Read in తెలుగు / ಕನ್ನಡ / தமிழ் / देवनागरी / English (IAST)
శ్రీవిభాండక ఉవాచ |
వరాహదేహసంభూతే గిరిజే పాపభంజిని |
దర్శనాన్ముక్తిదే దేవి మహాపాతకినామపి || ౧ ||
వాగ్దేవీ త్వం మహాలక్ష్మీః గిరిజాసి శచీ తథా |
ప్రభా సూర్యస్య దేవేశి మరీచిస్త్వం కలానిధేః || ౨ ||
పర్జన్యస్య యథా విద్యుద్విష్ణోర్మాయా త్వమేవ హి |
తృణగుల్మలతావృక్షాః సిద్ధా దేవా ఉదీరితాః || ౩ ||
దృష్టా స్పృష్టా తథా పీతా వందితా చావగాహితా |
ముక్తిదే పాపినాం దేవి శతకృత్వో నమో నమః || ౪ ||
మాండవ్య ఉవాచ |
నమస్తే తుంగభద్రాయై నమస్తే హరిదేహజే |
నమస్తే వేదగిరిజే శ్రీశైలపదభాజిని || ౧ ||
విష్ణుమాయే విష్ణురూపే విష్వక్సేనప్రియేఽనఘే |
విశ్వంభరే విశాలాక్షి విలసత్కూలసంయుతే |
విలోకయ వినోదేన కురు మాం విగతైనసమ్ || ౨ ||
త్వద్వాతవీజితా భూతా విమలాఘా భవంతి హి |
దర్శనాత్ స్పర్శనాత్ పానాద్వక్తవ్యం కిం ను విద్యతే || ౩ ||
దృష్ట్వా జన్మశతం పాపం స్పృష్ట్వా జన్మశతత్రయమ్ |
పీత్వా జన్మసహస్రాణాం పాపం నాశయ మంగళే || ౪ ||
పుత్రాన్ దారాన్ ధనం ధాన్యం పశువస్త్రాణి యే నరాః |
కామాన్మజ్జనశీలాస్తే యాంతి తత్ఫలమంజసా |
భుక్త్వా యాంతి హరేః స్థానం యావదాచంద్రతారకమ్ || ౫ ||
ఇతి బ్రహ్మాండపురాణే తుంగభద్రామాహాత్మ్యే శ్రీ తుంగభద్రా స్తుతిః |
మరిన్ని వివిధ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
