Read in తెలుగు / ಕನ್ನಡ / தமிழ் / देवनागरी / English (IAST)
|| రావణప్రతిజ్ఞా ||
సా వీరసమితీ రాజ్ఞా విరరాజ వ్యవస్థితా |
శశినా శుభనక్షత్రా పౌర్ణమాసీవ శారదీ || ౧ ||
ప్రచచాల చ వేగేన త్రస్తా చైవ వసుంధరా |
పీడ్యమానా బలౌఘేన తేన సాగరవర్చసా || ౨ ||
తతః శుశ్రువురాక్రుష్టం లంకాయాః కాననౌకసః |
భేరీమృదంగసంఘుష్టం తుములం రోమహర్షణమ్ || ౩ ||
బభూవుస్తేన ఘోషేణ సంహృష్టా హరియూథపాః |
అమృష్యమాణాస్తం ఘోషం వినేదుర్ఘోషవత్తరమ్ || ౪ ||
రాక్షసాస్తు ప్లవంగానాం శుశ్రువుశ్చాపి గర్జితమ్ |
నర్దతామివ దృప్తానాం మేఘానామంబరే స్వనమ్ || ౫ ||
దృష్ట్వా దాశరథిర్లంకాం చిత్రధ్వజపతాకినీమ్ |
జగామ మనసా సీతాం దూయమానేన చేతసా || ౬ ||
అత్ర సా మృగశాబాక్షీ రావణేనోపరుధ్యతే |
అభిభూతా గ్రహేణేవ లోహితాంగేన రోహిణీ || ౭ ||
దీర్ఘముష్ణం చ నిఃశ్వస్య సముద్వీక్ష్య చ లక్ష్మణమ్ |
ఉవాచ వచనం వీరస్తత్కాలహితమాత్మనః || ౮ ||
ఆలిఖంతీమివాకాశముత్థితాం పశ్య లక్ష్మణ |
మనసేవ కృతాం లంకాం నగాగ్రే విశ్వకర్మణా || ౯ ||
విమానైర్బహుభిర్లంకా సంకీర్ణా భువి రాజతే |
విష్ణోః పదమివాకాశం ఛాదితం పాండురైర్ఘనైః || ౧౦ ||
పుష్పితైః శోభితా లంకా వనైశ్చైత్రరథోపమైః |
నానాపతంగసంఘుష్టైః ఫలపుష్పోపగైః శుభైః || ౧౧ ||
పశ్య మత్తవిహంగాని ప్రలీనభ్రమరాణి చ |
కోకిలాకులషండాని దోధవీతి శివోఽనిలః || ౧౨ ||
ఇతి దాశరథీ రామో లక్ష్మణం సమభాషత |
బలం చ తద్వై విభజన్ శాస్త్రదృష్టేన కర్మణా | | ౧౩ ||
శశాస కపిసేనాయా బలామాదాయ వీర్యవాన్ |
అంగదః సహ నీలేన తిష్ఠేదురసి దుర్జయః || ౧౪ ||
తిష్ఠేద్వానరవాహిన్యా వానరౌఘసమావృతః |
ఆశ్రిత్య దక్షిణం పార్శ్వమృషభో వానరర్షభః || ౧౫ ||
గంధహస్తీవ దుర్ధర్షస్తరస్వీ గంధమాదనః |
తిష్ఠేద్వానరవాహిన్యాః సవ్యం పార్శ్వం సమాశ్రితః || ౧౬ ||
మూర్ధ్ని స్థాస్యామ్యహం యుక్తో లక్ష్మణేన సమన్వితః |
జాంబవాంశ్చ సుషేణశ్చ వేగదర్శీ చ వానరః || ౧౭ ||
ఋక్షముఖ్యా మహాత్మానః కుక్షిం రక్షంతు తే త్రయః |
జఘనం కపిసేనాయాః కపిరాజోఽభిరక్షతు || ౧౮ ||
పశ్చార్ధమివ లోకస్య ప్రచేతాస్తేజసా వృతః |
సువిభక్తమహావ్యూహా మహావానరరక్షితా || ౧౯ ||
అనీకినీ సా విబభౌ యథా ద్యౌః సాభ్రసంప్లవా |
ప్రగృహ్య గిరిశృంగాణి మహతశ్చ మహీరుహాన్ || ౨౦ ||
ఆసేదుర్వానరా లంకాం విమర్దయిషవో రణే |
శిఖరైర్వికిరామైనాం లంకాం ముష్టిభిరేవ వా || ౨౧ ||
ఇతి స్మ దధిరే సర్వే మానాంసి హరిసత్తమాః |
తతో రామో మహాతేజాః సుగ్రీవమిదమబ్రవీత్ || ౨౨ ||
సువిభక్తాని సైన్యాని శుక ఏష విముచ్యతామ్ |
రామస్య వచనం శ్రుత్వా వానరేంద్రో మహాబలః || ౨౩ ||
మోచయామాస తం దూతం శుకం రామస్య శాసనాత్ |
మోచితో రామవాక్యేన వానరైశ్చాభిపీడితః || ౨౪ ||
