Ayodhya Kanda Sarga 28 – அயோத்⁴யாகாண்ட³ அஷ்டாவிம்ஶ꞉ ஸர்க³꞉ (28)


॥ வநது³꞉க²ப்ரதிபோ³த⁴நம் ॥

ஸ ஏவம் ப்³ருவதீம் ஸீதாம் த⁴ர்மஜ்ஞோ த⁴ர்மவத்ஸல꞉ ।
ந நேதும் குருதே பு³த்³தி⁴ம் வநே து³꞉கா²நி சிந்தயந் ॥ 1 ॥

ஸாந்த்வயித்வா புநஸ்தாம் து பா³ஷ்பபர்யாகுலேக்ஷணாம் ।
நிவர்தநார்தே² த⁴ர்மாத்மா வாக்யமேதது³வாச ஹ ॥ 2 ॥

ஸீதே மஹாகுலீநா(அ)ஸி த⁴ர்மே ச நிரதா ஸதா³ ।
இஹாசர ஸ்வத⁴ர்மம் த்வம் மா யதா² மநஸ꞉ ஸுக²ம் ॥ 3 ॥

ஸீதே யதா² த்வாம் வக்ஷ்யாமி ததா² கார்யம் த்வயா(அ)ப³லே ।
வநே தோ³ஷா ஹி ப³ஹவோ வத³தஸ்தாந்நிபோ³த⁴ மே ॥ 4 ॥

ஸீதே விமுச்யதாமேஷா வநவாஸக்ருதா மதி꞉ ।
ப³ஹுதோ³ஷம் ஹி காந்தாரம் வநமித்யபி⁴தீ⁴யதே ॥ 5 ॥

ஹிதபு³த்³த்⁴யா க²லு வசோ மயைதத³பி⁴தீ⁴யதே ।
ஸதா³ ஸுக²ம் ந ஜாநாமி து³꞉க²மேவ ஸதா³ வநம் ॥ 6 ॥

கி³ரிநிர்ஜ²ரஸம்பூ⁴தா கி³ரிகந்த³ரவாஸிநாம் ।
ஸிம்ஹாநாம் நிநதா³ து³꞉கா²꞉ ஶ்ரோதும் து³꞉க²மதோ வநம் ॥ 7 ॥

க்ரீட³மாநாஶ்ச விஸ்ரப்³தா⁴ மத்தா꞉ ஶூந்யே மஹாம்ருகா³꞉ ।
த்³ருஷ்ட்வா ஸமபி⁴வர்தந்தே ஸீதே து³꞉க²மதோ வநம் ॥ 8 ॥

ஸக்³ராஹா꞉ ஸரிதஶ்சைவ பங்கவத்யஶ்ச து³ஸ்தரா꞉ ।
மத்தைரபி க³ஜைர்நித்யமதோ து³꞉க²தரம் வநம் ॥ 9 ॥

லதாகண்டகஸங்கீர்ணா꞉ க்ருகவாகூபநாதி³தா꞉ ।
நிரபாஶ்ச ஸுது³ர்கா³ஶ்ச மார்கா³ து³꞉க²மதோ வநம் ॥ 10 ॥

ஸுப்யதே பர்ணஶய்யாஸு ஸ்வயம் ப⁴க்³நாஸு பூ⁴தலே ।
ராத்ரிஷு ஶ்ரமகி²ந்நேந தஸ்மாத்³து³꞉க²தரம் வநம் ॥ 11 ॥

அஹோராத்ரம் ச ஸந்தோஷ꞉ கர்தவ்யோ நியதாத்மநா ।
ப²லைர்வ்ருக்ஷாவபதிதை꞉ ஸீதே து³꞉க²மதோ வநம் ॥ 12 ॥

உபவாஸஶ்ச கர்தவ்யோ யதா²ப்ராணேந மைதி²லி ।
ஜடாபா⁴ரஶ்ச கர்தவ்யோ வல்கலாம்ப³ரதா⁴ரிணா ॥ 13 ॥

