Read in తెలుగు / ಕನ್ನಡ / தமிழ் / देवनागरी / English (IAST)
శ్రీవేంకటేశపదపంకజధూలిపంక్తిః
సంసారసింధుతరణే తరణిర్నవీనా |
సర్వాఘపుంజహరణాయ చ ధూమకేతుః
పాయాదనన్యశరణం స్వయమేవ లోకమ్ || ౧ ||
శేషాద్రిగేహ తవ కీర్తితరంగపుంజ
ఆభూమినాకమభితస్సకలాన్పునానః |
మత్కర్ణయుగ్మవివరే పరిగమ్య సమ్య-
-క్కుర్యాదశేషమనిశం ఖలుతాపభంగమ్ || ౨ ||
వైకుంఠరాజసకలోఽపి ధనేశవర్గో
నీతోఽపమానసరణిం త్వయి విశ్వసిత్రా |
తస్మాదయం న సమయః పరిహాసవాచాం
ఇష్టం ప్రపూర్య కురు మాం కృతకృత్యసంఘమ్ || ౩ ||
శ్రీమన్నరాస్తుకతిచిద్ధనికాంశ్చ కేచిత్
క్షోణీపతీం కతిచిదత్ర చ రాజలోకాన్ |
ఆరాధయంతు మలశూన్యమహం భవంతం
కల్యాణలాభజననాయసమర్థమేకమ్ || ౪ ||
లక్ష్మీపతి త్వమఖిలేశ తవ ప్రసిద్ధ-
-మత్ర ప్రసిద్ధమవనౌమదకించనత్వమ్ |
తస్యోపయోగకరణాయ మయా త్వయా చ
కార్యః సమాగమైదం మనసి స్థితం మే || ౫ ||
శేషాద్రినాథభవతాఽయమహం సనాథః
సత్యం వదామి భగవంస్త్వమనాథ ఏవ |
తస్మాత్కురుష్వమదభీప్సిత కృత్యజాల-
-మేవత్వదీప్సిత కృతౌ తు భవాన్సమర్థః || ౬ ||
క్రుద్ధో యదా భవసి తత్క్షణమేవ భూపో
రంకాయతే త్వమసి చేత్ఖలు తోషయుక్తః |
భూపాయతేఽథనిఖిలశ్రుతివేద్య రంక
ఇచ్ఛామ్యతస్తవ దయాజలవృష్టిపాతమ్ || ౭ ||
అంగీకృతం సువిరుదం భగవంస్త్వయేతి
మద్భక్తపోషణమహం సతతం కరోమి |
ఆవిష్కురుష్వ మయి సత్సతతం ప్రదీనే
చింతాప్రహారమయమేవ హి యోగ్యకాలః || ౮ ||
సర్వాసుజాతిషు మయా తు సమ త్వమేవ
నిశ్చీయతే తవ విభో కరుణాప్రవాహాత్ |
ప్రహ్లాదపాండుసుత బల్లవ గృధ్రకాదౌ
నీచో న భాతి మమ కోఽప్యత ఏవ హేతోః || ౯ ||
సంభావితాస్తు పరిభూతిమథ ప్రయాంతి
ధూర్తాజపం హి కపటైకపరా జగత్యామ్ |
ప్రాప్తే తు వేంకటవిభో పరిణామకాలే
స్యాద్వైపరీత్యమివ కౌరవపాండవానామ్ || ౧౦ ||
శ్రీవేంకటేశ తవ పాదసరోజయుగ్మే
సంసారదుఃఖశమనాయ సమర్పయామి |
భాస్వత్సదష్టకమిదం రచితం […]
ప్రభాకరోఽహమనిశం వినయేన యుక్తః || ౧౧ ||
శ్రీశాలివాహనశకే శరకాష్టభూమి
సంఖ్యామితేఽథవిజయాభిధవత్సరేఽయమ్ |
శ్రీకేశవాత్మజైదం వ్యతనోత్సమల్పం
స్తోత్రం ప్రభాకర ఇతి ప్రథితాభిధానా || ౧౨ ||
ఇతి గార్గ్యకులోత్పన్న యశోదాగర్భజ కేశవాత్మజ ప్రభాకర కృతిషు శ్రీవేంకటేశాష్టక స్తోత్రం సమాప్తమ్ ||
శ్రీకృష్ణదాస తనుజస్య మయా తు గంగా
విష్ణోరకారి కిల సూచనయాష్టకం యత్ |
తద్వేంకటేశమనసో ముదమాతనోతు
తద్భక్తలోకనివహానన పంక్తిగం సత్ ||
పిత్రోర్గురోశ్చాప్యపరాధకారిణో
భ్రాతుస్తథాఽన్యాయకృతశ్చదుర్గతః |
తేషు త్వయాఽథాపి కృపా విధీయతాం
సౌహార్దవశ్యేన మయా తు యాచ్యతే ||
మరిన్ని శ్రీ వేంకటేశ్వర స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
