Read in తెలుగు / ಕನ್ನಡ / தமிழ் / देवनागरी / English (IAST)
|| ahalyāśāpamōkṣaḥ ||
aphalastu tataḥ śakrō dēvānagnipurōgaman |
abravīt trastavadanaḥ sarṣisaṅghān sacāraṇān || 1 ||
kurvatā tapasō vighnaṁ gautamasya mahātmanaḥ |
krōdhamutpādya hi mayā surakāryamidaṁ kr̥tam || 2 ||
aphalō:’smi kr̥tastēna krōdhātsā ca nirākr̥tā |
śāpamōkṣēṇa mahatā tapōsyāpahr̥taṁ mayā || 3 ||
tasmātsuravarāḥ sarvē sarṣisaṅghāḥ sacāraṇāḥ |
surasāhyakaraṁ sarvē saphalaṁ kartumarhatha || 4 ||
śatakratōrvacaḥ śrutvā dēvāḥ sāgnipurōgamāḥ |
pitr̥dēvānupētyāhuḥ sarvē saha marudgaṇaiḥ || 5 ||
ayaṁ mēṣaḥ savr̥ṣaṇaḥ śakrō hyavr̥ṣaṇaḥ kr̥taḥ |
mēṣasya vr̥ṣaṇau gr̥hya śakrāyāśu prayacchata || 6 ||
aphalastu kr̥tō mēṣaḥ parāṁ tuṣṭiṁ pradāsyati |
bhavatāṁ harṣaṇārthē ca yē ca dāsyanti mānavāḥ || 7 ||
akṣayaṁ hi phalaṁ tēṣāṁ yūyaṁ dāsyatha puṣkalam |
agnēstu vacanaṁ śrutvā pitr̥dēvāḥ samāgatāḥ || 8 ||
utpāṭya mēṣavr̥ṣaṇau sahasrākṣē nyavēśayan |
tadāprabhr̥ti kākutstha pitr̥dēvāḥ samāgatāḥ || 9 ||
aphalānbhuñjatē mēṣānphalaistēṣāmayōjayan |
indrastu mēṣavr̥ṣaṇastadāprabhr̥ti rāghava || 10 ||
gautamasya prabhāvēna tapasaśca mahātmanaḥ |
tadāgaccha mahātēja āśramaṁ puṇyakarmaṇaḥ || 11 ||
tārayaināṁ mahābhāgāmahalyāṁ dēvarūpiṇīm |
viśvāmitravacaḥ śrutvā rāghavaḥ sahalakṣmaṇaḥ || 12 ||
viśvāmitraṁ puraskr̥tya tamāśramamathāviśat |
dadarśa ca mahābhāgāṁ tapasā dyōtitaprabhām || 13 ||
lōkairapi samāgamya durnirīkṣyāṁ surāsuraiḥ |
prayatnānnirmitāṁ dhātrā divyāṁ māyāmayīmiva || 14 ||
sa tuṣārāvr̥tāṁ sābhrāṁ pūrṇacandraprabhāmiva |
madhyē:’mbhasō durādharṣāṁ dīptāṁ sūryaprabhāmiva || 15 ||
dhūmēnāpi parītāṅgīṁ dīptāmagniśikhāmiva |
sā hi gautamavākyēna durnirīkṣyā babhūva ha || 16 ||
trayāṇāmapi lōkānāṁ yāvadrāmasya darśanam |
śāpasyāntamupāgamya tēṣāṁ darśanamāgatā || 17 ||
rāghavau tu tatastasyāḥ pādau jagr̥hatustadā |
smarantī gautamavacaḥ pratijagrāha sā ca tau || 18 ||
pādyamarghyaṁ tathā:’:’tithyaṁ cakāra susamāhitā |
pratijagrāha kākutsthō vidhidr̥ṣṭēna karmaṇā || 19 ||
puṣpavr̥ṣṭirmahatyāsīddēvadundubhiniḥsvanaiḥ |
gandharvāpsarasāṁ caiva mahānāsītsamāgamaḥ || 20 ||
sādhu sādhviti dēvāstāmahalyāṁ samapūjayan |
tapōbalaviśuddhāṅgīṁ gautamasya vaśānugām || 21 ||
gautamō:’pi mahātējā ahalyāsahitaḥ sukhī | [hi]
rāmaṁ sampūjya vidhivattapastēpē mahātapāḥ || 22 ||
rāmō:’pi paramāṁ pūjāṁ gautamasya mahāmunēḥ |
sakāśādvidhivatprāpya jagāma mithilāṁ tataḥ || 23 ||
ityārṣē śrīmadrāmāyaṇē vālmīkīyē ādikāvyē bālakāṇḍē ēkōnapañcāśaḥ sargaḥ || 49 ||
bālakāṇḍa pañcāśaḥ sargaḥ (50) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
