Read in తెలుగు / ಕನ್ನಡ / தமிழ் / देवनागरी / English (IAST)
|| అంగులీయకప్రదానమ్ ||
భూయ ఏవ మహాతేజా హనుమాన్మారుతాత్మజః |
అబ్రవీత్ప్రశ్రితం వాక్యం సీతాప్రత్యయకారణాత్ || ౧ ||
వానరోఽహం మహాభాగే దూతో రామస్య ధీమతః |
రామనామాంకితం చేదం పశ్య దేవ్యంగులీయకమ్ || ౨ ||
ప్రత్యయార్థం తవానీతం తేన దత్తం మహాత్మనా |
సమాశ్వసిహి భద్రం తే క్షీణదుఃఖఫలా హ్యసి || ౩ ||
గృహీత్వా ప్రేక్షమాణా సా భర్తుః కరవిభూషణమ్ |
భర్తారమివ సంప్రాప్తా జానకీ ముదితాఽభవత్ || ౪ ||
చారు తద్వదనం తస్యాస్తామ్రశుక్లాయతేక్షణమ్ |
అశోభత విశాలాక్ష్యా రాహుముక్త ఇవోడురాట్ || ౫ ||
తతః సా హ్రీమతీ బాలా భర్తృసందేశహర్షితా |
పరితుష్టా ప్రియం కృత్వా ప్రశశంస మహాకపిమ్ || ౬ ||
విక్రాంతస్త్వం సమర్థస్త్వం ప్రాజ్ఞస్త్వం వానరోత్తమ |
యేనేదం రాక్షసపదం త్వయైకేన ప్రధర్షితమ్ || ౭ ||
శతయోజనవిస్తీర్ణః సాగరో మకరాలయః |
విక్రమశ్లాఘనీయేన క్రమతా గోష్పదీకృతః || ౮ ||
న హి త్వాం ప్రాకృతం మన్యే వానరం వానరర్షభ |
యస్య తే నాస్తి సంత్రాసో రావణాన్నాపి సంభ్రమః || ౯ ||
అర్హసే చ కపిశ్రేష్ఠ మయా సమభిభాషితుమ్ |
యద్యసి ప్రేషితస్తేన రామేణ విదితాత్మనా || ౧౦ ||
ప్రేషయిష్యతి దుర్ధర్షో రామో న హ్యపరీక్షితమ్ |
పరాక్రమమవిజ్ఞాయ మత్సకాశం విశేషతః || ౧౧ ||
దిష్ట్యా స కుశలీ రామో ధర్మాత్మా సత్యసంగరః |
లక్ష్మణశ్చ మహాతేజాః సుమిత్రానందవర్ధనః || ౧౨ ||
కుశలీ యది కాకుత్స్థః కిం ను సాగరమేఖలామ్ |
మహీం దహతి కోపేన యుగాంతాగ్నిరివోత్థితః || ౧౩ ||
అథవా శక్తిమంతౌ తౌ సురాణామపి నిగ్రహే |
మమైవ తు న దుఃఖానామస్తి మన్యే విపర్యయః || ౧౪ ||
కచ్చిన్న వ్యథితో రామః కచ్చిన్న పరితప్యతే |
ఉత్తరాణి చ కార్యాణి కురుతే పురుషోత్తమః || ౧౫ ||
కచ్చిన్న దీనః సంభ్రాంతః కార్యేషు చ న ముహ్యతి |
కచ్చిత్పురుషకార్యాణి కురుతే నృపతేః సుతః || ౧౬ ||
ద్వివిధం త్రివిధోపాయముపాయమపి సేవతే |
విజిగీషుః సుహృత్కచ్చిన్మిత్రేషు చ పరంతపః || ౧౭ ||
కచ్చిన్మిత్రాణి లభతే మిత్రైశ్చాప్యభిగమ్యతే |
కచ్చిత్కల్యాణమిత్రశ్చ మిత్రైశ్చాపి పురస్కృతః || ౧౮ ||
కచ్చిదాశాస్తి దేవానాం ప్రసాదం పార్థివాత్మజః |
కచ్చిత్పురుషకారం చ దైవం చ ప్రతిపద్యతే || ౧౯ ||
కచ్చిన్న విగతస్నేహః వివాసాన్మయి రాఘవః | [ప్రసాదాత్]
కచ్చిన్మాం వ్యసనాదస్మాన్మోక్షయిష్యతి వానర || ౨౦ ||
సుఖానాముచితో నిత్యమసుఖానామనూచితః |
దుఃఖముత్తరమాసాద్య కచ్చిద్రామో న సీదతి || ౨౧ ||
కౌసల్యాయాస్తథా కచ్చిత్సుమిత్రాయాస్తథైవ చ |
అభీక్ష్ణం శ్రూయతే కచ్చిత్కుశలం భరతస్య చ || ౨౨ ||
మన్నిమిత్తేన మానార్హః కచ్చిచ్ఛోకేన రాఘవః |
కచ్చిన్నాన్యమనా రామః కచ్చిన్మాం తారయిష్యతి || ౨౩ ||
కచ్చిదక్షౌహిణీం భీమాం భరతో భ్రాతృవత్సలః |
ధ్వజినీం మంత్రిభిర్గుప్తాం ప్రేషయిష్యతి మత్కృతే || ౨౪ ||
వానరాధిపతిః శ్రీమాన్సుగ్రీవః కచ్చిదేష్యతి |
మత్కృతే హరిభిర్వీరైర్వృతో దంతనఖాయుధైః || ౨౫ ||
