Read in తెలుగు / ಕನ್ನಡ / தமிழ் / देवनागरी / English (IAST)
|| makarākṣābhiṣēṇanam ||
nikumbhaṁ ca hataṁ śrutvā kumbhaṁ ca vinipātitam |
rāvaṇaḥ paramāmarṣī prajajvālānalō yathā || 1 ||
nairr̥taḥ krōdhaśōkābhyāṁ dvābhyāṁ tu parimūrchitaḥ |
kharaputraṁ viśālākṣaṁ makarākṣamacōdayat || 2 ||
gaccha putra mayā:’:’jñaptō balēnābhisamanvitaḥ |
rāghavaṁ lakṣmaṇaṁ caiva jahi tāṁśca vanaukasaḥ || 3 ||
rāvaṇasya vacaḥ śrutvā śūramānī kharātmajaḥ |
bāḍhamityabravīddhr̥ṣṭō makarākṣō niśācaraḥ || 4 ||
sō:’bhivādya daśagrīvaṁ kr̥tvā cāpi pradakṣiṇam |
nirjagāma gr̥hācchubhrādrāvaṇasyājñayā balī || 5 ||
samīpasthaṁ balādhyakṣaṁ kharaputrō:’bravīdidam |
rathaścānīyatāṁ śīghraṁ sainyaṁ cāhūyatāṁ tvarāt || 6 ||
tasya tadvacanaṁ śrutvā balādhyakṣō niśācaraḥ |
syandanaṁ ca balaṁ caiva samīpaṁ pratyapādayat || 7 ||
pradakṣiṇaṁ rathaṁ kr̥tvā ārurōha niśācaraḥ |
sūtaṁ sañcōdayāmāsa śīghraṁ mē rathamāvaha || 8 ||
atha tānrākṣasānsarvānmakarākṣō:’bravīdidam |
yūyaṁ sarvē prayudhyadhvaṁ purastānmama rākṣasāḥ || 9 ||
ahaṁ rākṣasarājēna rāvaṇēna mahātmanā |
ājñaptaḥ samarē hantuṁ tāvubhau rāmalakṣmaṇau || 10 ||
adya rāmaṁ vadhiṣyāmi lakṣmaṇaṁ ca niśācarāḥ |
śākhāmr̥gaṁ ca sugrīvaṁ vānarāṁśca śarōttamaiḥ || 11 ||
adya śūlanipātaiśca vānarāṇāṁ mahācamūm |
pradahiṣyāmi samprāptaḥ śuṣkēndhanamivānalaḥ || 12 ||
makarākṣasya tacchrutvā vacanaṁ tē niśācarāḥ |
sarvē nānāyudhōpētā balavantaḥ samāgatāḥ || 13 ||
tē kāmarūpiṇaḥ sarvē daṁṣṭriṇaḥ piṅgalēkṣaṇāḥ |
mātaṅgā iva nardantō dhvastakēśā bhayānakāḥ || 14 ||
parivārya mahākāyā mahākāyaṁ kharātmajam |
abhijagmustatō hr̥ṣṭāścālayantō vasundharām || 15 ||
śaṅkhabhērīsahasrāṇāmāhatānāṁ samantataḥ |
kṣvēlitāsphōṭitānāṁ ca tataḥ śabdō mahānabhūt || 16 ||
prabhraṣṭō:’tha karāttasya pratōdaḥ sārathēstadā |
papāta sahasā caiva dhvajastasya ca rakṣasaḥ || 17 ||
tasya tē rathayuktāśca hayā vikramavarjitāḥ |
caraṇairākulairgatvā dīnāḥ sāsramukhā yayuḥ || 18 ||
pravāti pavanastasminsapāṁsuḥ kharadāruṇaḥ |
niryāṇē tasya raudrasya makarākṣasya durmatēḥ || 19 ||
tāni dr̥ṣṭvā nimittāni rākṣasā vīryavattamāḥ |
acintya nirgatāḥ sarvē yatra tau rāmalakṣmaṇau || 20 ||
ghanagajamahiṣāṅgatulyavarṇāḥ
samaramukhēṣvasakr̥dgadāsibhinnāḥ |
ahamahamiti yuddhakauśalāstē
rajanicarāḥ paritaḥ samunnadantaḥ || 21 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē aṣṭasaptatitamaḥ sargaḥ || 78 ||
yuddhakāṇḍa ēkōnāśītitamaḥ sargaḥ (79) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
