Read in తెలుగు / ಕನ್ನಡ / தமிழ் / देवनागरी / English (IAST)
|| రామగుల్మవిభాగః ||
నరవానరరాజౌ తౌ స చ వాయుసుతః కపిః |
జాంబవానృక్షరాజశ్చ రాక్షసశ్చ విభీషణః || ౧ ||
అంగదో వాలిపుత్రశ్చ సౌమిత్రిః శరభః కపిః |
సుషేణః సహదాయాదో మైందో ద్వివిద ఏవ చ || ౨ ||
గజో గవాక్షః కుముదో నలోఽథ పనసస్తథా |
అమిత్రవిషయం ప్రాప్తాః సమవేతాః సమర్థయన్ || ౩ ||
ఇయం సా లక్ష్యతే లంకా పురీ రావణపాలితా |
సాసురోరగగంధర్వైరమరైరపి దుర్జయా || ౪ ||
కార్యసిద్ధిం పురస్కృత్య మంత్రయధ్వం వినిర్ణయే |
నిత్యం సన్నిహితో హ్యత్ర రావణో రాక్షసాధిపః || ౫ ||
తథా తేషు బ్రువాణేషు రావణావరజోఽబ్రవీత్ |
వాక్యమగ్రామ్యపదవత్పుష్కలార్థం విభీషణః || ౬ ||
అనలః శరభశ్చైవ సంపాతిః ప్రఘసస్తథా |
గత్వా లంకాం మమామాత్యాః పురీం పునరిహాగతాః || ౭ ||
భూత్వా శకునయః సర్వే ప్రవిష్టాశ్చ రిపోర్బలమ్ |
విధానం విహితం యచ్చ తద్దృష్ట్వా సముపస్థితాః || ౮ ||
సంవిధానం యథాహుస్తే రావణస్య దురాత్మనః |
రామ తద్బ్రువతః సర్వం యథా తత్వేన మే శృణు || ౯ ||
పూర్వం ప్రహస్తః సబలో ద్వారమాసాద్య తిష్ఠతి |
దక్షిణం చ మహావీర్యౌ మహాపార్శ్వమహోదరౌ || ౧౦ ||
ఇంద్రజిత్పశ్చిమద్వారం రాక్షసైర్బహుభిర్వృతః |
పట్టిశాసిధనుష్మద్భిః శూలముద్గరపాణిభిః || ౧౧ ||
నానాప్రహరణైః శూరైరావృతో రావణాత్మజః |
రాక్షసానాం సహస్రైస్తు బహుభిః శస్త్రపాణిభిః || ౧౨ ||
యుక్తః పరమసంవిగ్నో రాక్షసైర్బహుభిర్వృతః |
ఉత్తరం నగరద్వారం రావణః స్వయమాస్థితః || ౧౩ ||
విరూపాక్షస్తు మహతా శూలఖడ్గధనుష్మతా |
బలేన రాక్షసైః సార్ధం మధ్యమం గుల్మమాస్థితః || ౧౪ ||
ఏతానేవంవిధాన్గుల్మాఁల్లంకాయాం సముదీక్ష్య తే |
మామకాః సచివాః సర్వే పునః శీఘ్రమిహాగతాః || ౧౫ ||
గజానాం చ సహస్రం చ రథానామయుతం పురే |
హయానామయుతే ద్వే చ సాగ్రకోటిశ్చ రక్షసామ్ || ౧౬ ||
విక్రాంతా బలవంతశ్చ సంయుగేష్వాతతాయినః |
ఇష్టా రాక్షసరాజస్య నిత్యమేతే నిశాచరాః || ౧౭ ||
ఏకైకస్యాత్ర యుద్ధార్థే రాక్షసస్య విశాంపతే |
పరివారః సహస్రాణాం సహస్రముపతిష్ఠతే || ౧౮ ||
ఏతాం ప్రవృత్తిం లంకాయాం మంత్రిప్రోక్తాం విభీషణః |
ఏవముక్త్వా మహాబాహూ రాక్షసాంస్తానదర్శయత్ || ౧౯ ||
లంకాయాం సచివైః సర్వాం రామాయ ప్రత్యవేదయత్ |