தே³வதாநாம் பித்ருணாம் ச கர்தவ்யம் விதி⁴பூர்வகம் ।
ப்ராப்தாநாமதிதீ²நாம் ச நித்யஶ꞉ ப்ரதிபூஜநம் ॥ 14 ॥

கார்யஸ்த்ரிரபி⁴ஷேகஶ்ச காலே காலே ச நித்யஶ꞉ ।
சரதா நியமேநைவ தஸ்மாத்³து³꞉க²தரம் வநம் ॥ 15 ॥

உபஹாரஶ்ச கர்தவ்ய꞉ குஸுமை꞉ ஸ்வயமாஹ்ருதை꞉ ।
ஆர்ஷேண விதி⁴நா வேத்³யாம் பா³லே து³꞉க²மதோ வநம் ॥ 16 ॥

யதா²லப்³தே⁴ந ஸந்தோஷ꞉ கர்தவ்யஸ்தேந மைதி²லி ।
யதாஹாரைர்வநசரைர்நித்யம் து³꞉க²மதோ வநம் ॥ 17 ॥

அதீவ வாதாஸ்திமிரம் பு³பு⁴க்ஷா சாத்ர நித்யஶ꞉ ।
ப⁴யாநி ச மஹாந்த்யத்ர ததோ து³꞉க²தரம் வநம் ॥ 18 ॥

ஸரீஸ்ருபாஶ்ச ப³ஹவோ ப³ஹுரூபாஶ்ச பா⁴மிநி ।
சரந்தி ப்ருதி²வீம் த³ர்பாத்ததோ து³꞉க²தரம் வநம் ॥ 19 ॥

நதீ³நிலயநா꞉ ஸர்பா நதீ³குடிலகா³மிந꞉ ।
திஷ்ட²ந்த்யாவ்ருத்ய பந்தா²நம் ததோ து³꞉க²தரம் வநம் ॥ 20 ॥

பதங்கா³ வ்ருஶ்சிகா꞉ கீடா த³ம்ஶாஶ்ச மஶகை꞉ ஸஹ ।
பா³த⁴ந்தே நித்யமப³லே தஸ்மாத்³து³꞉க²தரம் வநம் ॥ 21 ॥

த்³ருமா꞉ கண்டகிநஶ்சைவ குஶகாஶாஶ்ச பா⁴மிநி ।
வநே வ்யாகுலஶாகா²க்³ராஸ்தேந து³꞉க²தரம் வநம் ॥ 22 ॥

காயக்லேஶாஶ்ச ப³ஹவோ ப⁴யாநி விவிதா⁴நி ச ।
அரண்யவாஸே வஸதோ து³꞉க²மேவ ததோ வநம் ॥ 23 ॥

க்ரோத⁴ளோபௌ⁴ விமோக்தவ்யௌ கர்தவ்யா தபஸே மதி꞉ ।
ந பே⁴தவ்யம் ச பே⁴தவ்யே நித்யம் து³꞉க²மதோ வநம் ॥ 24 ॥

தத³ளம் தே வநம் க³த்வா க்ஷமம் ந ஹி வநம் தவ ।
விம்ருஶந்நிஹ பஶ்யாமி ப³ஹுதோ³ஷதரம் வநம் ॥ 25 ॥

வநம் து நேதும் ந க்ருதா மதிஸ்ததா³
ப³பூ⁴வ ராமேண யதா³ மஹாத்மநா ।
ந தஸ்ய ஸீதா வசநம் சகார த-
-த்ததோ(அ)ப்³ரவீத்³ராமமித³ம் ஸுது³꞉கி²தா ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ அஷ்டாவிம்ஶ꞉ ஸர்க³꞉ ॥ 28 ॥

அயோத்⁴யாகாண்ட³ ஏகோநத்ரிம்ஶ꞉ ஸர்க³꞉ (29) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed