Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
మౌలిం మహేశపుత్రోఽవ్యాద్భాలం పాతు వినాయకః |
త్రినేత్రః పాతు మే నేత్రే శూర్పకర్ణోఽవతు శ్రుతీ || ౧ ||
హేరంబో రక్షతు ఘ్రాణం ముఖం పాతు గజాననః |
జిహ్వాం పాతు గణేశో మే కంఠం శ్రీకంఠవల్లభః || ౨ ||
స్కంధౌ మహాబలః పాతు విఘ్నహా పాతు మే భుజౌ |
కరౌ పరశుభృత్పాతు హృదయం స్కందపూర్వజః || ౩ ||
మధ్యం లంబోదరః పాతు నాభిం సిందూరభూషితః |
జఘనం పార్వతీపుత్రః సక్థినీ పాతు పాశభృత్ || ౪ ||
జానునీ జగతాం నాథో జంఘే మూషకవాహనః |
పాదౌ పద్మాసనః పాతు పాదాధో దైత్యదర్పహా || ౫ ||
ఏకదంతోఽగ్రతః పాతు పృష్ఠే పాతు గణాధిపః |
పార్శ్వయోర్మోదకాహారో దిగ్విదిక్షు చ సిద్ధిదః || ౬ ||
వ్రజతస్తిష్ఠతో వాపి జాగ్రతః స్వపతోఽశ్నతః |
చతుర్థీవల్లభో దేవః పాతు మే భుక్తిముక్తిదః || ౭ ||
ఇదం పవిత్రం స్తోత్రం చ చతుర్థ్యాం నియతః పఠేత్ |
సిందూరరక్తః కుసుమైర్దూర్వయా పూజ్య విఘ్నపమ్ || ౮ ||
రాజా రాజసుతో రాజపత్నీ మంత్రీ కులం చలమ్ |
తస్యావశ్యం భవేద్వశ్యం విఘ్నరాజప్రసాదతః || ౯ ||
సమంత్రయంత్రం యః స్తోత్రం కరే సంలిఖ్య ధారయేత్ |
ధనధాన్యసమృద్ధిః స్యాత్తస్య నాస్త్యత్ర సంశయః || ౧౦ ||
అస్య మంత్రః |
ఐం క్లీం హ్రీం వక్రతుండాయ హుమ్ |
రసలక్షం సదైకాగ్ర్యః షడంగన్యాసపూర్వకమ్ |
హుత్వా తదంతే విధివదష్టద్రవ్యం పయో ఘృతమ్ || ౧౧ ||
యం యం కామమభిధ్యాయన్ కురుతే కర్మ కించన |
తం తం సర్వమవాప్నోతి వక్రతుండప్రసాదతః || ౧౨ ||
భృగుప్రణీతం యః స్తోత్రం పఠతే భువి మానవః |
భవేదవ్యాహతైశ్వర్యః స గణేశప్రసాదతః || ౧౩ ||
ఇతి గణేశరక్షాకరం స్తోత్రం సంపూర్ణమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