శుకః పరమసంత్రస్తో రక్షోఽధిపముపాగమత్ |
రావణః ప్రహసన్నేవ శుకం వాక్యమభాషత || ౨౫ ||
కిమిమౌ తే సితౌ పక్షౌ లూనపక్షశ్చ దృశ్యసే |
కచ్చిన్నానేకచిత్తానాం తేషాం త్వం వశమాగతః || ౨౬ ||
తతః స భయసంవిగ్నస్తదా రాజ్ఞాఽభిచోదితః |
వచనం ప్రత్యువాచేదం రాక్షసాధిపముత్తమమ్ || ౨౭ ||
సాగరస్యోత్తరే తీరేఽబ్రువంస్తే వచనం తథా |
యథా సందేశమక్లిష్టం సాంత్వయన్ శ్లక్ష్ణయా గిరా || ౨౮ ||
క్రుద్ధైస్తైరహముత్ప్లుత్య దృష్టమాత్రైః ప్లవంగమైః |
గృహీతోఽస్మ్యపి చారబ్ధో హంతుం లోప్తుం చ ముష్టిభిః || ౨౯ ||
నైవ సంభాషితుం శక్యాః సంప్రశ్నోఽత్ర న లభ్యతే |
ప్రకృత్యా కోపనాస్తీక్ష్ణా వానరా రాక్షసాధిప || ౩౦ ||
స చ హంతా విరాధస్య కబంధస్య ఖరస్య చ |
సుగ్రీవసహితో రామః సీతాయాః పదమాగతః || ౩౧ ||
స కృత్వా సాగరే సేతుం తీర్త్వా చ లవణోదధిమ్ |
ఏష రక్షాంసి నిర్ధూయ ధన్వీ తిష్ఠతి రాఘవః || ౩౨ ||
ఋక్షవానరముఖ్యానామనీకాని సహస్రశః | [సంఘానాం]
గిరిమేఘనికాశానాం ఛాదయంతి వసుంధరామ్ || ౩౩ ||
రాక్షసానాం బలౌఘస్య వానరేంద్రబలస్య చ |
నైతయోర్విద్యతే సంధిర్దేవదానవయోరివ || ౩౪ ||
పురా ప్రాకారమాయాంతి క్షిప్రమేకతరం కురు |
సీతాం వాఽస్మై ప్రయచ్ఛాశు సుయుద్ధం వా ప్రదీయతామ్ || ౩౫ ||
శుకస్య వచనం శ్రుత్వా రావణో వాక్యమబ్రవీత్ |
రోషసంరక్తనయనో నిర్దహన్నివ చక్షుషా || ౩౬ ||
యది మాం ప్రతి యుధ్యేరన్దేవగంధర్వదానవాః |
నైవ సీతాం ప్రయచ్ఛామి సర్వలోకభయాదపి || ౩౭ ||
కదా నామాభిధావంతి రాఘవం మామకాః శరాః |
వసంతే పుష్పితం మత్తా భ్రమరా ఇవ పాదపమ్ || ౩౮ ||
కదా తూణీశయైర్దీప్తైర్గణశః కార్ముకచ్యుతైః |
శరైరాదీపయామ్యేనముల్కాభిరివ కుంజరమ్ || ౩౯ ||
తచ్చాస్య బలమాదాస్యే బలేన మహతా వృతః |
జ్యోతిషామివ సర్వేషాం ప్రభాముద్యన్దివాకరః || ౪౦ ||
సాగరస్యేవ మే వేగో మారుతస్యేవ మే గతిః |
న హి దాశరథిర్వేద తేన మాం యోద్ధుమిచ్ఛతి || ౪౧ ||
న మే తూణీశయాన్బాణాన్సవిషానివ పన్నగాన్ |
రామః పశ్యతి సంగ్రామే తేన మాం యోద్ధుమిచ్ఛతి || ౪౨ ||
న జానాతి పురా వీర్యం మమ యుద్ధే స రాఘవః |
మమ చాపమయీం వీణాం శరకోణైః ప్రవాదితామ్ || ౪౩ ||
జ్యాశబ్దతుములాం ఘోరామార్తభీతమహాస్వనామ్ |
నారాచతలసన్నాదాం తాం మమాహితవాహినీమ్ |
అవగాహ్య మహారంగం వాదయిష్యామ్యహం రణే || ౪౪ ||
న వాసవేనాపి సహస్రచక్షుషా
యథాఽస్మి శక్యో వరుణేన వా స్వయమ్ |
యమేవ వా ధర్షయితుం శరాగ్నినా
మహాహవే వైశ్రవణేన వా పునః || ౪౫ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే చతుర్వింశః సర్గః || ౨౪ ||
యుద్ధకాండ పంచవింశః సర్గః (౨౫) >>
సంపూర్ణ వాల్మీకి రామాయణే బాలకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
