Read in తెలుగు / ಕನ್ನಡ / தமிழ் / देवनागरी / English (IAST)
|| vanaduḥkhapratibōdhanam ||
sa ēvaṁ bruvatīṁ sītāṁ dharmajñō dharmavatsalaḥ |
na nētuṁ kurutē buddhiṁ vanē duḥkhāni cintayan || 1 ||
sāntvayitvā punastāṁ tu bāṣpaparyākulēkṣaṇām |
nivartanārthē dharmātmā vākyamētaduvāca ha || 2 ||
sītē mahākulīnā:’si dharmē ca niratā sadā |
ihācara svadharmaṁ tvaṁ mā yathā manasaḥ sukham || 3 ||
sītē yathā tvāṁ vakṣyāmi tathā kāryaṁ tvayā:’balē |
vanē dōṣā hi bahavō vadatastānnibōdha mē || 4 ||
sītē vimucyatāmēṣā vanavāsakr̥tā matiḥ |
bahudōṣaṁ hi kāntāraṁ vanamityabhidhīyatē || 5 ||
hitabuddhyā khalu vacō mayaitadabhidhīyatē |
sadā sukhaṁ na jānāmi duḥkhamēva sadā vanam || 6 ||
girinirjharasambhūtā girikandaravāsinām |
siṁhānāṁ ninadā duḥkhāḥ śrōtuṁ duḥkhamatō vanam || 7 ||
krīḍamānāśca visrabdhā mattāḥ śūnyē mahāmr̥gāḥ |
dr̥ṣṭvā samabhivartantē sītē duḥkhamatō vanam || 8 ||
sagrāhāḥ saritaścaiva paṅkavatyaśca dustarāḥ |
mattairapi gajairnityamatō duḥkhataraṁ vanam || 9 ||
latākaṇṭakasaṅkīrṇāḥ kr̥kavākūpanāditāḥ |
nirapāśca sudurgāśca mārgā duḥkhamatō vanam || 10 ||
supyatē parṇaśayyāsu svayaṁ bhagnāsu bhūtalē |
rātriṣu śramakhinnēna tasmādduḥkhataraṁ vanam || 11 ||
ahōrātraṁ ca santōṣaḥ kartavyō niyatātmanā |
phalairvr̥kṣāvapatitaiḥ sītē duḥkhamatō vanam || 12 ||
upavāsaśca kartavyō yathāprāṇēna maithili |
jaṭābhāraśca kartavyō valkalāmbaradhāriṇā || 13 ||
dēvatānāṁ pitr̥ṇāṁ ca kartavyaṁ vidhipūrvakam |
prāptānāmatithīnāṁ ca nityaśaḥ pratipūjanam || 14 ||
kāryastrirabhiṣēkaśca kālē kālē ca nityaśaḥ |
caratā niyamēnaiva tasmādduḥkhataraṁ vanam || 15 ||
upahāraśca kartavyaḥ kusumaiḥ svayamāhr̥taiḥ |
ārṣēṇa vidhinā vēdyāṁ bālē duḥkhamatō vanam || 16 ||
yathālabdhēna santōṣaḥ kartavyastēna maithili |
yatāhārairvanacarairnityaṁ duḥkhamatō vanam || 17 ||
atīva vātāstimiraṁ bubhukṣā cātra nityaśaḥ |
bhayāni ca mahāntyatra tatō duḥkhataraṁ vanam || 18 ||
sarīsr̥pāśca bahavō bahurūpāśca bhāmini |
caranti pr̥thivīṁ darpāttatō duḥkhataraṁ vanam || 19 ||
nadīnilayanāḥ sarpā nadīkuṭilagāminaḥ |
tiṣṭhantyāvr̥tya panthānaṁ tatō duḥkhataraṁ vanam || 20 ||
pataṅgā vr̥ścikāḥ kīṭā daṁśāśca maśakaiḥ saha |
bādhantē nityamabalē tasmādduḥkhataraṁ vanam || 21 ||
drumāḥ kaṇṭakinaścaiva kuśakāśāśca bhāmini |
vanē vyākulaśākhāgrāstēna duḥkhataraṁ vanam || 22 ||
kāyaklēśāśca bahavō bhayāni vividhāni ca |
araṇyavāsē vasatō duḥkhamēva tatō vanam || 23 ||
krōdhalōbhau vimōktavyau kartavyā tapasē matiḥ |
na bhētavyaṁ ca bhētavyē nityaṁ duḥkhamatō vanam || 24 ||
tadalaṁ tē vanaṁ gatvā kṣamaṁ na hi vanaṁ tava |
vimr̥śanniha paśyāmi bahudōṣataraṁ vanam || 25 ||
vanaṁ tu nētuṁ na kr̥tā matistadā
babhūva rāmēṇa yadā mahātmanā |
na tasya sītā vacanaṁ cakāra ta-
-ttatō:’bravīdrāmamidaṁ suduḥkhitā || 26 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē aṣṭāviṁśaḥ sargaḥ || 28 ||
ayōdhyākāṇḍa ēkōnatriṁśaḥ sargaḥ (29) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