కచ్చిచ్చ లక్ష్మణః శూరః సుమిత్రానందవర్ధనః |
అస్త్రవిచ్ఛరజాలేన రాక్షసాన్విధమిష్యతి || ౨౬ ||
రౌద్రేణ కచ్చిదస్త్రేణ జ్వలతా నిహతం రణే |
ద్రక్ష్యామ్యల్పేన కాలేన రావణం ససుహృజ్జనమ్ || ౨౭ ||
కచ్చిన్న తద్ధేమసమానవర్ణం
తస్యాననం పద్మసమానగంధి |
మయా వినా శుష్యతి శోకదీనం
జలక్షయే పద్మమివాతపేన ||౨౮ ||
ధర్మాపదేశాత్త్యజతశ్చ రాజ్యం
మాం చాప్యరణ్యం నయతః పదాతిమ్ |
నాసీద్వ్యథా యస్య న భీర్న శోకః
కచ్చిచ్చ ధైర్యం హృదయే కరోతి || ౨౯ ||
న చాస్య మాతా న పితా చ నాన్యః
స్నేహాద్విశిష్టోఽస్తి మయా సమో వా |
తావత్త్వహం దూత జిజీవిషేయం
యావత్ప్రవృత్తిం శృణుయాం ప్రియస్య || ౩౦ ||
ఇతీవ దేవీ వచనం మహార్థం
తం వానరేంద్రం మధురార్థముక్త్వా |
శ్రోతుం పునస్తస్య వచోఽభిరామం
రామార్థయుక్తం విరరామ రామా || ౩౧ ||
సీతాయా వచనం శ్రుత్వా మారుతిర్భీమవిక్రమః |
శిరస్యంజలిమాధాయ వాక్యముత్తరమబ్రవీత్ || ౩౨ ||
న త్వామిహస్థాం జానీతే రామః కమలలోచనే |
తేన త్వాం నానయత్యాశు శచీమివ పురందరః || ౩౩ ||
శ్రుత్వైవ తు వచో మహ్యం క్షిప్రమేష్యతి రాఘవః |
చమూం ప్రకర్షన్మహతీం హర్యృక్షగణసంకులామ్ || ౩౪ ||
విష్టంభయిత్వా బాణౌఘైరక్షోభ్యం వరుణాలయమ్ |
కరిష్యతి పురీం లంకాం కాకుత్స్థః శాంతరాక్షసామ్ || ౩౫ ||
తత్ర యద్యంతరా మృత్యుర్యది దేవాః సహాసురాః |
స్థాస్యంతి పథి రామస్య స తానపి వధిష్యతి || ౩౬ ||
తవాదర్శనజేనార్యే శోకేన స పరిప్లుతః |
న శర్మ లభతే రామః సింహార్దిత ఇవ ద్విపః || ౩౭ ||
మలయేన చ వింధ్యేన మేరుణా మందరేణ చ |
దర్దురేణ చ తే దేవి శపే మూలఫలేన చ || ౩౮ ||
యథా సునయనం వల్గు బింబోష్ఠం చారుకుండలమ్ |
ముఖం ద్రక్ష్యసి రామస్య పూర్ణచంద్రమివోదితమ్ || ౩౯ ||
క్షిప్రం ద్రక్ష్యసి వైదేహి రామం ప్రస్రవణే గిరౌ |
శతక్రతుమివాసీనం నాకపృష్ఠస్య మూర్ధని || ౪౦ ||
న మాంసం రాఘవో భుంక్తే న చాపి మధు సేవతే |
వన్యం సువిహితం నిత్యం భక్తమశ్నాతి పంచమమ్ || ౪౧ ||
నైవ దంశాన్న మశకాన్న కీటాన్న సరీసృపాన్ |
రాఘవోఽపనయేద్గాత్రాత్త్వద్గతేనాంతరాత్మనా || ౪౨ ||
నిత్యం ధ్యానపరో రామో నిత్యం శోకపరాయణః |
నాన్యచ్చింతయతే కించిత్స తు కామవశం గతః || ౪౩ ||
అనిద్రః సతతం రామః సుప్తోఽపి చ నరోత్తమః |
సీతేతి మధురాం వాణీం వ్యాహరన్ప్రతిబుధ్యతే || ౪౪ ||
దృష్ట్వా ఫలం వా పుష్పం వా యద్వాన్యత్సుమనోహరమ్ |
బహుశో హా ప్రియేత్యేవం శ్వసంస్త్వామభిభాషతే || ౪౫ ||
స దేవి నిత్యం పరితప్యమాన-
-స్త్వామేవ సీతేత్యభిభాషమాణః |
ధృఢవ్రతో రాజసుతో మహాత్మా
తవైవ లాభాయ కృతప్రయత్నః || ౪౬ ||
సా రామసంకీర్తనవీతశోకా
రామస్య శోకేన సమానశోకా |
శరన్ముఖే సాంబుదశేషచంద్రా
నిశేవ వైదేహసుతా బభూవ || ౪౭ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే షట్త్రింశః సర్గః || ౩౬ ||
సుందరకాండ – సప్తత్రింశః సర్గః (౩౭) >>
సంపూర్ణ వాల్మీకి సుందరకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
