Read in తెలుగు / ಕನ್ನಡ / தமிழ் / देवनागरी / English (IAST)
|| ప్రణయప్రార్థనా ||
స తాం పతివ్రతాం దీనాం నిరానందాం తపస్వినీమ్ |
సాకారైర్మధురైర్వాక్యైర్న్యదర్శయత రావణః || ౧ ||
మాం దృష్ట్వా నాగనాసోరు గూహమానా స్తనోదరమ్ |
అదర్శనమివాత్మానం భయాన్నేతుం త్వమిచ్ఛసి || ౨ ||
కామయే త్వాం విశాలాక్షి బహు మన్యస్వ మాం ప్రియే |
సర్వాంగగుణసంపన్నే సర్వలోకమనోహరే || ౩ ||
నేహ కేచిన్మనుష్యా వా రాక్షసాః కామరూపిణః |
వ్యపసర్పతు తే సీతే భయం మత్తః సముత్థితమ్ || ౪ ||
స్వధర్మో రక్షసాం భీరు సర్వథైవ న సంశయః |
గమనం వా పరస్త్రీణాం హరణం సంప్రమథ్య వా || ౫ ||
ఏవం చైతదకామాం తు న త్వాం స్ప్రక్ష్యామి మైథిలి |
కామం కామః శరీరే మే యథాకామం ప్రవర్తతామ్ || ౬ ||
దేవి నేహ భయం కార్యం మయి విశ్వసిహి ప్రియే |
ప్రణయస్వ చ తత్త్వేన మైవం భూః శోకలాలసా || ౭ ||
ఏకవేణీ ధరాశయ్యా ధ్యానం మలినమంబరమ్ |
అస్థానేఽప్యుపవాసశ్చ నైతాన్యౌపయికాని తే || ౮ ||
విచిత్రాణి చ మాల్యాని చందనాన్యగరూణి చ |
వివిధాని చ వాసాంసి దివ్యాన్యాభరణాని చ || ౯ ||
మహార్హాణి చ పానాని శయనాన్యాసనాని చ |
గీతం నృత్తం చ వాద్యం చ లభ మాం ప్రాప్య మైథిలి || ౧౦ ||
స్త్రీరత్నమసి మైవం భూః కురు గాత్రేషు భూషణమ్ |
మాం ప్రాప్య హి కథం ను స్యాస్త్వమనర్హా సువిగ్రహే || ౧౧ ||
ఇదం తే చారు సంజాతం యౌవనం వ్యతివర్తతే |
యదతీతం పునర్నైతి స్రోతః శీఘ్రమపామివ || ౧౨ ||
త్వాం కృత్వోపరతో మన్యే రూపకర్తా స విశ్వసృక్ |
న హి రూపోపమా త్వన్యా తవాస్తి శుభదర్శనే || ౧౩ ||
త్వాం సమాసాద్య వైదేహి రూపయౌవనశాలినీమ్ |
కః పుమానతివర్తేత సాక్షాదపి పితామహః || ౧౪ ||
యద్యత్పశ్యామి తే గాత్రం శీతాంశుసదృశాననే |
తస్మింస్తస్మిన్పృథుశ్రోణి చక్షుర్మమ నిబధ్యతే || ౧౫ ||
భవ మైథిలి భార్యా మే మోహమేనం విసర్జయ |
బహ్వీనాముత్తమస్త్రీణామాహృతానామితస్తతః || ౧౬ ||
సర్వాసామేవ భద్రం తే మమాగ్రమహిషీ భవ |
లోకేభ్యో యాని రత్నాని సంప్రమథ్యాహృతాని వై || ౧౭ ||
తాని మే భీరు సర్వాణి రాజ్యం చైతదహం చ తే |
విజిత్య పృథివీం సర్వాం నానానగరమాలినీమ్ || ౧౮ ||
జనకాయ ప్రదాస్యామి తవ హేతోర్విలాసిని |
నేహ పశ్యామి లోకేఽన్యం యో మే ప్రతిబలో భవేత్ || ౧౯ ||
పశ్య మే సుమహద్వీర్యమప్రతిద్వంద్వమాహవే |