రామం కమలపత్రాక్షమిదముత్తరమబ్రవీత్ || ౨౦ ||
రావణావరజః శ్రీమాన్రామప్రియచికీర్షయా |
కుబేరం తు యదా రామ రావణః ప్రత్యయుధ్యత || ౨౧ ||
షష్టిః శతసహస్రాణి తదా నిర్యాంతి రాక్షసాః |
పరాక్రమేణ వీర్యేణ తేజసా సత్త్వగౌరవాత్ || ౨౨ ||
సదృశా యేఽత్ర దర్పేణ రావణస్య దురాత్మనః |
అత్ర మన్యుర్న కర్తవ్యో రోషయే త్వాం న భీషయే || ౨౩ ||
సమర్థో హ్యసి వీర్యేణ సురాణామపి నిగ్రహే |
తద్భవాంశ్చతురంగేణ బలేన మహతా వృతః || ౨౪ ||
వ్యూహ్యేదం వానరానీకం నిర్మథిష్యసి రావణమ్ |
రావణావరజే వాక్యమేవం బ్రువతి రాఘవః || ౨౫ ||
శత్రూణాం ప్రతిఘాతార్థమిదం వచనమబ్రవీత్ |
పూర్వద్వారే తు లంకాయా నీలో వానరపుంగవః || ౨౬ ||
ప్రహస్తప్రతియోద్ధా స్యాద్వానరైర్బహుభిర్వృతః |
అంగదో వాలిపుత్రస్తు బలేన మహతా వృతః || ౨౭ ||
దక్షిణే బాధతాం ద్వారే మహాపార్శ్వమహోదరౌ |
హనుమాన్పశ్చిమద్వారం నిపీడ్య పవనాత్మజః || ౨౮ ||
ప్రవిశత్వప్రమేయాత్మా బహుభిః కపిభిర్వృతః |
దైత్యదానవసంఘానామృషీణాం చ మహాత్మనామ్ || ౨౯ ||
విప్రకారప్రియః క్షుద్రో వరదానబలాన్వితః |
పరిక్రామతి యః సర్వాంల్లోకాన్సంతాపయన్ప్రజాః || ౩౦ ||
తస్యాహం రాక్షసేంద్రస్య స్వయమేవ వధే ధృతః |
ఉత్తరం నగరద్వారమహం సౌమిత్రిణా సహ || ౩౧ ||
నిపీడ్యాభిప్రవేక్ష్యామి సబలో యత్ర రావణః |
వానరేంద్రశ్చ బలవానృక్షరాజశ్చ వీర్యావాన్ || ౩౨ ||
రాక్షసేంద్రానుజశ్చైవ గుల్మో భవతు మధ్యమః |
న చైవ మానుషం రూపం కార్యం హరిభిరాహవే || ౩౩ ||
ఏషా భవతు సంజ్ఞా నో యుద్ధేఽస్మిన్వానరే బలే |
వానరా ఏవ నిశ్చిహ్నం స్వజనేఽస్మిన్భవిష్యతి || ౩౪ ||
వయం తు మానుషేణైవ సప్త యోత్స్యామహే పరాన్ |
అహమేష సహ భ్రాత్రా లక్ష్మణేన మహౌజసా || ౩౫ ||
ఆత్మనా పంచమశ్చాయం సఖా మమ విభీషణః |
స రామః కృత్యసిద్ధ్యర్థమేవముక్త్వా విభీషణమ్ || ౩౬ ||
సువేలారోహణే బుద్ధిం చకార మతిమాన్మతిమ్ |
రమణీయతరం దృష్ట్వా సువేలస్య గిరేస్తటమ్ || ౩౭ ||
తతస్తు రామో మహతా బలేన
ప్రచ్ఛాద్య సర్వాం పృథివీం మహాత్మా |
ప్రహృష్టరూపోఽభిజగామ లంకాం
కృత్వా మతిం సోఽరివధే మహాత్మా || ౩౮ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే సప్తత్రింశః సర్గః || ౩౭ ||
యుద్ధకాండ అష్టత్రింశః సర్గః (౩౮) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
