Read in తెలుగు / ಕನ್ನಡ / தமிழ் / देवनागरी / English (IAST)
|| సువేలారోహణమ్ ||
స తు కృత్వా సువేలస్య మతిమారోహణం ప్రతి |
లక్ష్మణానుగతో రామః సుగ్రీవమిదమబ్రవీత్ || ౧ ||
విభీషణం చ ధర్మజ్ఞమనురక్తం నిశాచరమ్ |
మంత్రజ్ఞం చ విధిజ్ఞం చ శ్లక్ష్ణయా పరయా గిరా || ౨ ||
సువేలం సాధుశైలేంద్రమిమం ధాతుశతైశ్చితమ్ |
అధ్యారోహామహే సర్వే వత్స్యామోఽత్ర నిశామిమామ్ || ౩ ||
లంకాం చాలోకయిష్యామో నిలయం తస్య రక్షసః |
యేన మే మరణాంతాయ హృతా భార్యా దురాత్మనా || ౪ ||
యేన ధర్మో న విజ్ఞాతో న తద్వృత్తం కులం తథా |
రాక్షస్యా నీచయా బుద్ధ్యా యేన తద్గర్హితం కృతమ్ || ౫ ||
తస్మిన్మే వర్తతే రోషః కీర్తితే రాక్షసాధమే |
యస్యాపరాధాన్నీచస్య వధం ద్రక్ష్యామి రక్షసామ్ || ౬ ||
ఏకో హి కురుతే పాపం కాలపాశవశం గతః |
నీచేనాత్మాపచారేణ కులం తేన వినశ్యతి || ౭ ||
ఏవం సమ్మంత్రయన్నేవ సక్రోధో రావణం ప్రతి |
రామః సువేలం వాసాయ చిత్రసానుముపారుహత్ || ౮ ||
పృష్ఠతో లక్ష్మణశ్చైనమన్వగచ్ఛత్సమాహితః |
సశరం చాపముద్యమ్య సుమహద్విక్రమే రతః || ౯ ||
తమన్వరోహత్సుగ్రీవః సామాత్యః సవిభీషణః |
హనుమానంగదో నీలో మైందో ద్వివిద ఏవ చ || ౧౦ ||
గజో గవాక్షో గవయః శరభో గంధమాదనః |
పనసః కుముదశ్చైవ హరో రంభశ్చ యూథపః || ౧౧ ||
జాంబవాంశ్చ సుషేణశ్చ ఋషభశ్చ మహామతిః |
దుర్ముఖశ్చ మహాతేజాస్తథా శతవలిః కపిః || ౧౨ ||
ఏతే చాన్యే చ బహవో వానరాః శీఘ్రగామినః |
తే వాయువేగప్రవణాస్తం గిరిం గిరిచారిణః || ౧౩ ||
అధ్యారోహంత శతశః సువేలం యత్ర రాఘవః |
తే త్వదీర్ఘేణ కాలేన గిరిమారుహ్య సర్వతః || ౧౪ ||
దదృశుః శిఖరే తస్య విషక్తామివ ఖే పురీమ్ |
తాం శుభాః ప్రవరద్వారాం ప్రాకారపరిశోభితామ్ || ౧౫ ||
లంకాం రాక్షససంపూర్ణాం దదృశుర్హరియూథపాః |
ప్రాకారచయసంస్థైశ్చ తథా నీలైర్నిశాచరైః || ౧౬ ||
దదృశుస్తే హరిశ్రేష్ఠాః ప్రాకారమపరం కృతమ్ |
తే దృష్ట్వా వానరాః సర్వే రాక్షసాన్యుద్ధకాంక్షిణః || ౧౭ ||
ముముచుర్వివిధాన్నాదాంస్తత్ర రామస్య పశ్యతః |
తతోఽస్తమగమత్సూర్యః సంధ్యయా ప్రతిరంజితః |
పూర్ణచంద్రప్రదీప్తా చ క్షపా సమభివర్తతే || ౧౮ ||
తతః స రామో హరివాహినీపతి-
-ర్విభీషణేన ప్రతినంద్యసత్కృతః |
సలక్ష్మణో యూథపయూథసంవృతః
సువేలపృష్ఠే న్యవసద్యథాసుఖమ్ || ౧౯ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే అష్టత్రింశః సర్గః || ౩౮ ||
యుద్ధకాండ ఏకోనచత్వారింశః సర్గః (౩౯) >>
సంపూర్ణ శ్రీవాల్మీకి రామాయణ యుద్ధకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