అసకృత్సంయుగే భగ్నా మయా విమృదితధ్వజాః || ౨౦ ||
అశక్తాః ప్రత్యనీకేషు స్థాతుం మమ సురాసురాః |
ఇచ్ఛయా క్రియతామద్య ప్రతికర్మ తవోత్తమమ్ || ౨౧ ||
సప్రభాణ్యవసజ్యంతాం తవాంగే భూషణాని చ |
సాధు పశ్యామి తే రూపం సంయుక్తం ప్రతికర్మణా || ౨౨ ||
ప్రతికర్మాభిసంయుక్తా దాక్షిణ్యేన వరాననే |
భుంక్ష్వ భోగాన్యథాకామం పిబ భీరు రమస్వ చ || ౨౩ ||
యథేష్టం చ ప్రయచ్ఛ త్వం పృథివీం వా ధనాని చ |
రమస్వ మయి విస్రబ్ధా ధృష్టమాజ్ఞాపయస్వ చ || ౨౪ || [లలస్వ]
మత్ర్పసాదాల్లలంత్యాశ్చ లలంతాం బాంధవాస్తవ |
ఋద్ధిం మమానుపశ్య త్వం శ్రియం భద్రే యశశ్చ మే || ౨౫ ||
కిం కరిష్యసి రామేణ సుభగే చీరవాససా |
నిక్షిప్తవిజయో రామో గతశ్రీర్వనగోచరః || ౨౬ ||
వ్రతీ స్థండిలశాయీ చ శంకే జీవతి వా న వా |
న హి వైదేహి రామస్త్వాం ద్రష్టుం వాప్యుపలప్స్యతే || ౨౭ ||
పురో బలాకైరసితైర్మేఘైర్జ్యోత్స్నామివావృతామ్ |
న చాపి మమ హస్తాత్త్వాం ప్రాప్తుమర్హతి రాఘవః || ౨౮ ||
హిరణ్యకశిపుః కీర్తిమింద్రహస్తగతామివ |
చారుస్మితే చారుదతి చారునేత్రే విలాసిని || ౨౯ ||
మనో హరసి మే భీరు సుపర్ణః పన్నగం యథా |
క్లిష్టకౌశేయవసనాం తన్వీమప్యనలంకృతామ్ || ౩౦ ||
త్వాం దృష్ట్వా స్వేషు దారేషు రతిం నోపలభామ్యహమ్ |
అంతఃపురనివాసిన్యః స్త్రియః సర్వగుణాన్వితాః || ౩౧ ||
యావన్త్యో మమ సర్వాసామైశ్వర్యం కురు జానకి |
మమ హ్యసితకేశాంతే త్రైలోక్యప్రవరాః స్త్రియః || ౩౨ ||
తాస్త్వాం పరిచరిష్యంతి శ్రియమప్సరసో యథా |
యాని వైశ్రవణే సుభ్రు రత్నాని చ ధనాని చ || ౩౩ ||
తాని లోకాంశ్చ సుశ్రోణి మాం చ భుంక్ష్వ యథాసుఖమ్ |
న రామస్తపసా దేవి న బలేన న విక్రమైః |
న ధనేన మయా తుల్యస్తేజసా యశసాఽపి వా || ౩౪ ||
పిబ విహర రమస్వ భుంక్ష్వ భోగాన్
ధననిచయం ప్రదిశామి మేదినీం చ |
మయి లల లలనే యథాసుఖం త్వం
త్వయి చ సమేత్య లలంతు బాంధవాస్తే || ౩౫ ||
కుసుమితతరుజాలసంతతాని
భ్రమరయుతాని సముద్రతీరజాని |
కనకవిమలహారభూషితాంగీ
విహర మయా సహ భీరు కాననాని || ౩౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే వింశః సర్గః || ౨౦ ||
సుందరకాండ – ఏకవింశః సర్గః (౨౧) >>
సంపూర్ణ వాల్మీకి సుందరకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
