Read in తెలుగు / ಕನ್ನಡ / தமிழ் / देवनागरी / English (IAST)
నమస్తే దేవదేవేశ నమస్తే భక్తవత్సల |
నమస్తే కరుణారాశే నమస్తే నందవిక్రమ || ౧ || [కరుణాంశే]
గోవిందాయ సురేశాయ అచ్యుతాయావ్యయాయ చ |
కృష్ణాయ వాసుదేవాయ సర్వాధ్యక్షాయ సాక్షిణే || ౨ ||
లోకస్థాయ హృదిస్థాయ అక్షరాయాత్మనే నమః |
అనంతాయాదిబీజాయ ఆద్యాయాఽఖిలరూపిణే || ౩ ||
యజ్ఞాయ యజ్ఞపతయే మాధవాయ మురారయే |
జలస్థాయ స్థలస్థాయ సర్వగాయాఽమలాత్మనే || ౪ ||
సచ్చిద్రూపాయ సౌమ్యాయ నమః సర్వాఘనాశినే |
నమః కాలాయ కలయే కామితార్థప్రదాయ చ || ౫ ||
నమో దాంతాయ శాంతాయ విష్ణవే జిష్ణవే నమః |
విశ్వేశాయ విశాలాయ వేధసే విశ్వవాసినే || ౬ ||
సురాధ్యక్షాయ సిద్ధాయ శ్రీధరాయ నమో నమః |
హృషీకేశాయ ధైర్యాయ నమస్తే మోక్షదాయినే || ౭ ||
పురుషోత్తమాయ పుణ్యాయ పద్మనాభాయ భాస్వతే |
ఆగ్రేసరాయ తూలాయ ఆగ్రేసరాయాత్మనే నమః || ౮ ||
జనార్దనాయ జైత్రాయ జితామిత్రాయ జీవినే |
వేదవేద్యాయ విశ్వాయ నారసింహాయ తే నమః || ౯ ||
జ్ఞానాయ జ్ఞానరూపాయ జ్ఞానదాయాఖిలాత్మనే |
ధురంధరాయ ధుర్యాయ ధరాధారాయతే నమః || ౧౦ ||
నారాయణాయ శర్వాయ రాక్షసానీకవైరిణే |
గుహ్యాయ గుహ్యపతయే గురవే గుణధారిణే || ౧౧ ||
కారుణ్యాయ శరణ్యాయ కాంతాయామృతమూర్తయే |
కేశవాయ నమస్తేఽస్తు నమో దామోదరాయ చ || ౧౨ ||
సంకర్షణాయ శర్వాయ నమస్త్రైలోక్యపాలినే |
భక్తప్రియాయ హరయే నమః సర్వార్తినాశినే || ౧౩ ||
నానాభేదవిభేదాయ నానారూపధరాయ చ |
నమస్తే భగవాన్ విష్ణో పాహి మాం కరుణాకర || ౧౪ ||
ఇతి విప్రకృత శ్రీ విష్ణుస్తుతిః |
మరిన్ని శ్రీ విష్ణు స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
