Yuddha Kanda Sarga 78 – யுத்³த⁴காண்ட³ அஷ்டஸப்ததிதம꞉ ஸர்க³꞉ (78)

॥ மகராக்ஷாபி⁴ஷேணநம் ॥

நிகும்ப⁴ம் ச ஹதம் ஶ்ருத்வா கும்ப⁴ம் ச விநிபாதிதம் ।
ராவண꞉ பரமாமர்ஷீ ப்ரஜஜ்வாலாநலோ யதா² ॥ 1 ॥

நைர்ருத꞉ க்ரோத⁴ஶோகாப்⁴யாம் த்³வாப்⁴யாம் து பரிமூர்சி²த꞉ ।
க²ரபுத்ரம் விஶாலாக்ஷம் மகராக்ஷமசோத³யத் ॥ 2 ॥

க³ச்ச² புத்ர மயா(ஆ)ஜ்ஞப்தோ ப³லேநாபி⁴ஸமந்வித꞉ ।
ராக⁴வம் லக்ஷ்மணம் சைவ ஜஹி தாம்ஶ்ச வநௌகஸ꞉ ॥ 3 ॥

ராவணஸ்ய வச꞉ ஶ்ருத்வா ஶூரமாநீ க²ராத்மஜ꞉ ।
பா³ட⁴மித்யப்³ரவீத்³த்⁴ருஷ்டோ மகராக்ஷோ நிஶாசர꞉ ॥ 4 ॥

ஸோ(அ)பி⁴வாத்³ய த³ஶக்³ரீவம் க்ருத்வா சாபி ப்ரத³க்ஷிணம் ।
நிர்ஜகா³ம க்³ருஹாச்சு²ப்⁴ராத்³ராவணஸ்யாஜ்ஞயா ப³லீ ॥ 5 ॥

ஸமீபஸ்த²ம் ப³லாத்⁴யக்ஷம் க²ரபுத்ரோ(அ)ப்³ரவீதி³த³ம் ।
ரத²ஶ்சாநீயதாம் ஶீக்⁴ரம் ஸைந்யம் சாஹூயதாம் த்வராத் ॥ 6 ॥

தஸ்ய தத்³வசநம் ஶ்ருத்வா ப³லாத்⁴யக்ஷோ நிஶாசர꞉ ।
ஸ்யந்த³நம் ச ப³லம் சைவ ஸமீபம் ப்ரத்யபாத³யத் ॥ 7 ॥

ப்ரத³க்ஷிணம் ரத²ம் க்ருத்வா ஆருரோஹ நிஶாசர꞉ ।
ஸூதம் ஸஞ்சோத³யாமாஸ ஶீக்⁴ரம் மே ரத²மாவஹ ॥ 8 ॥

அத² தாந்ராக்ஷஸாந்ஸர்வாந்மகராக்ஷோ(அ)ப்³ரவீதி³த³ம் ।
யூயம் ஸர்வே ப்ரயுத்⁴யத்⁴வம் புரஸ்தாந்மம ராக்ஷஸா꞉ ॥ 9 ॥

அஹம் ராக்ஷஸராஜேந ராவணேந மஹாத்மநா ।
ஆஜ்ஞப்த꞉ ஸமரே ஹந்தும் தாவுபௌ⁴ ராமலக்ஷ்மணௌ ॥ 10 ॥

அத்³ய ராமம் வதி⁴ஷ்யாமி லக்ஷ்மணம் ச நிஶாசரா꞉ ।
ஶாகா²ம்ருக³ம் ச ஸுக்³ரீவம் வாநராம்ஶ்ச ஶரோத்தமை꞉ ॥ 11 ॥

அத்³ய ஶூலநிபாதைஶ்ச வாநராணாம் மஹாசமூம் ।
ப்ரத³ஹிஷ்யாமி ஸம்ப்ராப்த꞉ ஶுஷ்கேந்த⁴நமிவாநல꞉ ॥ 12 ॥

மகராக்ஷஸ்ய தச்ச்²ருத்வா வசநம் தே நிஶாசரா꞉ ।
ஸர்வே நாநாயுதோ⁴பேதா ப³லவந்த꞉ ஸமாக³தா꞉ ॥ 13 ॥

தே காமரூபிண꞉ ஸர்வே த³ம்ஷ்ட்ரிண꞉ பிங்க³ளேக்ஷணா꞉ ।
மாதங்கா³ இவ நர்த³ந்தோ த்⁴வஸ்தகேஶா ப⁴யாநகா꞉ ॥ 14 ॥

பரிவார்ய மஹாகாயா மஹாகாயம் க²ராத்மஜம் ।
அபி⁴ஜக்³முஸ்ததோ ஹ்ருஷ்டாஶ்சாலயந்தோ வஸுந்த⁴ராம் ॥ 15 ॥

ஶங்க²பே⁴ரீஸஹஸ்ராணாமாஹதாநாம் ஸமந்தத꞉ ।
க்ஷ்வேலிதாஸ்போ²டிதாநாம் ச தத꞉ ஶப்³தோ³ மஹாநபூ⁴த் ॥ 16 ॥

ப்ரப்⁴ரஷ்டோ(அ)த² கராத்தஸ்ய ப்ரதோத³꞉ ஸாரதே²ஸ்ததா³ ।
பபாத ஸஹஸா சைவ த்⁴வஜஸ்தஸ்ய ச ரக்ஷஸ꞉ ॥ 17 ॥

தஸ்ய தே ரத²யுக்தாஶ்ச ஹயா விக்ரமவர்ஜிதா꞉ ।
சரணைராகுலைர்க³த்வா தீ³நா꞉ ஸாஸ்ரமுகா² யயு꞉ ॥ 18 ॥

ப்ரவாதி பவநஸ்தஸ்மிந்ஸபாம்ஸு꞉ க²ரதா³ருண꞉ ।
நிர்யாணே தஸ்ய ரௌத்³ரஸ்ய மகராக்ஷஸ்ய து³ர்மதே꞉ ॥ 19 ॥

தாநி த்³ருஷ்ட்வா நிமித்தாநி ராக்ஷஸா வீர்யவத்தமா꞉ ।
அசிந்த்ய நிர்க³தா꞉ ஸர்வே யத்ர தௌ ராமலக்ஷ்மணௌ ॥ 20 ॥

க⁴நக³ஜமஹிஷாங்க³துல்யவர்ணா꞉
ஸமரமுகே²ஷ்வஸக்ருத்³க³தா³ஸிபி⁴ந்நா꞉ ।
அஹமஹமிதி யுத்³த⁴கௌஶலாஸ்தே
ரஜநிசரா꞉ பரித꞉ ஸமுந்நத³ந்த꞉ ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டஸப்ததிதம꞉ ஸர்க³꞉ ॥ 78 ॥

யுத்³த⁴காண்ட³ ஏகோநாஶீதிதம꞉ ஸர்க³꞉ (79) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.