Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సుబ్రహ్మణ్య స్తోత్రనిధి” పారాయణ గ్రంథములో కూడా ఉన్నది. Click here to buy.]
మయూరాచలాగ్రే సదారం వసంతం
ముదారం దదానం నతేభ్యో వరాంశ్చ |
దధానం కరాంభోజమధ్యే చ శక్తిం
సదా షణ్ముఖం భావయే హృత్సరోజే || ౧ ||
గిరీశాస్యవారాశిపూర్ణేందుబింబం
కురంగాంకధిక్కారివక్త్రారవిందమ్ |
సురేంద్రాత్మజాచిత్తపాథోజభానుం
సదా షణ్ముఖం భావయే హృత్సరోజే || ౨ ||
నతానాం హి రాజ్ఞాం గుణానాం చ షణ్ణాం
కృపాభారతో యో ద్రుతం బోధనాయ |
షడాస్యాంబుజాతాన్యగృహ్ణాత్పరం తం
సదా షణ్ముఖం భావయే హృత్సరోజే || ౩ ||
పురా తారకం యో విజిత్యాజిమధ్యే
సురాన్దుఃఖముక్తాంశ్చకారాశు మోదాత్ |
తమానందకందం కృపావారిరాశిం
సదా షణ్ముఖం భావయే హృత్సరోజే || ౪ ||
శరాణాం వనే జాతమేనం హి బాలం
యతః కృత్తికాః పాయయంతి స్మ దుగ్ధమ్ |
తతః కార్తికేయం వదంతీహ యం తం
సదా షణ్ముఖం భావయే హృత్సరోజే || ౫ ||
హరంతం చ బాఢం తమో హార్దగాఢం
గవానాద్యయా చాతిమోదేన లీఢమ్ |
సురేంద్రస్య పుత్ర్యా చ గాఢోపగూఢం
సదా షణ్ముఖం భావయే హృత్సరోజే || ౬ ||
ఇయం షట్పదీ యస్య వక్త్రారవిందే
విహారం కరోత్యాదరాన్నిత్యమేవ |
షడాస్యః కృపాతః సమస్తాశ్చ విద్యా
వితీర్యాశు తస్మై స్వభక్తిం దదాతి || ౭ ||
ఇతి శ్రీశృంగేరిజగద్గురు శ్రీసచ్చిదానంద శివాభినవనృసింహభారతీ స్వామిభిః విరచితం శ్రీ షణ్ముఖ షట్పదీ స్తవః |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సుబ్రహ్మణ్య స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ సుబ్రహ్మణ్య స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
