁ
savāsavā:’ditēyavairi br̥ndavamśabhēdinīṁ
bhavaprabhāvabhāvinīṁ bhajāmi bhairavīṁ sadā || 7 ||
sudīptakōṭibālabhānumaṇḍalaprabhāṅgabhāṁ
digantadāritāndhakāra bhūripuñjapaddhatiṁ
dvijanmanityadharmanītivr̥ddhilagnamānasāṁ
sarōjarōcirānanāṁ bhajāmi bhairavīṁ sadā || 8 ||
calatsuvarṇakuṇḍala prabhōllasatkapōlaruk
samākulānanāmbujasthaśubhrakīra nāsikāṁ
sacandrabhālabhairavāsya darśana spr̥haccakōra-
nīlakañjadarśanāṁ bhajāmi bhairavīṁ sadā || 9 ||
idaṁhr̥dākhyasaṅgatastavaṁ paṭhantiyē:’niśaṁ
paṭhanti tē kadāpināndhakūparūpavadbhavē
bhavanti ca prabhūtabhakti muktirūpa ujjvalāḥ
stutā prasīdati pramōdamānasā ca bhairavī || 10 ||
yaśōjagatyajasramujjvalañjayatyalaṁsamō
na tasya jāyatē parājayō:’ñjasā jagattrayē
sadā stutiṁ śubhāmimāṁ paṭhatyananyamānasō
bhavanti tasya sampadō:’pi santataṁ sukhapradāḥ || 11 ||
japapūjādikāssarvāḥ stōtrapāṭhādikāśca yāḥ
bhairavīhr̥dayasyāsya kalānnārhanti ṣōḍaśīm || 12 ||
kimatra bahinōktēna śr̥ṇu dēvi mahēśvari
nātaḥ parataraṁ kiñcit puṇyamasti jagattrayē || 13 ||
iti śrībhairavakulasarvasvē śrībhairavīhr̥dayastōtram ||
See more daśamahāvidyā stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
