Read in తెలుగు / ಕನ್ನಡ / தமிழ் / देवनागरी / English (IAST)
|| akampanavadhaḥ ||
taddr̥ṣṭvā sumahatkarma kr̥taṁ vānarasattamaiḥ |
krōdhamāhārayāmāsa yudhi tīvramakampanaḥ || 1 ||
krōdhamūrchitarūpastu dhūnvanparamakārmukam |
dr̥ṣṭvā tu karma śatrūṇāṁ sārathiṁ vākyamabravīt || 2 ||
tatraiva tāvattvaritaṁ rathaṁ prāpaya sārathē |
yatraitē bahavō ghnanti subahūnrākṣasānraṇē || 3 ||
ētē:’tra balavantō hi bhīmakāyāśca vānarāḥ |
drumaśailapraharaṇāstiṣṭhanti pramukhē mama || 4 ||
ētānnihantumicchāmi samaraślāghinō hyaham |
ētaiḥ pramathitaṁ sarvaṁ dr̥śyatē rākṣasaṁ balam || 5 ||
tataḥ prajavanāśvēna rathēna rathināṁvaraḥ |
harīnabhyahanatkrōdhāccharajālairakampanaḥ || 6 ||
na sthātuṁ vānarāḥ śēkuḥ kiṁ punaryōddhumāhavē |
akampanaśarairbhagnāḥ sarva ēva vidudruvuḥ || 7 ||
tānmr̥tyuvaśamāpannānakampanavaśaṁ gatān |
samīkṣya hanumān jñātīnupatasthē mahābalaḥ || 8 ||
taṁ mahāplavagaṁ dr̥ṣṭvā sarvē plavagayūthapāḥ |
samētya samarē vīrāḥ saṁhr̥ṣṭāḥ paryavārayan || 9 ||
avasthitaṁ hanūmantaṁ tē dr̥ṣṭvā hariyūthapāḥ |
babhūvurbalavantō hi balavantaṁ samāśritāḥ || 10 ||
akampanastu śailābhaṁ hanūmantamavasthitam |
mahēndra iva dhārābhiḥ śarairabhivavarṣa ha || 11 ||
acintayitvā bāṇaughān śarīrē patitān śitān |
akampanavadhārthāya manō dadhrē mahābalaḥ || 12 ||
sa prasahya mahātējā hanūmānmārutātmajaḥ |
abhidudrāva tadrakṣaḥ kampayanniva mēdinīm || 13 ||
tasyābhinardamānasya dīpyamānasya tējasā |
babhūva rūpaṁ durdharṣaṁ dīptasyēva vibhāvasōḥ || 14 ||
ātmānamapraharaṇaṁ jñātvā krōdhasamanvitaḥ |
śailamutpāṭayāmāsa vēgēna haripuṅgavaḥ || 15 ||
taṁ gr̥hītvā mahāśailaṁ pāṇinaikēna mārutiḥ |
sa vinadya mahānādaṁ bhrāmayāmāsa vīryavān || 16 ||
tatastamabhidudrāva rākṣasēndramakampanam |
purā hi namuciṁ saṅkhyē vajrēṇēva purandaraḥ || 17 ||
akampanastu taddr̥ṣṭvā giriśr̥ṅgaṁ samudyatam |
dūrādēva mahābāṇairardhacandrairvyadārayat || 18 ||
tatparvatāgramākāśē rakṣōbāṇavidāritam |
viśīrṇaṁ patitaṁ dr̥ṣṭvā hanumān krōdhamūrchitaḥ || 19 ||
sō:’śvakarṇaṁ samāsādya rōṣadarpānvitō hariḥ |
tūrṇamutpāṭayāmāsa mahāgirimivōcchritam || 20 ||
taṁ gr̥hītvā mahāskandhaṁ sō:’śvakarṇaṁ mahādyutiḥ |
prahasya parayā prītyā bhrāmayāmāsa samyugē || 21 ||
pradhāvannuruvēgēna prabhañjaṁstarasā drumān |
hanumānparamakruddhaścaraṇairdārayakṣitim || 22 ||
gajāṁśca sagajārōhānsarathānrathinastathā |
jaghāna hanumāndhīmānrākṣasāṁśca padātigān || 23 ||
tamantakamiva kruddhaṁ samarē prāṇahāriṇam |
hanumantamabhiprēkṣya rākṣasā vipradudruvuḥ || 24 ||
tamāpatantaṁ saṅkruddhaṁ rākṣasānāṁ bhayāvaham |
dadarśākampanō vīraścukrōdha ca nanāda ca || 25 ||
sa caturdaśabhirbāṇaiḥ śitairdēhavidāraṇaiḥ |
nirbibhēda hanūmantaṁ mahāvīryamakampanaḥ || 26 ||
sa tadā pratividdhastu bahvībhiḥ śaravr̥ṣṭibhiḥ |
hanumāndadr̥śē vīraḥ prarūḍha iva sānumān || 27 ||
virarāja mahākāyō mahāvīryō mahāmanāḥ |
puṣpitāśōkasaṅkāśō vidhūma iva pāvakaḥ || 28 ||
tatō:’nyaṁ vr̥kṣamutpāṭya kr̥tvā vēgamanuttamam |
śirasyabhijaghānāśu rākṣasēndramakampanam || 29 ||
sa vr̥kṣēṇa hatastēna sakrōdhēna mahātmanā |
rākṣasō vānarēndrēṇa papāta ca mamāra ca || 30 ||
taṁ dr̥ṣṭvā nihataṁ bhūmau rākṣasēndramakampanam |
vyathitā rākṣasāḥ sarvē kṣitikampa iva drumāḥ || 31 ||
tyaktapraharaṇāḥ sarvē rākṣasāstē parājitāḥ |
laṅkāmabhiyayustrastā vānaraistairabhidrutāḥ || 32 ||
tē muktakēśāḥ sambhrāntā bhagnamānāḥ parājitāḥ |
sravacchramajalairaṅgaiḥ śvasantō vipradudruvuḥ || 33 ||
anyōnyaṁ pramamanthustē viviśurnagaraṁ bhayāt |
pr̥ṣṭhatastē hanūmantaṁ prēkṣamāṇā muhurmuhuḥ || 34 || [susammūḍhāḥ]
tēṣu laṅkāṁ praviṣṭēṣu rākṣasēṣu mahābalāḥ |
samētya harayaḥ sarvē hanumantamapūjayan || 35 ||
sō:’pi prahr̥ṣṭastānsarvānharīnpratyabhyapūjayat |
hanumānsattvasampannō yathārhamanukūlataḥ || 36 ||
vinēduśca yathāprāṇaṁ harayō jitakāśinaḥ |
cakarṣuśca punastatra saprāṇānapi rākṣasān || 37 ||
sa vīraśōbhāmabhajanmahākapiḥ
samētya rakṣāṁsi nihatya mārutiḥ |
mahāsuraṁ bhīmamamitranāśanaṁ
yathaiva viṣṇurbalinaṁ camūmukhē || 38 ||
apūjayandēvagaṇāstadā kapiṁ
svayaṁ ca rāmō:’tibalaśca lakṣmaṇaḥ |
tathaiva sugrīvamukhāḥ plavaṅgamā
vibhīṣaṇaścaiva mahābalastathā || 39 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē ṣaṭpañcāśaḥ sargaḥ || 56 ||
yuddhakāṇḍa saptapañcāśaḥ sargaḥ (57) >>
See vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
